عربية نيسان سوبر صالون 2007

[waelsafty]

عربية نيسان سوبر صالون 2007
المشكلة ان العربية بتبطل وهي ماشية ولمض التبلوة بتنور وعند الدوارة مرة تانية بتدور علي طول
كشف على الجهاز وظهرت 3 اخطاء في الاير ماس و طلمبة المياه و حساس البوابة
غير حساس الكرنك و غير صوابع المباين والبوجيهات و كشف على طلمبة البنزين وكشف على الكارتة ووجدت سليمة وكشف على جميع الفيش ونظف البوابة والحساس
والمشكلة لسة موجودة ودلوقتي بتبطل على السلانسية وعند السرعة لا
وراح لاكتر من ميكانيكي وكهربائي ومحدش عارف العيب فين
اخر حاجة قالولو انه حساس البوابة بس مش لاقية
لو حد عنده فكره ياريت يفدني بالرد

[khapet]

بص يا جميل
أنا كان عندي نفس المشكله دي
غيرت حساس الكرنك وحساس الكامه وبرضو فضلت المشكله قائمه
روحت فكيت حساس الآيدل ونظفته وفكيت حساس الهوا ونظفته ونظفت البوابه وبرضو فضلت المشكله قائمه
آخر حاجه بقى حطيت منظف انجكشن وغيرت بعدها البوجيهات وفكيت كنترول الموتور نظفته والعربيه بعدها بقت تمام الحمد لله.
بس كده.