احترس من انك تدفع زيادة

[Bishoy.Girgis]

يا جماعة في لعب في اماكن كتيرة اوي في سعر السيارات النيسان .
يعني لما جيت اشتري عربيتي صني 2009 لاقيت السعر الاول 93000 و بعد الكاش باك بقت 91000
مسكتش انا .... تنتني الف هنا و هنا لغاية ماجبت العربية بـ 89000 و ده كان اقل سعر في شهر يناير اللي فات و اكن صعب حد يلاقي السعر ده في اي مكان لكن لما غلست علي بعض موزعين نيسان اخدتها بالسعر ده . عايز اي حد يشتري عربية نيسان . عايزكوا تغلسوا لغاية لما تجيبوا اخر سعر للعربية .
الحاجه المهمه اللي اخوكم عايز يقولها لكم هو اوعي اوعي اوعي اوعي اي حد يشتري العربية من اي موزع غير معتمد من نيسان .
يعني تشتري العربية من اجانس مكتوب عليه نيسان موتورز لأن في بعض المعارض بيحصل ان العربية و هي بتروح المعرض بتتخبط او تنقلب او يحصل اي حاجه فبيصلحها و بيبعها علي عيبها و الزبون يفتكر انها زيرو .
خلوا بالكوا يا جماعة السوق مالهوش كبير

[maged george]

شكرا كتير على النصيحة وربنا يكفيك شرها.

[melkholy]

مبروووك
بس انت مقولتش هى الشكل الجديد ولا القديم و كمان مانيوال ولا اوتوماتك

[khaleel]

الف مبروك
انت الوحيد اللي عرفت تضحك عليهم

[aiiar]

معاك حق طبعا
أنا كمان كان السعر 93 والمصريه آخر شئ جبته معاهم كان 91
وفي الآخر جبتها ب88 من نيسان اللي بشارع النزهة قبل ميدان الساعه
وهي اتوماتيك الشكل القديم والشكل الجديد نزل بعد ما اتفقت على السعر باسبوع ولما خلصت فيها كان الشكل الجديد نزل
كان هذا من حوالي شهر

[ahmedkam]

فعلا كلام صحيح
انا لما اشتريت نزلت 3 الاف جنيه بعد محاولات

[Bishoy.Girgis]

اي خدمة شباب نيسان