اخر شعوزات توفير البنزين في الصني

[sab3aawy]

خليني أختلف :)
throttle position sensor موجود في أي عربية دلوقتي + برامج الكنترول برضو في أي عربية دلوقتي

+ المشكلة مش موجودة في حالة التسارع بس .. دي موجودة برضو في السفر الطوالي

طب خلينى انا اتفق

حبيبى انا لم اقل نهائيا ان الصنى تنفرد بالTPS او الكونترول، اصلا مافيش حاليا غير الماروتى اللى لسة شغالة بكاربراتير، انا اللى قلته ان برنامج الكونترول يدعم هذا المحرك القوى ، فيما معناه انه مصمم بحيث يعمل حقن بكميات كبيرة للبنزين عند احساس الكونترول بحركة ال تى بى اس، يعنى الفرق بينه وبين غيره ليس ان الصنى فيها كونترول وغيرها لأ، لكن ان كونترول الصنى بيرمى بنزين كتير فى حالة التسارع لأن الموتور بيقبل ده وبيحوله لتسارع شديد، يعنى برنامج كونترول رياضى


اما بالنسبة لحكاية الاستهلاك فى الطوالى فباعتبارك راجل على وش بكالوريوس هندسة-نتمنى لك كل التوفيق والتقدير المرتفع باذن الله تعالى- فانت اكيد طبعا عارف تأثير مقاومة الهواء على تسارع السيارة وعارف انه في حين يكون معظم استهلاك الوقود فى السرعات البطيئة موجها لمقاومة الاحتكاك الصلب dry friction فى ،فان معظم قدرة المحرك تضيع فى مقاومة الهواء فى السرعات العالية لأن معامل مقاومة الهواء يتغير بتغير مربع سرعة السيارة فى حين ان معامل الاحتكاك الصلب يتغير مع تغير سرعة السيارة، فيما معناه ببساطة ان قدرة المحرك اللى انت محتاجها لمقاومة الهواء على سرعة 120 كم/لا تساوى 1.33القدرة اللى انت محتاجها على سرعة 90 وانما تساوى مربع 120 مقسوما على مربع 90، اى 1.7، وكما تعرف طبعا فأن القدرة هى ترجمة مباشرة لاستهلاك الوقود(القيمة السعرية للوقود مضروبة فى معدل تدفق الوقود مقسوما على كفائة المحرك المأخوذة من منحنى الكفاءه مقابل الآر بى ام عند نقطة سرعة المحرك المقاسة) وبالتالى فعندما نزيد السرعة من 90 الى 120 فأن استهلاك الوقود يمكن ان يزيد بقيمة تقارب نصف معدله لنفس المسافة ولو وصلنا ل 140 سيزيد للضعف(لاحظ اننا اهملنا الاحتكاك الميكانيكى هنا وبتطبيقه سنصل للقيم التقريبية التى اقترحتها)
الملخص يعنى انك مينفعش تكون بتسوق 140 وتزعل ان الوقود استهلاكه 170 كم فى الصفيحة، جرب تاخد الطريق كله 90 وقول لنا ايه الأخبار

للمزيد عن مقاومة الهواء وكيفية حسابها ممكن تتفضل بزيارة هذة الروابط

http://en.wikipedia.org/wiki/Automobile_drag_coefficients

http://en.wikipedia.org/wiki/Drag_equation

اخوك الصغنن سبعاوى-مهندس ميكانيكا دفعة 1994

[AmroHamed]

طب خلينى انا اتفق

حبيبى انا لم اقل نهائيا ان الصنى تنفرد بالTPS او الكونترول، اصلا مافيش حاليا غير الماروتى اللى لسة شغالة بكاربراتير، انا اللى قلته ان برنامج الكونترول يدعم هذا المحرك القوى ، فيما معناه انه مصمم بحيث يعمل حقن بكميات كبيرة للبنزين عند احساس الكونترول بحركة ال تى بى اس، يعنى الفرق بينه وبين غيره ليس ان الصنى فيها كونترول وغيرها لأ، لكن ان كونترول الصنى بيرمى بنزين كتير فى حالة التسارع لأن الموتور بيقبل ده وبيحوله لتسارع شديد، يعنى برنامج كونترول رياضى


اما بالنسبة لحكاية الاستهلاك فى الطوالى فباعتبارك راجل على وش بكالوريوس هندسة-نتمنى لك كل التوفيق والتقدير المرتفع باذن الله تعالى- فانت اكيد طبعا عارف تأثير مقاومة الهواء على تسارع السيارة وعارف انه في حين يكون معظم استهلاك الوقود فى السرعات البطيئة موجها لمقاومة الاحتكاك الصلب dry friction فى ،فان معظم قدرة المحرك تضيع فى مقاومة الهواء فى السرعات العالية لأن معامل مقاومة الهواء يتغير بتغير مربع سرعة السيارة فى حين ان معامل الاحتكاك الصلب يتغير مع تغير سرعة السيارة، فيما معناه ببساطة ان قدرة المحرك اللى انت محتاجها لمقاومة الهواء على سرعة 120 كم/لا تساوى 1.33القدرة اللى انت محتاجها على سرعة 90 وانما تساوى مربع 120 مقسوما على مربع 90، اى 1.7، وكما تعرف طبعا فأن القدرة هى ترجمة مباشرة لاستهلاك الوقود(القيمة السعرية للوقود مضروبة فى معدل تدفق الوقود مقسوما على كفائة المحرك المأخوذة من منحنى الكفاءه مقابل الآر بى ام عند نقطة سرعة المحرك المقاسة) وبالتالى فعندما نزيد السرعة من 90 الى 120 فأن استهلاك الوقود يمكن ان يزيد بقيمة تقارب نصف معدله لنفس المسافة ولو وصلنا ل 140 سيزيد للضعف(لاحظ اننا اهملنا الاحتكاك الميكانيكى هنا وبتطبيقه سنصل للقيم التقريبية التى اقترحتها)
الملخص يعنى انك مينفعش تكون بتسوق 140 وتزعل ان الوقود استهلاكه 170 كم فى الصفيحة، جرب تاخد الطريق كله 90 وقول لنا ايه الأخبار

للمزيد عن مقاومة الهواء وكيفية حسابها ممكن تتفضل بزيارة هذة الروابط

http://en.wikipedia.org/wiki/Automobile_drag_coefficients

http://en.wikipedia.org/wiki/Drag_equation

اخوك الصغنن سبعاوى-مهندس ميكانيكا دفعة 1994

أخويا الكبير باشمهندس سبعاوي :)

مش حسيب الكلام الظريف بتاع الكلية ألاقيه هنا في المنتدى

مفيش خلاف على المعادلات الرياضية بتاعة علاقة السرعة بالمقاومات

كل الحكاية إنه الكلام ده بينطبق على أي عربية مش على الصني بس ... يبقى ليه استهلاكها للبنزين أعلى من كل العربيات اللي في فئتها !!

لو الكنترول زي ما حضرتك بتقول يبقى دي مشكلة في تصميم الكنترول ..

و يا ريت حضرتك تقول لنا مصدر معلومة الكنترول الرياضي دي ... أنا فعلاً عايز أعرف .. مش جدال و الله

شكراً يا بشمهندس

أخوك الصغنن اللي لسة مبقاش مهندس :)

[sab3aawy]

أخويا الكبير باشمهندس سبعاوي :)

مش حسيب الكلام الظريف بتاع الكلية ألاقيه هنا في المنتدى

مفيش خلاف على المعادلات الرياضية بتاعة علاقة السرعة بالمقاومات

كل الحكاية إنه الكلام ده بينطبق على أي عربية مش على الصني بس ... يبقى ليه استهلاكها للبنزين أعلى من كل العربيات اللي في فئتها !!

لو الكنترول زي ما حضرتك بتقول يبقى دي مشكلة في تصميم الكنترول ..

و يا ريت حضرتك تقول لنا مصدر معلومة الكنترول الرياضي دي ... أنا فعلاً عايز أعرف .. مش جدال و الله

شكراً يا بشمهندس

أخوك الصغنن اللي لسة مبقاش مهندس :)

اخويا العزير الكبير فى عينيا

المسألة مش مسالة عيب فى تصميم الكونترول، المسألة مسألة مرونة، بمعنى ان انت لو هتسوق سواقة اقتصادية الكونترول هديلك صرفيه بنزين قليلة وهتلاقى الاستهلاك ممتاز بشهادة ناس كتير من الى ردوا هنا، ولو هتحرق هيحرق معاك بس متزعلش على البنزين، يعنى هو مش بيرمى بنزين طول الوقت لكن لما انت تقرص عليه

اما بالنسبة لموضوع الطوالى فسيبنا يا عم من معادلات الكلية وخليها للكلية والامتحانات، نتكلم بالخبرة العملية، انا خلال ال15 سنة اللى فاتوا غيرت 16 عربية، 126 و سيات وفولكس و127 و 128 ولانوس وشاهين و 132 وصنى وماروتى، غير انى ياما سافرت بانواع مختلفة من العربيات منها البولونيز واللانسر والهوندا سيفيك والشيفروليه تريل بليزر، ومن واقع التجربة العملية استهلاك البنزين لو واخد الطريق كله 140 بيكون ضعف -اه والله العظيم ضعف- الاستهلاك لو واخد الطريق كله 90 ، ايا كان نوع العربية ، علشان كدة بقول لك لو فعلا عايز تعرف استهلاك العربية دى صح جربها اسبوع بدون قرص وجربها مشوار طوالى على 90، لو الاستهلاك معجبكش ساعتها روح امسك فى التوكيل وقول فيهم ما قال مالك فى الخمر لحد ما يضبطولك العربية

[Bishoy.Girgis]

لا يا جماعة الراجل ده مش بيهز انا بسوق بصابع رجلي الصغير و فعلا وفرت كتير في البنزين بس المشكلة اللي بتقابلني انه الصابع بيتزحلق من علي الدواسة كتير فبدوس بظهر رجلي اقصد ببطن رجلي بس من عند المعدة شوية لكن بتجيب كويس

[sh23]

المشكلة مش موجودة في حالة التسارع بس .. دي موجودة برضو في السفر الطوالي

****
* طيب أنا لي سؤال بسيط ( بأفتراض الفتيس مانيوال وسيارتين متماثلتين ماركة +موديل +سنة الصنع )
1- لما أكون ماشي بسرعة 80 مثلاً علي الغيار الثالث
2- وواحد تاني ماشي معايا بنفس السرعة ولكن علي الغيار الرابع
فمن منهما يستهلك بنزين أكثر ؟؟؟؟
* أعتقد أن الأول هو اللي سيستهلك بنزين أكثر
-----
أخي الفاضل أسلوب القيادة بيأثر لأن طبيعة الشخص في التسارع أو السفر الطوالي واحدة
بمعني آخر اللي رجلة تقيلة علي البنزين هيحرق بنزين زيادة في كل الأحوال

[ahmed322]

لا بجد انا اول مره اسمع الكلام دا انا معايا لانسر 2009 1600CC برده بتأكل بنزين كتير بس لما بسوق هادى ومش بكبس البنزين مش بتأكل بزين حتى لو بحرق على الغيارات ,ممكن يكون قصده انك تتعامل مع البنزين على الهادى مش كبس لحد الاخر يعنى لان النظام فى العربيات دى كمبيوتر مش الكربيراتير يا باشا