استشارة في نيسان سينترا

[AbdulRahman94]

لو سمحت كنت عايز استشـير الأعضاء ف نيسان سنترا انا سمعت انها لحد دلوقتي محدش اشتكى منها .. كنت عايز اتأكد من الكلام دا و يفضل أن ملاكها ينصحوني بيها من عدمه و ايه عيوبها و أخبار قطع غيارها أيه ؟ .. سمعت انها قليلة ف السوق و غالية هل الكلام دا صحيح ؟
ياريت تكون النصيحة قبل يوم الأحد 23/4 القادم لأن لو كدا هروح اجيبها من سمير ريان قبل ما تغلى
و شكرا جزيلا مقدما لحضراتكم

[Omar_4ever]

توكل على الله بس نصيحة اوعي تشتري نيسان بالذات من اي معرض
اشتريها من السبع الي هو وكيلها وهتاخد معاها صيانة 1000 + 5000 مجانا ودفتر كوبونات خصم 50 جنيه على كل صيانة ( 50 كوبون ) يعني 2500 جنيه خصم
هتاخد عربية ماشية 10 كيلو بالكتير ومن الوكيل

[AbdulRahman94]

توكل على الله بس نصيحة اوعي تشتري نيسان بالذات من اي معرض
اشتريها من السبع الي هو وكيلها وهتاخد معاها صيانة 1000 + 5000 مجانا ودفتر كوبونات خصم 50 جنيه على كل صيانة ( 50 كوبون ) يعني 2500 جنيه خصم
هتاخد عربية ماشية 10 كيلو بالكتير ومن الوكيل

فكرة اني اجيبها من انهي معرض مش هتفرق معايا قوي و أكيد مش هجيب عربية ماشية اكتر من 30-80 كيلو بكتيرو ...
انا كان سؤالي ف العربية نفسها و النهردة سألت كذا تاجر عربيات كلهم أجمعوا ان العربية كويسة و مفيهاش مشاكل بس يظل سؤال قطع الغيار اللي محدش فصل فيه بإجابة شافية
شكرا لتجاوبك معايا ف استفساري

[salam100100]

انا لست من ملاك السينترا لكن اعرف 2 زمايل لى فالشغل معاهم العربيه- سالتهم على اسعار قطع الغيار قالوا ميعرفوش

فى واحد فيهم بيشكر فالعربيه جدا- والتانى بيشكر فيها لكن بيقول الفتيس ال CVT مش ممتع فالسواقه- هو كان بيفضل الفتيس النقلات التقليدى

وقالولى على قناه على you tube اسمها HD LAP بيركبوا اكسسوارات للعربيه زى مثبت السرعه وكامره وسينسور
وعملوا فيديو على قطع الغيار الاستيراد للسينترا

[AbdulRahman94]

انا لست من ملاك السينترا لكن اعرف 2 زمايل لى فالشغل معاهم العربيه- سالتهم على اسعار قطع الغيار قالوا ميعرفوش

فى واحد فيهم بيشكر فالعربيه جدا- والتانى بيشكر فيها لكن بيقول الفتيس ال CVT مش ممتع فالسواقه- هو كان بيفضل الفتيس النقلات التقليدى

وقالولى على قناه على you tube اسمها HD LAP بيركبوا اكسسوارات للعربيه زى مثبت السرعه وكامره وسينسور
وعملوا فيديو على قطع الغيار الاستيراد للسينترا

بص هو فتايس الـCVT عامة مش ممتعة ف السواقة حتى ف العربيات اللي مواتيرها فايقة زي الكورولا .. بس ابن الـلذينا بتاع الـsalesman ف سمير رينا اتصل بينا تاني و لعب ف دماغ والدي و قاله انت ممكن تزود 10.000 و تجيب سيراتو أول فئة فاضة من غير ABS ولا حتى Airbag واحد و تشيل من دماغك حته القلق بتاع قطع الغيار لان السيراتو قطع غيارها متوفرة و اسعارها أقل من الياباني ف المقابل السنترا لو هجيبها هجيبها أعلى فئة مع العلم انا حابب السنترا مش عارف ليه مع اني شاب و المفروض اني أميل للسيراتو :D
بالنسبة للقناة انا متابعها و حتى كنت سألت صاحبها " مستر هاني " أحد ملاك السنترا و شكر فيها و برضه لما سألته ع قطع الغيار قالي موجودة ف التوكيل بس بتاخد من اسبوعين لـتلاته ع ما تيجي و لما سألته ع اسعارها قالي معرفش برضه
شكرا لرد حضرتك و اهتمامك

[Omar_4ever]

السيراتو كويسة ومفيهاش مشاكل بس شيل نقطة ان قطع غيارها ارخص من الياباني
انا معايا واحدة هاي لاين 2015 وتمن الفانوس الليد الأمامي 15999

[Fawzy.Abdelnour]

انا واقع في نفس الحيرة و مش عارف اجيبها ولا لأ
ناس كتير جدا بتشكر فالعربية و في ناس بتقول تقفيلها وحش، غير تقفيل التايواني
لو حضرتك جبتها خلاص ياريت تقول رأيك و هل تستاهل ولا لأ

[Fawzy.Abdelnour]

انا لست من ملاك السينترا لكن اعرف 2 زمايل لى فالشغل معاهم العربيه- سالتهم على اسعار قطع الغيار قالوا ميعرفوش

فى واحد فيهم بيشكر فالعربيه جدا- والتانى بيشكر فيها لكن بيقول الفتيس ال CVT مش ممتع فالسواقه- هو كان بيفضل الفتيس النقلات التقليدى

وقالولى على قناه على you tube اسمها HD LAP بيركبوا اكسسوارات للعربيه زى مثبت السرعه وكامره وسينسور
وعملوا فيديو على قطع الغيار الاستيراد للسينترا

هي مافيهاش مثبت سرعة؟؟

[AbdulRahman94]

انا واقع في نفس الحيرة و مش عارف اجيبها ولا لأ
ناس كتير جدا بتشكر فالعربية و في ناس بتقول تقفيلها وحش، غير تقفيل التايواني
لو حضرتك جبتها خلاص ياريت تقول رأيك و هل تستاهل ولا لأ

للأسف انا جيبت السيراتو .. بس حابب اقولك اني ركبت السنترا برضه و مشيت بيها العربية ناعمه جداااا " اول ما مشيت بيها افتكرت نعومه الكورولا ع طول " سواء فتيس او موتور و تقفيلها كويس بدرجة كبيرة

[أحمد ابراهيم م]

انت كنت من ملاك السينترا ، جيبتها زيرو في ٤ /٢٠١٦ وبعتها بعد معذبتني بسبع شهور، اسوأعربية ركبتها في حياتي، كان فيها عيوب صناعة كتير ، توكيل سيئ جدا لأبعد حد ، قطع غيار مش متوفرة ، انا شايف العربية دي متستاهلش تمنها تماما وسعرها في الجديد في النازل لأن عيوبها ظهرت وسمعتها بدأت تتعرف والناس تبعد عنها، انا الكمبرسور التكييف باظ لوحده وطلمبة المياه فصلت والسيور اتقطعت والعربية متخدشتش حتى، ولما وديتها التوكيل قاللي كله في الضمان ، قولت قضى اخف من قضا، قاللي سيبهالنا شهر لأن مفيش قطع غيار، وشهر دي فتحت في شهرين في عربية زيرو مكملتش ١٥ الف كيلو، طبعا اشتكيت في حماية المستهلك وفي مصنع نيسان ، بس حتى بعد ما العربية اتصلحت التكييف كان سيئ جدا، فرامل قمة في السوء، انا بعتها على طول لما زهقت منها في آخر ٢٠١٦ اول ما اتصلحت ، وعموما دي مش شكوتي لوحدي ولا انا حالة فردية، انا شوفت ناس كتير في التوكيل بتشتكي شكاوي مختلفة ودا دليل على سوء جودة العربية وسوء مكوناتها دا غير التوكيل الفاشل. نصيحة لو لسة ما اشتريتش ابعد عنها .

[tasaka]

نا شوفت ناس كتير في التوكيل بتشتكي شكاوي مختلفة

ممكن توضيح للشكاوى المختلفه دى

شكرا

[أحمد ابراهيم م]

الشكاوى الاخرى اللي شفتها في التوكيل متنوعة، ناس الطنابير باظت منهم على ٢٠٠٠ كيلو، التوكيل بيتخانق معاهم وبيقوللهم انتو غسلتوها وهيا سخنة فباظت، وناس عندها مشاكل في سيرفو الفرامل والتوكيل هو اللي قال السيرفو محتاج يتغير وبعدين لما كلمو المصنع ولقوه غالي قالو هو سيرفو السينترا كدا وفىاملها بتعمل صوت ومرضيوش يغيرو حاجة ، وحاجات تانية كتيير ، المشكلة ان دا كان اوتو اجيبت المفروض انه من احسن مراكز الصيانة عندهم ، بس تقول ايه هيا منظومة كلها بايظة وللاسف اسم نيسان اتبهدل في آخر ٤ سنين بسوء جودة الصني والسينترا اللي كلهم عيوب تودي في داهيا .نصيحة لأي حد بيفكر يشتري بلاش سينترا ولا صني

[أحمد ابراهيم م]

السيراتو انضف ١٠٠٠ مرة من السينترا، السينترا لا تقارن بالكرولا تماما ولا حتى بالياريس، جودة تويوتا بعيدة جدا عن نيسان ، زمان من ١٠ سنين كان ممكن نقارنهم لكن بعد ما حصل الاندماج مع رينو انخفضت جودة نيسان واصبحت اقل من باقي الشركات اليابانية عشان تقلل السعر وتنتشر ، لدرجة ان الكوري بقى انضف منها بمراحل، انا بعد تجربتي المريرة مع السينترا قررت مجيبش نيسان تاني ، بهدلتني وخسرتني كتير ، مع انها كانت بنفس سعر السيراتو لما كنت باشتري في ٢٠١٦، للأسف بعد كدا لما جيت ابيع خسرت فيها ، دا غير ان سعرها نزل في الجديد وبقى الفرق بينها وبين السيراتو حوالي ٥٠ الف جنيه بعد ما اقبال الناس عليها قل ومشاكلها طلعت .

[salam100100]

فعلا مشاكل كتيره وكبيره لعربيه زيرو
حضرتك فى 15000 كم اشتكيت من:
1- كومبريسور التكييف
2- طلمبه مياه
3- سيور اتقطعت
4- فرامل سيئه
5- قطع غيار مش متوفره
6- تكبييف سيء
7- توكيل سيء

كويس ان حضرتك بعتها
زمايلى اللى معايا واحد عامل 30000 كم والتانى لسه مكمش 5000 كم والاثنين بيشكروا فيها
طبعا انا هاخد على كلام اللى عمل ال30000 كم.

سؤال على جمب: هل دفعت اى حاجه لتصليح العربيه ولا اتصلحت فالضمان- ثانيا: حمايه المستهلك وصلت معاهم لايه؟

[tasaka]

انت كنت من ملاك السينترا ، جيبتها زيرو في ٤ /٢٠١٦ وبعتها بعد معذبتني بسبع شهور، اسوأعربية ركبتها في حياتي، كان فيها عيوب صناعة كتير ، توكيل سيئ جدا لأبعد حد ، قطع غيار مش متوفرة ، انا شايف العربية دي متستاهلش تمنها تماما وسعرها في الجديد في النازل لأن عيوبها ظهرت وسمعتها بدأت تتعرف والناس تبعد عنها، انا الكمبرسور التكييف باظ لوحده وطلمبة المياه فصلت والسيور اتقطعت والعربية متخدشتش حتى، ولما وديتها التوكيل قاللي كله في الضمان ، قولت قضى اخف من قضا، قاللي سيبهالنا شهر لأن مفيش قطع غيار، وشهر دي فتحت في شهرين في عربية زيرو مكملتش ١٥ الف كيلو، طبعا اشتكيت في حماية المستهلك وفي مصنع نيسان ، بس حتى بعد ما العربية اتصلحت التكييف كان سيئ جدا، فرامل قمة في السوء، انا بعتها على طول لما زهقت منها في آخر ٢٠١٦ اول ما اتصلحت ، وعموما دي مش شكوتي لوحدي ولا انا حالة فردية، انا شوفت ناس كتير في التوكيل بتشتكي شكاوي مختلفة ودا دليل على سوء جودة العربية وسوء مكوناتها دا غير التوكيل الفاشل. نصيحة لو لسة ما اشتريتش ابعد عنها .

الشكاوى الاخرى اللي شفتها في التوكيل متنوعة، ناس الطنابير باظت منهم على ٢٠٠٠ كيلو، التوكيل بيتخانق معاهم وبيقوللهم انتو غسلتوها وهيا سخنة فباظت، وناس عندها مشاكل في سيرفو الفرامل والتوكيل هو اللي قال السيرفو محتاج يتغير وبعدين لما كلمو المصنع ولقوه غالي قالو هو سيرفو السينترا كدا وفىاملها بتعمل صوت ومرضيوش يغيرو حاجة ، وحاجات تانية كتيير ، المشكلة ان دا كان اوتو اجيبت المفروض انه من احسن مراكز الصيانة عندهم ، بس تقول ايه هيا منظومة كلها بايظة وللاسف اسم نيسان اتبهدل في آخر ٤ سنين بسوء جودة الصني والسينترا اللي كلهم عيوب تودي في داهيا .نصيحة لأي حد بيفكر يشتري بلاش سينترا ولا صني

شكرا على الايضاح

ملخص الاعطال
1- التكييف باظ .. ( ممكن قطع السيور كان بسبب التكييف البايظ .. و بالتالى الطلمبه فصلت لان السيور اتقطعت ) .. لكن السؤال هل عيب التكييف حاله فرديه ام شكوى متكرره ؟؟

2- شكوى من الفرامل .. قد يكون بسبب استعمال مواد اقل جوده فى التجميع المصرى .. مجرد تخمين

3- توكيل غير متجاوب مع العملاء



و الشيئ العجيب ان سواء التكييف او الفرامل كانت دائما من مميزات نيسان المعروفه باداء ممتاز ( قديما )

يبدو ان الوكيل اساء كثيرا لاسم نيسان للاسف ..

و ايضا ملحوظتك عن اندماج نيسان رينو قد تكون ايضا سبب فى انخفاض الجوده ( و لكن ليس عندى اى معلومه تؤكد ذلك او تنفيه )