كلو يدعى معايا!!!!!!!

[sheriif]

كلو يدعى معايا على ولاد الحرام اللى مخلوش ولا علامة ولا كلمة على جسم العربية...آآآآآه...عربيتى بقت مجهولة الهوية...لا عاد فى نيسان ولا سوبر ولا صالون ولا حتى أنترية....

[K.LOTFY]

معلش ربنا يعوض عليك و ينتقم من اللي عمل كده ومن اي حد يخرب في حاجة الناس
حنقول أيه بس ناس معندهاش لا ضمير و لا ثقافة وممكن يكون حتى واخدهم يلعب بيهم ولا يعملهم ميدالية مش حتى عشان يبعهم مثلا
بس إن شاء الله تلاقي الحاجات دي عند بتوع الاكسسورات و ممكن كمان تركب انذار يكون حساس حتى من النملة عشان محدش يقرب منها تاني

[احمد عبدالله]

قدر الله و ما شاء فعل و ربنا يعوضك

[ringoo84]

ربنا يكرمك و يعوضك خير وفعلا الواحد مبقاش عارف يعمل ايه

[sheriif]

متشكر جدا على شعوركم ياجماعة....وربنا يحفظنا من كل شر....

[ouba2]

قدر الله و ما شاء

[mahmoudzaied]

هوا دا الشعب المصرى
معلش ربنا معاك
ويقدرك تجيب غيرهم بس متركبهمش احتفظ بيهم
احسن ممكن يتسرقو تانى ويقولى عليك لقطة ويقلبوك كل شوية
هههههههه بهزر معاك
بجد حرام وان شاء الله ربنا يعوضك

[shafey]

ربنا معاك يابوب

[sheriif]

ههههههه...لا انا بفكر اركبهم وانا طالع بالعربية واشيلهم تانى وانا نازل منها

[mahamedaraby]

ربنا يعوض عليك يارب وقول الحمد لله انها جت على كده

بس مش عارف ليه الحراميه واخدين بالهم من نيسان اليومين دول اوى

كتر اوى الموضوع ده فى النيسان بعد ما كان فى الانسر والكورولا بس

[smartman310]

ربنا يعوض عليك وربنا يستر على باقى العربيات


هما اتسرقوا وانت راكن العربيه عند بيتك ولا كنت فى مشوار

[sheriif]

كنت راكن ونازل اشترى حاجة يدوب نص ساعة رجعت لقيتها فاضياااااااااااااااااااه

[fahd_628]

كنت راكن ونازل اشترى حاجة يدوب نص ساعة رجعت لقيتها فاضياااااااااااااااااااه

معلش فداك حاول تشوفهم برة التوكيل

[LONLY]

ربنا يكون فى عونك و أحمد ربنا انها جت على قد كده أفرض كانت أتخبطت ولا حاجة؟؟؟؟

[sheriif]

الحمد لله على كل شئ...بس ياريت الاقيهم برة التوكيل بسعر كويس