Tweet
نيسان سنترا و الفتيس ال cvt
السلام عليكم انا من ملاك السنترا بس في اقاويل كتبرة علي الفتيس ال cvt وتغيير الزيت بتاعة وكفاءة الفتبس و التوكيلات سواء اوتو ايجيبت او مودرن موتورز او السبع خايفة تشتغل في الفتيس او تيجي جنبة او تغير الزيت بتاعة وده عامل بلبلة للملاك لان التوكيل الضمان بتاعة 100000 كم وبيغيرو زيت للفتيس بعد 100000 كم اي بعد الضمان ميخلص و دة شيء مش منطقي فلو في اي حد عندو معلومة ياريت يشاركنا بيها هوة طبعا الفتيس ممتاز و مفيش النتشة بتاعت الاوتوماتيك العادي و موفر جدا في البنزين بس بردو في ناس الفتيس باظ يعد 40 و 60 الف كبلو و غيرو في الضمان المشكلة بقي بعد الضمان مايخلص فعيزين نعرف هل ممكن الضمان علي الفتيس ممكن يتمد و اية اراء الاعضاء
-
-
مركز الصيانه ملتزم بالمكتوب فكتيب الصيانه- لو مكتوب يتغير على 100 الف فلازم يتغير على 100
لكن انا بستبعد الرقم دا- 100 كتير جدا- اعتقد على 30-35 الف ويتغير
انا فالصنى غيروه على 40 زى المانيوال مبيقول
عصام غنايم على يوتيوب صور فيديو عن تغيير زيت الفتيس للسينترا- تقدر تشوفه
فتيس السينترا بيقولو هو هو بتاع الفلونس- فلو فى مشاكل هتكون فالاتنين
قصه ان فى ناس غيرت الفتيس للسنترا على 40 و60 دى جديده عليا- اول مره اسمعها فياريت معلومات اكتر لو فيه -
في العادة... جداول الصيانة المكتوبة في الكتالوج بتبقى حاجة من اتنين حسب طريقة الاستخدام....
الاستخدام العادي... والاستخدام الشاق...
الأول... الاستخدام العادي.. وده من وجهة نظر الكتالوج بيعتبر إن العربية ماشية في بيئة مثالية مفيهاش زحمة ولا حر ولا برد ولا حتى مشي بسرعة عالية...
الثاني.. الاستخدام الشاق.. وده جدول بياخد في اعتباره استخدام العربية في ظروف شبه اللي احنا عايشين فيها في الشرق الأوسط.. حيث الحر والزحمة والتراب والسرعة العالية وغيره من الاحاجات اللي بتقصر عمر أي عربية...
فلما تبص في كتالوج العربية لازم تراعي إن مواعيد الصيانة اللي تمشي عليها هي بتاعت الاستخدام الشاق.
بالنسبة لزيت الفتيس الأوتوماتيك..
الزيوت القديمة كان متوسط عمرها بين 40-80 ألف كيلومتر في الاستخدام "العادي" و 20-40 ألف في الاستخدام الشاق...
الزيوت الجديدة حاليا عمرها في الاستخدام العادي حوالي 150-200 ألف كيلومتر.. وده كده بيعتبروه "لايف تايم" أو زيت مش محتاج تغيره... بس في الاستخدام الشاق.. غالبا بيتغير على 75-100 ألف كيلومتر.
لو كان الزيت من الأنواع الجديد اللي عمرها طويل.. فللاحتياط.. الأفضل تغير على 80 ألف بحيث تضمن إن العربية لسه في الضمان وتقدر تحل مشاكلك مع التوكيل ساعتها.
...[QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
[I]مَثَلٌ صينِيّ[/I][/QUOTE]
[FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
[FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
[/SIZE][/FONT]
أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
[SIGPIC][/SIGPIC]Comment
Comment