صياانه 5000 كيلو للصنى

[ayman]

حجزت للصيانه فى مركز مودورن موتور فى الهاكستب قبل الموعد باسبوع واخبرونى ان اذهب الساعه 9 صباحا وفعلا ذهبت يوم 30 يوليو فى الموعد المحدد واستلما منى السياره السعه 9.15 وطلبت عدم تغيير الزيت والفلتر حيث اننى قمت بتغيرهم بمعرفتى قبل اسبوع من الصيانه المهم سلمت لهم السياره وقالوا انها سوف تأخذ حوالى ساعتين لعمل الصيانه المهم فضلت منتظر وفى تمام الساعه 9.40 اى بعد 25دقيقه فقط فوجئت ان السيارة صيانتها انتهت وطلبوا استلامها انا لم يكن لدى اى شكوى من السياره وطلبوا مبله 72 جنيه بضريبه المبيعات ودفعتهم بس بعد كده انا فكرت ماذا عملوا فى 25 دقيقه وهل 25 دقيقه تستحق دفع 72 جنيه وياترى هم فعلا عملوا صيانه ولا هوضحك على الذقون طالما لا يوجد مشكله فى السياره الذى مر بهذه التجربه يخبرنى

[معاذ الشرباصى]

المفرزض حضرتك اخدت فاتورة بالفلوس اللى فعتها

مكتوب فيها ايه الفاتورة دى؟

و فى ايه اصلا فى صيانة ال 5000 غير تغيير الزيت؟

[محمدايهاب]

بالنسبة للتويوتا صيانة 5000 هي عبارة عن تغيير الزيت و فلتر الزيت و الباقي كله تشييك بس

[sab3aawy]

انا عملت صيانة ال5000 للصنى وتقريبا نفس السيناريو بالمللى متر

بس انا ببساطة كنت حاسس تماما انا خدت إيه بال72 جنيه

العربية حقيقة كان باين عليها النعمة

اتربطت كويس اوى اوى اوى، وكان الفرق واضح فى ادائها، انا زمان لما كانت معايا اللانوس كنت بحس بالفرق ده لما العربية بتخرج من التوكيل، وجربت اربط اللانوس فى محطة بنزين وعند الميكانيكى وبيدى عمرى ما خدت نفس نتيجة التوكيل ابدا، فى التوكيل بتعدى عليهم 150 عربية من نفس الصنف كل يوم وعارف يحط ايده فين ويربط إيه وبعزم عامل إزاى علشان يديلك احساس بفرق الأداء

الى جانب ان انت لو بصيت على كتالوج الصيانة هتلاقى فيه مراجعة لحاجات كتير جدا فى الصيانة منها شد السيور ومستوى السوائل ، الخ ، وانا مفترض بحسن النية ان ده كله بيتم

[amir]

ابو السباع

و الله الواحد مش عارف يقولك ايه ولا ايه , لسا مخلص مواضيع العربيه و مكونتها و عملها , و حاجات كتير ليك....
شكرا ليك من القلب
و بجد هيا الصني رجعت مرشحه للشراء , و شكلي هرجحها علشان ابقي نسيب ابو السباع , و مع ان في اعتراض رهيب من الوالد علي موضوع الاوتوماتك لكن انا شايف انه مريح جدا جدا و مع ان المانيوال مش معاناه حتي في الاشارات لاكن التكنولوجيا و الرفاهيه بتوفر حاجات كتير نستمتع بيها, خصوصا مع اختيار عربيات راقيه المستوي و الاداء