لمبة الموتور check engine نيسان صني

[hisham_hamza]

السلام عليكم يا جماعة لكل أعضاء المنتدى المتميز دائماً

أنا عندي نيسان صني الشكل الجديد ٢٠١٣
بعاني من لمبة الموتور check engine كل كأم يوم تنور و العربية ماتجيبش اكتر من الغيار التاني

أقف أَطْفِئ العربية و اشغلها تمشي كويس بس اللمبة ماتطفيش .. زهقت من التوكيل ٤ مرات اوديها و تبات يوم و في الاخر يقولولي العربية كويسة مافيهاش حاجة و طفينا اللمبة .. امشي كأم يوم تنور تاني

زهههههققققققققتتتتتتتتتت

افيدوني افادكم الله اعمل آيه ؟؟

[م/أحمد عبد الفتاح]

وديها لحد بره التوكيل محترم يكون عنده سكانر ويقولك إيه هى اكواد الاعطال وحالتها active ولا pending ولا stored وتكتبهم هنا وربنا يسهل .
بصفة عامة فى العربيات لما ماتنقلش اكتر من التانى بيبقى ده وضع بيلجأ ليه كمبيوتر العربية إسمه Limb mode أو Drive home للمحافظة والموتور والفتيس وفى الغالب سببه مشكلة فى الفتيس - ماتمشيش عليها كده علشان الفتيس مايبوظش - هو انت غيرت زيت الفتيس قريب ؟؟؟ وهل لوغيرته حطيت الزيت المكتوب فى الكتالوج ؟؟ وايه اخر اصلاح او صيانة تمت فى العربية قبل الموضوع ده مايحصل ؟؟

[hisham_hamza]

الف شكر .. بس هي العربية ماشية ١٢ الف بس فلا لِسَّه مارغيرتش اي حاجة .. كل تلات شهور بوديها التوكيل أغير الزيت و الفلتر

[م/أحمد عبد الفتاح]

يبقى زى ماقولتلك روح لحد تانى غير التوكيل يكون محترم

[م/أحمد عبد الفتاح]

لو كنت غسلتها قريب ممكن المية تعمل كده فى اى فيشة - سيبها يومين تلاتة وشوف حاتعمل كده تانى ولا لأ

[tameem2010]

طالما مبتنقلش اكتر من التاني
يبقى راجع على البوبينه بتاعتها لانها جنبين وكده ممكن يكون فيها جنب فاصل
وده هتلاقي العربية بترتل على السلانسيه والار بي ام اخره 500 لفة في الدقيقة
وراجع حساس الكرنك هيبان على الاسكانر

[volociximab]

حاسب على الضمان عشان فيه شكاوى من فتيس نيسان لسيارات اخرى

[hisham_hamza]

يبقى زى ماقولتلك روح لحد تانى غير التوكيل يكون محترم

طب معلش تعرفوا حد تاني يكون عنده سكانر و محترم .. لأني للاسف ماعرفش غير التوكيل أوتو ايجيبت

[Drsalah]

حساس الكرنك حساس الاكسجين حساس الشكمان فيه حساس اكيد محتاج يتغير والعربيه طبيعى تخش اليمب مود(وضع الامان)