احسن مكان تشترى منه نيسان صنى؟؟

[badry]

السلام عليكم...

ايه احسن مكان تشترى منه نيسان صنى...التوكيل و لا موزع؟...و لو موزع يبقى مين؟

و ايه اهم حاجات الواحد لازم ياخد باله منها عند الأستلام؟

و شكرا....

[amrmoneeb]

مبدئيا التوكيل مالوش منافذ بيع يعنى هوة بيبيع لموزعين و هما اللى بيبيعوا للمستهلك

فى اكتر من موزع كويس شوف انت ساكن فين بس الاول و نقولك على اقرب موزع ليك

بس لو عايز رايى انا تعاملت مع اتو ايجيبت اللى فى المهندسين و هما الصراحة اكتر من محترمين و ممكن تتصا بيهم على 16666

[badry]

شكرا على الرد....

يعنى كل الموزعين زى بعض؟ اشوف الاقرب لى و خلاص؟؟

اصلى بسأل علشان خايف من حد يكون بيسلم العربية فيها عيب او متخزنة او ناقصة حاجة و كدة...

يعنى مثلا السبع اوتوموتيف متأكد ان الصنى 2009 EX Saloon اوتوماتيك و ABS مافيهاش فوجات...
و الكاتالوج و ال web site بتاع نيسان و كمان مودرن موتورز بيقولوا ان ال Ex فيها فوجات زى ال Super Saloon...

و انا مش عارف اصدق مين...

[mado_1977]

السبع ناس محترمييييييييييييين جدا
انا شاري منهم وبصراحه خليت كل اصحابي اللي جابو نيسان او هوندا جابوا من عندهم

[amrmoneeb]

لحظة واحدة ... الصنى الجديدة كلها فيها فوجات انا متاكد جدا دى حاجة مافيهاش كلام
روح لحد تانى و اسال و لو انت رحت و شوفت العربية الشكل الجديد من غير فوجات قول و انا حاكلملك المصنع علطول

اخوكم فى الله
عمرو

[badry]

لحظة واحدة ... الصنى الجديدة كلها فيها فوجات انا متاكد جدا دى حاجة مافيهاش كلام
روح لحد تانى و اسال و لو انت رحت و شوفت العربية الشكل الجديد من غير فوجات قول و انا حاكلملك المصنع علطول

اخوكم فى الله
عمرو

شكرا يا أستاذ عمرو على ردك...
بس الغريبة ان رجل المبيعات فى السبع موتورز اكدلى انها فى ال Super Saloon بس مش ال Ex....و قالى تقدر تركبهم فى مركز الخدمة بتاعنا ب 700 جنيه!!!!

المهم انى اتأكدت من بورشور الدعاية و موقع الأنترنت انها ال EX فيها فوجات...و كلمته تانى و برده قالى مفيهاش...رحت مكلم مودرن موتورز الدقى و قالولى فيها....

بس انا لاحظت ان مودرن موتورز الأستلام عندهم بعد اسبوع...و السبع الأستلام عنده بعد يوم....يمكن السبع مخزن موديلات قديمة من غير فوجات؟؟؟؟

عموما انا دمى اتحرق جدا من الخداع ده...بجد حاجة سيئة فى حق السبع و حق نيسان ايجيبت ان موزع معتمد يعمل كده...

انا كده استبعدت السبع تماما...و علشان كده عملت الموضوع ده.....نفسى اعرف الواحد يشترى منين من غير ما يتضحك عليه؟؟؟

برده من كام يوم رحت العوض اللى فى الأوتوستراد...لقيتهم نايمين على نفسهم و محدش عايز يورينى العربية او يفتحها أكنهم مش عايزين يبيعوا!! رحت سبتهم و مشيت...

عار على نيسان ايجيبت انها حطت نفسها تحت رحمة شوية موزعين محليين..

جزاكم الله خيرا....

[amrmoneeb]

هيا المشكلة ان دى سياسة نيسان بس المفروض ان فى متابعة كويسة منهم

المهم اتكل على الله و كلم اوتو ايجيبت 16666
عن تجربة دول ناس محترمييييييييين جدا جدا جدااااااا

و على فكرة معرضهم فى المهندسين فى اخر شارع سوريا

و ابقى طمنى

اخوكم فى الله
عمرو

[SaNisSro]

انا برضو الي اعرفو انها كلها نازلة فوجات

[said_msh]

السبع ناس محترمين اوي

[samcar]

السبع ناس محترمين اوي

طب ما ايه ردك على اللى حصل للاخ ده مش دى واقعه محتاجه تفسير ولا هم محترمين لناس وناس لا ؟؟؟؟؟