ايطار نيسان جوك

[moamen ahmed]

السلام عليكم

والله محتاج خبرتكم فى سؤال واتمنى الرد يكون عندكوا

انا عندي nissan juke 2011 1.5 dci

الاطار الاصلي للعربية هو r17 205/60

والاطارات الي ممكن تركب عليه فى كتاب الارشادات 215/55 r17

بس الى راكب عندي دلوقتى 215/60 r17 يعنى الاختلاف ما بين ال 55 وال 60
دلوقتى انا عايز اجيب ايطار شتوى ف مش عارف اجيب ايه بالظبط فى 215/55 r 17 ولا اركب 215/60 r17 زى الى موجود
وايه الفرق الي بينهم

يارب المعلومة تكون وصلتكم

واسف على الطالة
دي صورة توضيحية للاطارات الي ممكن تركب على العربية

Untitled.jpg

[borio1704]

المقاسات اللي في الصورة لا يمكن بأي حال من الأحوال تركب كلها على نفس العربية.. لإن فيه اختلاف كبير جدا في قطر الإطار.. وده أهم حاجة بندور عليها في اختيار الإطار المناسب...

اختلاف القطر معناه إن الدائرة الخارجية للإطار مش زي ما هي محسوبة في المصنع...

الدايرة الكبيرة بتزود السرعة الفعلية للعربية.. بمعنى إنك ممكن تكون ماشي على العداد على 100 ولكن في الحقيقة انت ماشي على 105... إنما الدايرة الأصغر بتعمل العكس.. يعني تكون فاكر إنك سايق على 100 (زي ما العداد كاتب) ولكن في الحقيقة حضرتك ماشي على 95...

الدايرة الكبيرة كده بتحسن استهلاك البنزين على السرعات الثابتة (يعني لو حضرتك مسافر مثلا وماشي على 100 لمدة طويلة).. بس بتعرضك لاحتمال التعرض لمخالفات تجاوز السرعة.


في المقابل.. الدايرة الصغيرة بتساعدك في التسارع بالعربية أكتر من الدايرة الكبيرة.. يعني لو عايز تزود سرعتك من 50 إلى 80.. فهنا حتلاقي استجابة العربية أسرع وكمان استهلاك البنزين في الحالة دي أقل...

علشان كده.. كل موتور وفتيس ليهم مقاس كاوتش بقطر خارجي مختلف عن التاني.. وكمان العداد بيكون متعاير بناء على مقاس الكاوتش...

وده السبب اللي يخليني أقوللك ما تغيرش مقاس الكاوتش إلا إذا كان القطر الخارجي (الدايرة الخارجية) مساوية للمقاس الأصلي...

لو حابب تغير مقاس الكاوتش.. فأحسن مقاس هو 225/55r17..
ده لو كان مقاسك الأصلي 205/60r17

والأفضل تجيب المقاس الأصلي أو أرفع منه... خصوصا لو حتمشي في أماكن ثلجية.

[moamen ahmed]

اولا انا بشكرك جدا على المعلومات القيمة دي ..وانى اخدت من وقت حضرتك وتكرمت بالرد عليا شكرا جزيلا ..

بس من واقع خبرتي المحدودة بقالها حوالي اسبوع لاني بدور على اطارات شتوى مناسبة للثلوج ف دخلت فى حاجات كتير
اولها ان حضرتك قلت ( المقاسات اللي في الصورة لا يمكن بأي حال من الأحوال تركب كلها على نفس العربية.. لإن فيه اختلاف كبير جدا في قطر الإطار )
حضرتك المقاسات دى انا جبتها من موقع العربية نفسه ومواقع متخصصه فى بيع الاطارات فى اوروبا وكانت النتيجة واحدة العربية تقبل الاطارات الى بالاطوال والعروض دي فقط

ثانيا : حضرتك عندك حق فى نقطة الى هي ( اختلاف القطر معناه إن الدائرة الخارجية للإطار مش زي ما هي محسوبة في المصنع )
فعلن لو الاطار الاصلي بتاعي 205/60 r17 ومركب 215/60 r17 فعلن كدة فى حاجة غلط وخطر بالتالي العداد لو ماشي على 60 ك/ث العداد هيقرا 63 وكسور ك/ث

ثالثا : حضرتك قلت ( لو حابب تغير مقاس الكاوتش.. فأحسن مقاس هو 225/55r17.. )
كلامك مظبوط جدا بس الكاوتش الاصلي بتاع العربية هو 205/60 r16 بس حاليا متركب عليه 215/60 r17 وانا عارف انوا مش صح المقاس دة لان كدة القطر الكلي اكبر من المفروض بس للاسف اشترتها كدة والاطارات هنا غالية جدا جدا جدا يعنى علشان تجيب ايطار نضيف حوالي 15 الف جنية

ف اعتقد انك هجيب 215/55 r17 هو افضل حاجة

الموقع دة ساعدني كتير

https://tire-calc.com