اشتريت صني 2014 و مش عارف اعمل ايه

[ahmed197319]

شتريت صني 2014 و مش عارف اعمل ايه هي عامله 43 الف كيلو و معايا بقالها شهر انا عملت فيهم حوالي 300 كيلو داخل المدينه و مش عارف المفروض اعمل ايه صيانه و اغير ايه ولاحظت ان ضغط الهواء داخل العجله الاماميه شمال كل شويه ينزل ده معناه اني اغيرها و ايه اخبار التيل و الطنابير اغير ولا استني
اخيرا انا كان معايا بيجو 307 طلعت عينيا و كرهتني في كل العربيات بس للامانه الفرامل بتاعتها تعتبر عالميه مقارنة بالصني

[Colin Chapman]

بيجو 307 طلعت عينيا و كرهتني في كل العربيات

شتريت صني 2014 و مش عارف اعمل ايه هي عامله 43 الف كيلو و معايا بقالها شهر انا عملت فيهم حوالي 300 كيلو داخل المدينه و مش عارف المفروض اعمل ايه صيانه و اغير ايه ولاحظت ان ضغط الهواء داخل العجله الاماميه شمال كل شويه ينزل ده معناه اني اغيرها و ايه اخبار التيل و الطنابير اغير ولا استني
اخيرا انا كان معايا بيجو 307 طلعت عينيا و كرهتني في كل العربيات بس للامانه الفرامل بتاعتها تعتبر عالميه مقارنة بالصني

لحام تيوبلس للكاوتشة لزق بلاش خوابير !!طالما مفيش صوت صفارة مع الفرامل بلاش تغيير تيل خود وش هواء فقط من دائرة الفرامل!! الحمد الله انك خلصت من كابوس ال 307 !!

[tasaka]

غير زيت الفرامل بالكامل .. لانه بيفقد خواصه خلال سنتين بالكتير

اخذ الهوا على الزيت القديم موش حيحل المشكله .. الكلام ده عام لاى سياره و اى ماركه

[tasaka]

هي عامله 43 الف كيلو و معايا بقالها شهر انا عملت فيهم حوالي 300 كيلو داخل المدينه و مش عارف المفروض اعمل ايه صيانه

لازم تكلم المالك القديم تعرف منه ايه اللى عمله و امتى عمله .. خصوصا زيت الفتيس و الميه و زيت الباور لو هو هيدروليك .. البوجيهات .. فلاتر الهوا و البنزين

و امشى على الكتالوج

[sherif_mahalla]

الأفضل تغير كل الزيوت و الفلاتر احتياطي لو متعرفش اتغيروا امتى

[mem]

حضرتك العربيه لسى بحالتها ما شاء الله 43 الف كيلو يعنى كل حاجه لسى بحالتها
حضرتك ممكن تغير الاساسيات فقط
يعنى تغيير زيت الموتور والفلتر وفلتر الهواء
وزيت الفتيس لو هى اتوماتيك
وراجع على مقاسات الكاوتش والكاوتش اللى كل شويه يقل ده عايز لحام فقط وخليه يعمله من الداخل مش خوابير
بس كده وربنا يحفظهالك ويكفيك شرها