اقصى سرعة للنسيان صنى

[MeshoMicra]

شباب انا عربيتي نيسان ميكرا
بس حاطط فيها مكنه الصني

وكسرت بيها ال200
بس علشان العربيه صغيره وخفيفه فبتساعد اني اجمعهم بسرعه

وصوره العداد في التوقيع

[sicobaty]

185-المحور-smart village-----ميدان لبنان-ثابتة من غير اي مشكلة
بس طبعا المحور انتهي في 5 دقايق و ماقدرتش اعرف تجيب اكتر ولا لا
النيسان ثابتة ثابتة ثابتة ثابتة ثابتة واكتر من عربيات تانية كتير زي اللانسر وعن تجربة مش كلام وبس

[dangerous]

160 بالتكييف طريق الكريمات وكانت ثابتة جداً

[mussolini]

200 طريق مصر اسماعيلية الصحراوى من غير تكييف و مش راضية تزود,اعتقد ان دا اخرها,الا اذا على طريق منزل او مع اتجاة الريح,
اما بانسبة للثبات فهو جيد,لكن الفرامل مش اد كدا,super saloon 2008

[lordhota]

انا جبت بيها
180 طريق مصر السويس الساعه 4 الفجر

[ahmad--ezzat]

200 طريق مصر اسماعيلية الصحراوى من غير تكييف و مش راضية تزود,اعتقد ان دا اخرها,الا اذا على طريق منزل او مع اتجاة الريح,
اما بانسبة للثبات فهو جيد,لكن الفرامل مش اد كدا,super saloon 2008

انا كنت كاسر بيها ال 210 بالتكييف كنت رايح مارينا وكنت قبليها بيوم مخلص صيانة ال ال 5

[mussolini]

بسم الله ما شاء الله ربنا يباركلك فيها..عربيتى كانت عاملة 10 الاف كيلو..

[sab3aawy]

ياترى اعلى سرعة جبتها كانت كام ؟

120



130



140



150




160



170



180



190




200




ياترى جبت كام بعربيتك النيسان النهاردة؟

[emadkamel]

ياخوانا حرام عليكو ... خافوا على نفسكوا وللا على عيالكو وللا على اللى حواليكو فى الطريق

ده لسه حادثة المحور مافتش عليها اسبوع !!!!!!

[hummer]

اخر مرة و انا مروح من المنيا على الصحرواى الشرقى جبت 185 و ده اكبر رقم وصلتلو لحد دلوقتى و ربنا يستر

[omarsara]

اكتر سرعة ماشيها بالصني بتاعتي كانت الاسبوع اللي فات وكنت راجع لبيتنه في بغداد هي 170 وبعدها خفت ونزلت السرعة لل140

[ahmad--ezzat]

انا ملاحظ ان اى موضوع بيتفتح فية موضوع السرعة..تلاقى الناس جابت صور حوادث وصور ناس ميتة ومتقطعة وخدو نصايح للصبح...طالاما الموضوع كدة بقا لية المواضيع دى بتتفتح ولية الناس بتشارك...

كلنا عارفين ان السرعة خطر وكلنا عارفين انها بتؤدى للموت ...بس انا عايز اقول حاجة ان اللى بيحب السرعة مش هيسمع للنصايح دى واللى فية طبع مش بيغرو...

وانا عن نفسى لما بسافر بمشى 130 140 فى الطريق لما بيكون فاضى...

فى الاخر ربنا يسطرها معانا

[sab3aawy]

انا ملاحظ ان اى موضوع بيتفتح فية موضوع السرعة..تلاقى الناس جابت صور حوادث وصور ناس ميتة ومتقطعة وخدو نصايح للصبح...طالاما الموضوع كدة بقا لية المواضيع دى بتتفتح ولية الناس بتشارك...

كلنا عارفين ان السرعة خطر وكلنا عارفين انها بتؤدى للموت ...بس انا عايز اقول حاجة ان اللى بيحب السرعة مش هيسمع للنصايح دى واللى فية طبع مش بيغرو...

وانا عن نفسى لما بسافر بمشى 130 140 فى الطريق لما بيكون فاضى...

فى الاخر ربنا يسطرها معانا

الموضوع يا احمد ليس مسالة نصيحة للغير، اللى عايز يموت جوة علبة صفيح ويتعب اهله فى جمع قطع لحمه من على الطريق ويحول كفنه الى نوع من انواع سندوتشات الشاورمة هو حر وانا هفرحله جدا لما يحقق الغرض ده انطلاقا من احساسى انه نجح فى الوصول لمبتغاه، لكن الصور اللى بننشرها هى نوع من انواع التذكير المهذب بحقوقنا احنا، لأن اللى بيمارس الجنون ده فى الشارع بيستولى على حق غيره فى وصول آمن الى مبتغاه، واللى بيعمل حادثة بياخد فى سكته تلات اربع عربيات لا ناقه لاصاحبها ولا جمل فى الجنون المطبق اللى هو بيمارسه، ولما نتكلم مع اى حد لنوضح خطأ ما يفعل يسدوا بقنا بكلمتين محفوظين عن الحرية الشخصية، جاهلين او متجاهلين ان الحرية الشخصية تنتهى عند حدود حريات الآخرين، وان استعمال اى شخص لمرفق عام مثل الطريق فى ممارسات من شأنها ان تسبب الأذى لغيره من مستعملى المرفق ليس من الحرية الشخصية فى شئ وانما تجنى على حريات الآخرين، مهما كانت عربيته حديثة ومهما كان هو متمكن فى القيادة، لأنه فى النهاية بيستعمل طريق لا هو مؤهل لهذة الأفعال ولا الأخرين الموجودين عليه مؤهلين لمجاراه هذة الأفعال ولم يشترط احد عليهم ان يكونوا مؤهلين لمجاراه من يسير على تلك السرعات الجنونية للحصول على رخصة قيادة ، ده لو احنا بنتكلم من وجهة النظر المدنية والحضارية، اما من وجهة نظر الدين فالمسالة لا تختلف لأن من حقوق الطريق علينا كف الأذى، وما يفعله هؤلاء هو الأذى بعينه، هذا من ناحية، ومن ناحية اخرى فان ما يفعلونه يسبب الترويع للآخرين ، وترويع الغير حرام ، يعنى من كل الاوجه ما يفعلونه خطأ ، ليس على انفسهم فقط لكن على غيرهم حيث تنتهى مساحة الحرية الشخصية المزعومة

وحيث ان الكلام لا ياتى بنتيجة فربما عندما يرى احدهم صورة سيارة منكوبة ويتخيل نفسه منكوبا فى ركوبته التى يروع بها مخاليق الله بهذه الطريقة، ربما قد يفكر فى تخفيض سرعته والسير فى الطريق بسرعات مقاربة مما يسير به الاخرين ولا تؤدى لهذا المهازل التى نراها على الطرق السريعة

[م.محمد علاء]

كلام حضرتك يا بشمهندس هو عين العقل
انا عن نفسى بطير بالعربيه بطير بطير..سرعه طيرانى هى 120 على طريق ولازم يكون معليهوش عربيه على مرمى البصر وده اخرى و بكون خايف ومرعوب..العادى 90 عشان اخواننا بتوع الرادار(اللهم احفظنا)
يتقال عليا جبان قلبى قلب خسايه مش مهم..و انا حعمل ايه بقلب الاسد وبرجل واحده ولا ايد واحده ولا قلب اسد وانا قاعد على السرير مش عارف احرك صباع رجلى الصغير
نرجع ونقول احنا مش حندعى على حد اللى بيحب يجرى ربنا يرجعه لاهله سليم واللى مييحبش يجرى ربنا يرجه سليم بردو

[mo7a_mo7a]

باش مهندس سبعاوي احييك بشدة

وتحية اخري للسيد engmohamed

يظهر ان الحكاية امتزج فيها الجهل بالبجاحة في نتاج فريد من نوعه وانا لا اقصد هنا شخص ولكن ارصد ظاهرة
فالجهل باساسيات القيادة والجهل بالقانون والجهل بحقوق الغير وتعاليم الدين امتزج "بالبجاحة" وشقيقتها الكبري "البلطجة" وتزين بابنت عمهم "قلة الادب" وشقيقتها "سفالة" لينتج عن ما يدعي الان تهذبا "اسلوب القيادة علي الطرق المصرية"
تلك التي اترفع عن اطلاق كلمة "قيادة" عليها ما هي الا استهتار بكل ما هو سامي وفريد الا وهي "كرامة وحياة الانسان"

ويبدو ان الشيطان لعب دورا هاما في تلك "الطبخة" التي ادمنها كثيرون واصبحت عند "البعض" من مقومات الحياة مثل الفول والطعمية
وتم تجميل مفرداتها لتحل تعبيرات "الشطارة والفهلوة والحداقة والمفهومية" محل "الاستهتار واللامبالاة والهمجية"

انا اري ان تصحيح الوضع الحالي يجب ان يبدا بمنظومة قانونية محكمة وعادلة تطبق علي الجميع
ولا تضمن عقاب المخئ فقط وانما ايضا توفر الحماية لغير المخطئ وتنظم الية فعالة لضمان سلامة الطريق نفسه ووضع مواصفات كاملة تضمن بناء طرق امنة وصيانة دورية
ثم ياتي دور المدرسة والاسرة والمجتمع لنشر ثقافة المسؤلية حيث يشعر كل منا بمسؤلية ما تجاه الاخر
وبعدها ربما تتغير الصورة

تحياتي