النيسان غليت

[youssef_sallam]

نزلت امبارح علشان اشوف النيسان فى المعارض بعد ما بيعت عربيتى و صدمت بالاخبار التالية
سعرها بقى 87000 بعد ما كانت 85000 :shock:
و بالحجز كمان لمدة 3 اسابيع :shock:
انا محتار استنى شوية و يمكن الإرتفاع دع علشان موسم الصيف و كثرة شراء السيارات من قبل الإخوة العاملين فى الخارج و لا اجيب دلوقتى قبل ما تغلى تانى . عايز مساعدتكم يا شباب

[أبوسيف]

رأيى تستنى لبعد العيد أحسن ، أنا برده كنت ناوى أشترى اليومين دول لكن لقيت فى إستهبال كبير قوى اليومين دول فى العربيات ، لدرجة ان سألت على عربية تويوتا كورولا 1300 أوتوماتيك فى معرض قالى تمنها 126 ألف ، يعنى الإستهبال الحقيقى. فقررت استنى لغاية لما السوق يستقر وبعدين هاقرر أجيب ايه.

[hero]

احسن شيء .....استني لحد السنة الجديدة ....وبعد فبراير كمان .....
لان التجار في مصر الجشع والطمع ملا قلوبهم وعنيهم ....خليهم بقي يتمرجحوا في عربيات السنة ايلي فاتت....
وربنا يسهل والجمارك تنزل علشان يبقي فعلا يستاهلوا....

[معاذ الشرباصى]

على فكرة النيسان مغليتش

كل ما فى الامر ان سعر 85 الف ده كان عرض حتى نهاية شهر 7 فقط

و الاسعار رجعت تانى من شهر 8

[Ashraf A.Kader]

فعلا كده وسعرها مش حينزل تاني توكل علي الله واشتري بصراحة تحفة