استشارة فنية لصنى مانيوال 2008

[mohamed10]

عندى مشكلة فى السيارة وهى صنى 2008 مانيوال وعاملة 12700 كم والمشكلة انى لما باجى اتحرك بالعربية من وضع السكون بادوس سنة بنزين وارفع سنة دبرياش فاسمع صوت احتكاك كان العربية مخنوقة وكل مارفع رجلى من الدبرياش احس انها عايزا تنطلق والصوت ده ماكانش موجود قبل مااعمل صيانة العشرة الالاف فهل هناك مشكلة فى اسطوانة الدبرياج ولا سلك الدبرياج ممكن يكون محتاج لظبط .
تانى حاجة اناحاسس بعد صيانة 10000 الالاف ان الدركسيون اصبح اثقل من الاول فى الحركة وقلت يمكن علشان لسه عامل الصيانة وبمرور الوقت هايخف لكن لسه حاسس انه تقيل .
ارجو افادتى اذا كان احد واجهه هذه المشكلة وهل من الافضل اتوجه للتوكيل مباشرة الان ولا انتظر حتى صيانة 15 الاف

[PoweRPassioN]

ممكن تكلم التوكيل وتكلم المهندس اللي اشتغل فيها لو تعرفه
وهو هيقولك لو الموضوع محتاج فحص
او لو انت ماعندكش مشكله ف الوقت "اطرق الحديد وهو ساخن" واذهب مباشره للاطمئنان
وبالتوفيق

[atlas_u]

السلام عليكم
بص يا محمد

الرجاء تقلي انت بتروح عند اي وكيل

- للاسف و بجد للاسف انا عندي نفس المشكلة من 3 الاف كيلو و العربية دلوقتي عاملة 15 الف كيلة.
- بالنسبة للوكيل ع مر صيانة 5 فا 10المهندس قالي ان المشكلة دي موجودة ف عربيات كتير و ان اسطوانة الدبرياش لازم تاخد وقت عشان تطبع و لازم تمشي مشوار طويل (كلام فاضي).
- طبعا رحت ف صيانة 15 الف و فردت الملاية للمهندس.......... لغاية ما خليتو اعترف ان دا عيب ف الاسطوانة و انها لازم تتغير.... قولت له غيرها ع الضمان .....قام فاتح كتاب الضمان و طلع ان دسك الكلاتش خارج الضمان (اية دسك الكلاتش دا انا معرفش) و قالي لو عايز تغيرها ب 2000 الو اكتر مش فاكر.
- و ال بيعملوكل مرة انو بياخد مش عارف اية بالهوا و فعلا المشكلة بتروح اسبوعين كدة بعد الصيانة و ترجع تاني.

****
الرجاء يا محمد تقولي انت بتعمل صيانة عند مين لان انا بروح للعوض جروب ف لو انت بتروح عند وكيل اخر قولي عشان لازم تسألوا عن عن الموضوع دا داخل الضمان اما خارج الضمان عشان ممكن يكون عيب صناعة و نقوم نبعت انا و انت لحماية المستهلك.
بس انا عايز اتأكد من وكيل تاني برضو و يا ريت لو قدرت تخليهم يشخصو العطل دا و يدوك بية تقرير كتابي عشان انا فاتت عليا.
***********
رد عليا ضروري عشان نقدر ناخد قرار قريب

م. أسامة بكري
صني مانوال ابريل 2008

[mohamed10]

انا عملت الصيانة بتاعتى كلها منذ شراء السيارة حتى الان فى السبع زهراء المعادى

[atlas_u]

انا عملت الصيانة بتاعتى كلها منذ شراء السيارة حتى الان فى السبع زهراء المعادى

طب تمام لو مش رايح قريب ع الاقل كلمهم و اشرحلهم المشكلة و اطلب منهم تغيير قطعة الغيار ال فيها المشكلة ع حساب الضمان و قولي ردهم اية؟؟؟؟؟؟؟؟؟؟؟؟؟

[aboezz44]

طيب يا جماعه ربنا يعفوا عنكم
ممكن حضرتك تجرب توكيل يونايتد جرووب الى فى الدراسه ناس محترمين ومحترفين من وجهة نظرى وعلى فكره انا جربتهم وجربت السبع مش عارف ليه ارتحت ليونايتد اكتر
رقم يونايتد 0165555145
وانا مره رقم كلمنى 0168817835
وقاللى انه مركز نيسان فى مصر وكان بيطمن على العربيه وعلى مستوى الخدمه فى مراكز الصيانه الى انا اتعاملت معاها
ممكن حضراتكم تجربوا مع الرقم دا
وياريت تطمنونا عليكم

[atlas_u]

طيب يا جماعه ربنا يعفوا عنكم
ممكن حضرتك تجرب توكيل يونايتد جرووب الى فى الدراسه ناس محترمين ومحترفين من وجهة نظرى وعلى فكره انا جربتهم وجربت السبع مش عارف ليه ارتحت ليونايتد اكتر
رقم يونايتد 0165555145
وانا مره رقم كلمنى 0168817835
وقاللى انه مركز نيسان فى مصر وكان بيطمن على العربيه وعلى مستوى الخدمه فى مراكز الصيانه الى انا اتعاملت معاها
ممكن حضراتكم تجربوا مع الرقم دا
وياريت تطمنونا عليكم

شكرا يا احمد ع المساعدة

[sab3aawy]

بالنسبة لتقل الديريكسيون فده سببه انهم فى التوكيل بيقفلوا صامولة ريجلاش الديريسكيون شوية علشان متخبطش فى المطبات وتحافظ على علبة الديريكسيون لفترة اطول، وهى ليها ستاندر لللظبط، لان مفروض الفنى اللى بيقفل الصامولة،يقفلها ويحاول يلف عجلة القيادة باستخدام ميزان سوستة علشن يقرا القوة المطلوبة للف الديريكسيون لحد ما تبقى 4 كيلوجرام، يعنى لو انت وانت بتلف عجلة القياة حسيت انك بتبذل مجهود مماثل لرفع 4 كجم من على الأرض يبقى كدة الريجلاش مظبوط

اما بالنسبة للدبرياش فان مش هقدر اكون مفيد جدا لان سيارتى اوتوماتيك، لكن حكاية الهوا اللى الفنى بياخده ده معناه انه بياخد هواء من دورة الباكم(الهيدروليك بتاعة الدبرياج) وكونها بتقعد اسبوعين كويسة وترجع تبوظ تانى فده معناه ان الاسطوانة والديسك سلام لكن دورة الهيدروليك بتاخد هواء وده معناه اما ان فيه تسريب فى الدورة او ان احد المساتر فيه مشكلة

[atlas_u]

بالنسبة لتقل الديريكسيون فده سببه انهم فى التوكيل بيقفلوا صامولة ريجلاش الديريسكيون شوية علشان متخبطش فى المطبات وتحافظ على علبة الديريكسيون لفترة اطول، وهى ليها ستاندر لللظبط، لان مفروض الفنى اللى بيقفل الصامولة،يقفلها ويحاول يلف عجلة القيادة باستخدام ميزان سوستة علشن يقرا القوة المطلوبة للف الديريكسيون لحد ما تبقى 4 كيلوجرام، يعنى لو انت وانت بتلف عجلة القياة حسيت انك بتبذل مجهود مماثل لرفع 4 كجم من على الأرض يبقى كدة الريجلاش مظبوط

اما بالنسبة للدبرياش فان مش هقدر اكون مفيد جدا لان سيارتى اوتوماتيك، لكن حكاية الهوا اللى الفنى بياخده ده معناه انه بياخد هواء من دورة الباكم(الهيدروليك بتاعة الدبرياج) وكونها بتقعد اسبوعين كويسة وترجع تبوظ تانى فده معناه ان الاسطوانة والديسك سلام لكن دورة الهيدروليك بتاخد هواء وده معناه اما ان فيه تسريب فى الدورة او ان احد المساتر فيه مشكلة

السلام عليكم

سبعاوي باشا شكرا ع ابدا الرأي و اهنئك ع مدوناتك الرائعة (انت موهبة خسارة).

بالنسبة لمشكلة الدبرياج ال هية عندي:
- انا اعتقد ف رأيي ان مافيش مشكلة ف الاسطوانة او الماستر لسبب بسيط و هو ان الفتيس زي الفل و لا بيعلق و لا في مشكلة ف الغيار او النقل ولكن المشكلة تنحصر ف سماح صوت حكه لما تيجي تطلع ع الاول و ما بيحصلش كل مرة الا لما تعد مدة ماشي ف حتة زحمة سنة سنة بس انما ف العادي ما بيحصلش.
- ولاكن عموما مافيش اي مشكلة ف الغيار بعد كدة سواء التاني لغاية الخامس.
- بس برضو انا ماعنديش اي فكرة العيب ممكن يكون فين بس ال ها احاول اعملو اني اخد رأي وكيل اخر .

[atlas_u]

انا عملت الصيانة بتاعتى كلها منذ شراء السيارة حتى الان فى السبع زهراء المعادى

شكرا خاص
د. محمد علي الاتصال و الاهتمام
و ها احاول اروح توكيل السبع المعادي قريبا

[mohamed10]

الحمد لله ياجماعة انا اطمنت ان مفيش مشكلة وكل الحكاية اللى بلغنى بيها مهندس التوكيل ان سوستة دواسة الدبرياش هى كانت سبب المشكلة وتم معالجتها وتظبيط الدركسيون وضبط كرسى السائق بدون اى تكلفة ولذا لزم الامر بان اتوجه بالشكر لتوكيل السبع زهراء المعادى عامة والمهندس / محمد عمر خاصة واحب ان اقول اننى كل يوم ازداد ثقة وحمد لله على اختيارى للنيسان كاسيارة وتوكيل وشكرا لكل من ساهم فى الرد
( المهندس / اسامة لاشكر على واجب وربنا يوفقك ان شاء الله فى حل مشكلتك وابقى طمنا بردوه )