بطارية العربية

[heba_hassan]

السلام عليكم
لوسمحت انا معايا نيسان صني الشكل الجديد موديل 2013 من يومين وانا بشغل العربيه ما اشتغلتش فا روحت اشتري بطاريه جديده مالقتش غير نوع اسمه فارتا 55 امبير ولي كانت راكبه كلورايد 45 امبير الراجل قالي عادي تشت
غل وهتكون احسن من ال 45 امبير . فعللا ركبتها وشغاله كويس
ياتري الي عملته ممكن ياثر او يبوظ حاجه في العربيه ؟
شكرا

[aymanshebl]

ما فيش مشكلة

[amr011111]

كويس وإن شاء الله ومفيش مشكله

[tameem2010]

هو مفيش مشكلة
بس مش مفضل
لان ده تيار زيادة على كارتات العربيه
عموما النيسان مفيهاش كارتات زي الاوربي

الاهم ان الدينامو هياخد وقت طويل عشان يشحنها فلو مشاويرك كلها قصيرة وصغيره هتلاقي البطارية ودعت بسرعة
انما لو مشاويرك طويله مش هتفرق معاك

الافضل انك تلتزم بالتيار بتاع البطاريه
فيه عربيات مبتقبلش الا نفس مقاس البطارية بالظبط
بتلاقي قاعدة البطاريه بالمليمتر على مقاس البطارية الاستنادرد بتاعتها فمش هتعرف تركب بطاريه اكبر

[ahmed.biso13]

مفيش مشكلة
لان الامبير كل ماكان عالى عملية الاضائة ودوران المحرك بتبقى افضل
انما لو مركب اضائة زينون
لازم تركب كتاوت ليها عشان اضائتها لاتؤثر على البطارية
لانها الزينون يحتاج ضغط عالى
وبالعكس كلكما كان امبير البطارية عالى كانت التكيف افضل فى الصيف والعربية ماتنتش
والمرة الجاية تجيب 70 امبير وتكون جافة

[aboomar77]

مفيش مشكلة بس اتاكد ان النامو بيطلع نفس الامبير يعنى ما يكونش امبير البطاره اعلى من الدينامو

[aboomar77]

الدينامو