تعبت من شحن فريون التكييف

[eng.amrefaat]

السلام عليكم

و الله يا جماعه انا بقالى اكتر من سنتين بشحن التكيف بتاع العربيه مره و اتنين فى السنه
كنت عايز اسال فى مركز او مكان مضمون يكشفلى عن دورة التكيف لو فيها تسريب و لا حاجه .. وكمان يكون امين و بيستخدم نوع فريون مناسب للعربيه .. وياريت لو كان قريب من الهرم او فيصل
انا عربيتى نيسان صنى 2006

شكرا ليكم جدا

[Amr.Fathy]

مؤسسة عشم نوار للتكييف العنوان تقاطع شارع دمشق مع شارع بيروت امام بنك عوده مصر الجديدة

[ahmad--ezzat]

مؤسسة عشم نوار للتكييف العنوان تقاطع شارع دمشق مع شارع بيروت امام بنك عوده مصر الجديدة

اعوذ بالله

[Amr.Fathy]

اعوذ بالله

على فكرة انا مليش علاقة بيهم و لا مصلحة شخصية

انا جربتهم و تجربتى كانت كويسة

[eng.amrefaat]

الف شكرا علي المشاركه

[ahmed.zahra]

المراكبي في جسر السويس عند العرب

[salam100100]

فى واحد فى اول شارع المماليك على اليمين قبل ميدام المماليك الروضه المنيل
مش فاكر اسمه انا اتعاملت معاه مره واحده كنت بعمل صيانه روتينيه تنظيف فيلتر وسربانتينه فقط
اللى لاحظته انه حراق

[noorcairo]

فية واحد انا اتعملت معاه قبل كدة في عربيتين واسمة الصعيدي ( زيدان ) عن تجربة هو مش حراق ومش معقول بس عندة امانة كويسة جدا هو موجود في مدينة نصر أول شارع الطيران يمين - ثالث عمارة شمال حاطت يافتة الشارع الخلفي لهيئة الامداد والتموين للقوات المسلحة

[mbx4e]

خلاص يبقى لازم تعرف مصدر التسريب وتقطع الشك باليقين راجع الفيديوهات دي
دا تسريب من التلاجة

https://youtu.be/h1wOCvV7bQs

ودا تسريب من الكباس

https://youtu.be/pCv7rCdcXsc

ودا تسريب من السربنتينه

https://youtu.be/KyAd3k-S58k

ودا تسريب من ابر بلوف الخدمة ومقرف جدا وصعب اكتشافه لانها احيانا بتسرب وماتبانش بس تقدر تغيرها لانه غير مكلفه الا لو في شحنة
والراجل هنا بيتكلم عن كل الطرق :

https://youtu.be/Cfm6m01FfeI

بس طبعا لازم الاماكن بتاعت الكباس وخطوط التكييف تبقى نظيفه مافهاش شحم او زيوت عشان الرؤية تبقى واضحة
وبالنسبة لطريقة المياه والصابون انا شايف انها مابتجبش نتيجه الا لو تسريب كبير او في جزء كاوتش غير كدا لازم تكبس هوا على ضغط عالى طب افرض ان في اجزاء ضعيفة او ماسكه نفسها يقوم الكبس الزياده يبوظها زي الاولسيهات والاجزاء الكاوتش زي الخراطيم واجزاء اللواكير ومثلا التلاجه بتشتغل على ضغط (٣٠:٥٠psi) متصممه انها متتحملش ضغط عالي زي السربنتينه ودي بتشتغل المفروض على (١٥٠:٣٥٠psi)
طيب اللي بيكبس بيوصل ل (psi ٣٠٠:٢٠٠)
مش دا ممكن يعمل تلف او يفك كبس اطراف التلاجه حتى لو مسربش وهو بيكشف هايسرب قريب مع التحميل وتغير درجات الحراره وضغط الفريون اللي بيتغير بسرعه ويغلي ويتبخر جوا المواسير ويرجع يتكثف بسرعة تاني
واي استفسار انا في الخدمة