ايهما افضل نيسان صني ولا كروز

[So3di]

السلام عليكم ..
انا محتار مبين الكروز 2010 والنيسان 2014 وفي غلو الاسعار ده مفيش قدامي خيرات في الفئه السعريه 120-145 دي غيرهم يعتبر فكرت في استرا 2008 بس بحسها صغيره وقديمه بردو وفكرت في الاوبترا 2011 الشكل القديم بس بردو محبتهاش
فبالنسبالي انا حابب الكروز والنيسان فتنصحوني بايه وليه
*انا دي اول مشاركه ليا ومش عارف احط الموضوع في انهي قسم فبعتذر لو كان القسم غلط

[reddragonmezo]

الصنى اكيد

اولا : الكروز فئة اعلى من الصنى
ثانيا : انتشار الكروز اقل بكتير من الصنى
ثالثا : انت من كلامك باين انك تتدور على الاعتمادية والاقتصادية
رائى شخصى منى الصنى طبعا لعدة اسباب
1- عربية انتشرت بشكل كبير يعنى كل قطع غيارها الداخلية الخارجية متوفرة بكثرة
2- عربية لم تظهر فيها عيوب جوهرية (الماتور - الفتيس) ملاك الكروز كلهم بيشتكوا من الفتيس
3- الصنى ظهرت فيها مشكلة الفرامل اول ماظهرت لكن المشكلة اتحلت فى الموديلات الجديدة والقديمة كمان
4- استهلاك البنزين فى الصنى (بالنسبة ليا) فى اول اربعين الف كيلو كمتوسط 11.4 كيلومتر لكل لتر
5- عيوب الصنى متعبة فى القيادة على الطرق السريعة بسبب خفة الوزن (1040 كجم) بس فى المقابل بتدى استهلاك بنزين اقل استهلاك كاوتش اقل
6- صالون الصنى اوسع صالون فى فئتها وكمان الشنطة كبيرة
رائى الشخصى بلاش تجيب عربية مستعملة ظهر فيها عيوب جوهرى مع الناس وظهرت مع الاستعمال الخفيف
ممكن الصنى يكون فيها عيوب لكن متميزة فى اقتصادية التشغيل والاعتماد عليها

الاختيار النهائى ليك