صيانة الالف للنيسان صني

[Hazemdarwish]

من فضلكم محتاج مساعدتكم وارشاداتكم ونصائحكم لاني ذاهب لعمل صيانة الالف الاولي للنيسان صنى
اروح بدرى ولا مش هياخدو وقت
اطلب منهم ايه
اخلي بالي من ايه
وشكرا لتعبكم معانا

[salam100100]

اولا انت محتاج تكون مفعل الضمان عن طريق انك بتكلمهم على الخط السريع (رقمهم ملزوق على الزجاج الامامى) بياخدوا بيانات الرخصه
ثانيه بتاخد ميعاد منهم
بروح قبل الميعاد ب ربع ساعه (معاك كتيب الصيانه عشان يختموه)
الصيانه المفروض مجانيه- لكن اكيد هتدفع ثمن الزيت والفلتر
اتاكدا ان العربيه فاضيه من متعلفاتك الشخصيه- ولو فيها حاجه وهم بيستلموا العربيه هيلموها ويحطوها فى كيس فشنطه العربيه
اهم حاجه ميكنش فى موبايل- فلاشه- لاب توب........

الصيانه بلغهم بكل ملاحظاتك- اى اصوات- اى حاجه شاكك فيها

الانتظار فى حدود ساعتين
بيسالوك تحب تحط زيت 5000 او 10000

[Hazemdarwish]

شكرا جزيلا لحضرتك
لكن مفيش حاجه معينه ابلغهم بيها او اخلي بالي من حاجه او اطلب منهم عمل حاجه
هما بيعملو اللازم من نفسهم ولا لازم احدد طلباتي

[salam100100]

صيانه ال1000 تكاد تكون اى كلام- مفيهاش حاجه تذكر
لو عندك ملاحظات بلغهم
وهم لو لاحظوا حاجه يكلموك ويبلغوك باللى شافوا وهيسئلوك تحب تعمل ايه

[Hazemdarwish]

شكرا جزيلا

[Hazemdarwish]

الحمد لله تم امس الذهاب لعمل صيانة الالف الاولي وتم دفع 625 ثمن الزيت عشرة الاف كيلو
ومسالوش عن الكتالوج خدو بيانات الرخصه فقط
وتم تنضيف السياره وغسيلها بس اي كلام موضوع النضافه
شكرا للجميع