صيانة 5000

[badabeedoo]

السلام عليكم و رحمة الله وبركاته
ان شاء الله انا رايح اعمل صيانة 5000 فى الحضرة بالاسكندرية
العربية عاملة 5280 كنت اتاخرت شوية عشان كنت مسافر القاهرة و يادوب رجعت امبارح باليل المهم العربية جميلة ماشاء الله عليها بس:
ساعات الشكمان و انا على الاول بسمع صوت خبط فيه حوالى 5ثوانى ولا حاجة
كنت بزود الكاوتش قبل ما اسافر فا الراجل بيقولى العفشة عايزة تتربط عشان دى نحلة الكاوتش و تغير اماكن الكاوتش الامامى بالخلفى
لما بكون على الخامس و جايب100كيلو الموتور بيكون على 3000لفة وصوته عالى وملحوظ برغم بيعدينى عربيات تانية صوت الموتور حنين او غير مسموع
بس
كنت عايز اعرف اعمل ايه فى التوكيل و الصيانة حتكلفنى كام و اذا صلحوا الحاجات دى ياخدوا فلوس كتير ولا ايه النظام عايز راي المتخصصصين و اللى عملوا صيانة5000للصنى بتاعتهم
متاسف على الاطاله
Body

[bishoy02010]

نحل الكاوتش !!!! من 5000 كيلواااا !!!! متأكد انك كنت مستلم الكاوتشات جديدة ؟؟؟ ده كده الزواياا ضايعة زز بس طبيعى انه يبقى على 3000 على 100 هوه صوت الموتور اكيد كده و خليك مع التوكيل و شوف إيه النظام

[badabeedoo]

صيانة 5000

شكر الاخ bishoy02010
انا واخد العربية من التوكيل بتاعها عندنا أحمد مرعى العربية ماشاء الله عليها مفيش فيها مشكلة بس اللى اعرفه انى جديد فى السواقه و اكلت مطبات مش فاكر عددها
المهم
ان شاء الله رايح بكرة التوكيل و نشوف ايه النظام باذن الله
Body

[aboezz44]

بسم الله
اولا ماتقلقش ان شاء الله دى كلها مشاكل بسيطه يعنى حلها بسيط ان شاء الله
روح التوكيل واكتب المشاكل دى كلها فى ورقه علشان ماتنساش اى حاجه
العربيه لسه فى الضمان فا حضرتك مش هاتدفع تكليف اى تصليح غير تمن الصيانه الدوريه الى هيه85جم بالضريبه تقريبا
ولو هاتغير زيت وفلتر ها تدفع تمنه وانصحك تغير لزيت شل هيلكس التخليقى ال10000كم بلاش موبيل يعنى لو ما لاقيتش فى التوكيل شل ماتغيرش عندهم واشترى فلتر الزيت بس من عندهم و غير الزيت فى اى محطة شل عندك فى الأسكندريه
وربنا يوفقك للى فيه الخير
وابقى طمنا عليك لما ترجع بالسلامه

[badabeedoo]

الله يطمنك يا ابو حميد و ان شاء الله اعمل زى ما قلت
والله المستعان
الصبح بامر الله اقولك ايه اللى حصل
Body

[badabeedoo]

الحمد روحت التوكيل و ظبت كل حاجة كنت مضايق منها و عمل كل الازم
و بصراحة غيرت الزيت بموبيل بصراحة

قلت اهو يبقى كله عندهم عشان محدش يقول انى روحت عملت حاجة برة

و1000 شكر يا حبيب على الافاده بتاعتك

Body

[aboezz44]

مبروك ياباشا
وربنا يمتعك بيها
وانا تحت امرك فى اى وقت

[badabeedoo]

الله يكرمك يا حببى

[mahamedaraby]

مبروك على حل المشكله

ومبروك على العربيه وربنا يباركلك فيها ان شاء الله

[badabeedoo]

1000 شكر يا جماعه
والله مكنتش فاكر انى حلاقى حد يرد عليه
بجد متشكر جدا لكل واحد رد على اسئلتى
و ربنا يكرمنا جميعا و يغنمنا السلامة يارب
Body

[aboezz44]

1000 شكر يا جماعه
والله مكنتش فاكر انى حلاقى حد يرد عليه
بجد متشكر جدا لكل واحد رد على اسئلتى
و ربنا يكرمنا جميعا و يغنمنا السلامة يارب
Body

تحت امرك فى اى وقت
والميه تكدب الغواص
جربنا بس وانا تحت امرك فى اى وقت
وفى اى حاجه الا الفلوس:POINTI~2[2]:

[moroo010]

الف شكر يا استاذ ابو عزيز على حماسك
ونردهالك في الافراح والصيانات واي استفسارات

على فكره انا مروان اخو (badabeedoo) (احمد) واحنا من عشاق المنتدى الجميل ده
والسلام عليكم ورحمة الله وبركاته

[aboezz44]

الف شكر يا استاذ ابو عزيز على حماسك
ونردهالك في الافراح والصيانات واي استفسارات

على فكره انا مروان اخو (badabeedoo) (احمد) واحنا من عشاق المنتدى الجميل ده
والسلام عليكم ورحمة الله وبركاته

شرف ليا انى اشارككم وارد على استفساراتكم
وانتم برده اخواتى وتحت امركم
و والله انى احبكم فى الله
وانا شايف ان اكبر ميزه فى الموقع هيه انو بيعرفنا على ناس محترمين زيكم
ادام الله عزكم:k8:

[badabeedoo]

الله يكرمك يا استاذ أحمد و بجد الواحد سعيد جدا انه بيتعرف على ناس كتير محترمين والله

وبجد اذا كنت محتاج حاجة تحت امرك بجد

أحمد