افيدونا يا ملاك الصني

[Mohamed Abdoh]

يا جماعه انا ناوي انشاء الله اشتري صني الهاي لين ( سعرها حوالي 155 تقريبا )

كنت عاوز اعرف العربيه وضعها ايه من ناحيه العزم والسحب ( مع التكييف وبدونه )
الثبات على السرعات ( لحد 140 مثلا )
العفشه والفرامل لأني سمعت عليهم كلام ميطمنش الصراحه

افيدوني لان دي نقريبا معظم الفلوس اللي امتلكها وشكرا

[Mohamed Abdoh]

ايه يا جماعه محدش هنا معاه صني ولا ايه ؟؟؟؟



فين الردود ؟

[salam100100]

اولا واهم شىء لازم اقوله عن العربيه: العربيه دى مش بتاعت جرى وشقاوه

مش هتعرف تاخد منها تجميع العربيات المانيوال ال1600

لو سواقتك هاديه هتعجبك لاقصى الحدود زىى

ندخل فالموضوع
1- العزم: انا كان معايا نوبيرا قبلها- عزم الصنى احسن من النوبيرا- الفتيس وهو على النقله الثانيه حلو جدا فالشد والمطالع- لكن اول مبينقل للثالث بتحس انك خسرت العزم (دا لو انت بتحب الجرى هتحس بدا)

2- السحب: النوبيرا عشان كانت مانيوال و1600 فالسحب بتاع النوبيرا احسن- يعنى على الصحراوى وحبيت اطلع من عربيه, الصنى بتاخد وقت اطول من النوبيرا عشان تجمع

بردو هحاول اقرب المقارنه هى قريبه جدا من سحب اللانوس لكن اقل من الفيرنا

الاوفر دايف بيسعف فالمواقف الصعبه- وهيلبى احتياجاتك فالجرى

3-بالنسبه للتكييف: فى طبعا احساس ان العربيه تجميعها اقل حاجه بسيطه, مش هتفرق معاك.

كنت بحسه فالنوبيرا واللانوس والفيرنا- هو هو نفس الاحساس

4-الثبات: نقطه ضعف. لحد ال120 كويسه وليست ممتازه( تقدر تسوق بايد واحده بثقه)- احسن من النوبيرا واللانوس والفيرنا

الثبات بالتجربه بيتاثر من ضغظ الكاوتش والهواء , الاثنين دول باثروا بالسلب الواضح فالاتزان.

لو العربيه محمله الاتزان بيتحسن ودا بيبان فالسفر.

اكثر من 120 كم/س الاتزان بيقل (وهتلاقى نفسك ماسك الدركسيون بايديك الاثنين عشان تلمها) وبيبان فالغرز الضيقه وانا لا انصح بالشقاوه بالصنى على السرعات العاليه. جبت بيها 160 لكن اخاف اخد غرزه على السرعه دى- كانت ممكن تجيب اكتر لكن خفت

5- العفشه: اول مجبتها كنت حاسس انها ناشفه- بعد الاستخدام العفشه ابتدت تاخد وتدى وطلع ان التنجيد بتاع الكرسى كان بردو ناشف وابتدا يطرى- فحاليا العفشه ناعمه فالمطبات

6- الفرامل: مبشتكيش منها- الفرامل قويه اقوى من النوبيرا واللانوس والفيرنا- عامل 33000 كم بتيل وطنابير الفابريكه.

انا تحت امرك فى اى استفسار.

[maged 83]

لغايه 120 ممتازه بعد كده خفيفه
اقصي سرعه ليها 170 بتوصل ل 4500 لفه
الااتزان حلو بس متقارنها بالعربيات العاليه زي الالماني مثلا
العفشه حلوه بالنسبه للشوارع المصريه والتكسير اللي فيها عاليه وناشفه شويه

[Mohamed Abdoh]

تسلم اديكو يا جماعه
المشكله اني معايا دلوقتي لانسر بومه 1300 مانيوال والصراحه انا موضوع السحب ده حاجه مهمه بالنسبالي والعفشه كمان

انا ناوي ابيعها و موقف الشاري علشان مش عارف اشتري ايه الصراحه

شكرا لردودكم ولو تقدرو تنصحوني بحاجه .... يعني مثلا هيا احسن ولا البيجو 301 ؟؟؟ علما بأنها ب 165 الهاي لين ؟؟ ولا اللوجان
انا محتار بين ال 3 دول مع العلم اني مش عاوز اصرف قوي الصراحه وشكرا تاني

[salam100100]

تسلم اديكو يا جماعه
المشكله اني معايا دلوقتي لانسر بومه 1300 مانيوال والصراحه انا موضوع السحب ده حاجه مهمه بالنسبالي والعفشه كمان

انا ناوي ابيعها و موقف الشاري علشان مش عارف اشتري ايه الصراحه

شكرا لردودكم ولو تقدرو تنصحوني بحاجه .... يعني مثلا هيا احسن ولا البيجو 301 ؟؟؟ علما بأنها ب 165 الهاي لين ؟؟ ولا اللوجان
انا محتار بين ال 3 دول مع العلم اني مش عاوز اصرف قوي الصراحه وشكرا تاني

انا سقت البوما ال1300 بتاعت حضرتك
قريبيين من بعض جدا فالاداء كاتزان وفرامل
الشد معرفش عشان مكنتشتش بتاعتى- بس اعتقد الصنى هتكون احسن حاجه بسيطه عشان 1500
الصنى الRPM بتاعها لما بيعلى عن 4000 لفه العربيه بتكون حلوه فالتجميع
تحت ال3000 بتكون عربيه عواجيزى شويه وهو دا اللى عاجبنى فيها عشان سواقتى هاديه

كان فلا عربيه test drive راكنه عند السبع فرع المعادى شارع اللاسيلكى
كلمهم على 16244 او 16449 وشوف كل لازالوا بيقدوا الخدمه دى
حاول تجربها قبل قرار الشراء - هى او اى عربيه تانيه من فضلك

[ahmad--ezzat]

هي العربيه مش ١٤٠ الف السوبر صالون ؟؟؟
ايه ١٥٥ دي يارجاله

لو سعر الوكيل ١٤٠ وتستني وقت يبقي افضل وتوفر ١٥ الف

[adel_edrees]

حضرتك طالما ناوى ناوى يبقى سيبك من ال 301 و اللوجان و الصنى و خش على العربيات اللى بجد السينترا اول العربيات اللى بجد و شكرا

[Mohamed Abdoh]

حضرتك طالما ناوى ناوى يبقى سيبك من ال 301 و اللوجان و الصنى و خش على العربيات اللى بجد السينترا اول العربيات اللى بجد و شكرا

حضرتك عندك فكره السنترا بكام
السنترا ب 192 الف

[tasaka]

حضرتك طالما ناوى ناوى يبقى سيبك من ال 301 و اللوجان و الصنى و خش على العربيات اللى بجد السينترا اول العربيات اللى بجد و شكرا

+1

[Mohamed Abdoh]

طيب اخر سؤال معلش طولت عليكم

التكييف حلو ولا ضعيف لأني برضه سمعت انه ضعيف مش زي تكييف باقي العربيات الياباني

وهل الجنط بتاعها يستاهل وبيأثر على ثباتها ولا ممكن اجيب الفئه الاولى وابقا اجنط براحتي ؟؟؟ لأني نويت اجيب الفئه الاولى لضيق اليد


وشكرا

[salam100100]

طيب اخر سؤال معلش طولت عليكم

التكييف حلو ولا ضعيف لأني برضه سمعت انه ضعيف مش زي تكييف باقي العربيات الياباني

وهل الجنط بتاعها يستاهل وبيأثر على ثباتها ولا ممكن اجيب الفئه الاولى وابقا اجنط براحتي ؟؟؟ لأني نويت اجيب الفئه الاولى لضيق اليد


وشكرا

التكييف حلو لكن اقل من النوبيرا والفيرنا- احسن من الافيو (دا رائ قريب لى كان معاه افيو وغير وجاب صنى)
قصدى انه بياخد وقت عقبال ما تحس انه سقع الكبينه فالايام الحر جدا
هو بياخد وقت لوسع الكبينه

هديك مثال تانى لتقريب الصوره
فالحر كنت بحط التكييف على 2 فالنوبيرا- فالصنى بحطه على 3 وبيدينى نفس الاحساس

لو العربيه منقوعه فالشمس- بحطه على 4 لمده 10 دقائق مثلا وبوطيه تدريجيا

بالنسبه للجنط- الجنط الاعرض بيدى اتزان احسن حاجه بسيطه مش فظيعه
انا عربيتى ال ex مش السوبر صالون- ناوى اغير الكاوتش على 40000 كم واجيب مقاس 195*60 R15 على نفس الجنط بدل المقاس الحالى 185*65 R15

[Mohamed Abdoh]

تمام انا معاك بس الوضع كالتالي
الفئه الاولى ب 139
الفئه التانيه ب 149 تزيد عنها فقط الجنوط والزجاج الخلفي فاميه وطاره ملتي وسبويلر ( انا مش فارق معايا فيهم الا الجنوط) فهل ال 10 الاف دول يستاهلهم الجنوط ولا ممكن اجيب جنوط من بره احسن وخلاص
الهاي لين ملناش دعوه بيها

[Mohamed Abdoh]

ممكن نمره حضرتك على الخاص علشان انا عاوز اسأل حضرتك اسأله كتير وشكرا
او الاميل mero5005@gmail.com

[adel_edrees]

حضرتك عندك فكره السنترا بكام
السنترا ب 192 الف

:y_hi_3[1]::y_hi_3[1]::y_hi_3[1]:

أنا ما أعرفش أنها غليت قوى كده