تعديلات صنى الشكل القديم بالشكل الجديد

[mohamedewais]

تحياتى لكل اعضاء المنتدى (نيسان)
بعد اعلان وظهور النسخه الجديد من نيسان صنى اعتقد من الواجب دراستها بشكل جيد فى الامتيازات الجديده ودى تطبيقها على الصنى الشكل ( الكلاسيكى ) بلاش القديم
اولاً الفوانيس الخلفيه اعتقد انه ممكن تركب على الشكل القديم لان الفرق اعتقد فى انها شفافه فقط

ثانياً الفوانيس الاماميه طبعا غير جائزة ومحتاجه تغيير الكبوت والاكصدام الامامى

ثالثاً العفشه واعتقد انها متغيرتش عن القديمه والى شايف غير كده ياريت يفدنا

رابعاً وهو الاهم الفرامل abs ، ebs ومدى امكانيه تركيبها مع العلم انا كنت قرأت للمهندس سبعاوى تعليق على ذلك وانه من الصعب تنفيذ ذلك ...؟

ياريت نتشاور ونشوف مع العلم انى أأوكد ان صنى خسرت الكثير من تميزها بين السيارات مع تغيير الفوانيس الاماميه وان الفوانيس الاولى افضل كثيرا ، وان الصنى تميزت كثيرا بتحسين مستوى الفرامل والعفشه بالمقارنه لنفس الفئه والسعر

[ahmedkam]

شكرا على طرحك للموضوع
واعتقد ان الشكل الجديد نفس تصميم الشكل القديم مع اختلاف كامل فى الشكل الامامى فقط (الكبوت والفانوس) لمسه بسيطه

[aboezz44]

شكرا على طرحك للموضوع
بس الصراحه انا شايف من وجهة نظرى المتواضعه ان اهم تعديل حصل فى الموديل الجديد هوا نظام الفرامل الجديد غير كده انا شايف ان باقى التعديلات غير مؤثره
انا ان شاء الله لما اروح اعمل صيانة ال15000فى السبع هاسألهم على التعديل بتاع الفرامل ينفع يركب عندى فى الصنى 2009 الشكل الكلاسيكى ولا لأ؟؟؟؟؟
وان شاء الله ابلغكم بردهم
والله المستعان

[mado_1977]

::السلام عليكم ورحمة الله وبركاته
انا جالي النهارده رساله من مركز صيانه يونايتد جروب علي الفاس بووك مضمونها اني ادفع 15 الف جنيه علشان احول العربيه من شكل 2008 لشكل 2009 ( لاحظوا ان الشكل بس ب 15000 ) كتير اوييييييييييييييييييييي والتعديلات دي هاتكون كالاتي :
1 تغيير الفوانيس اماميه وخلفيه
2 تغيير الرفارف الاماميه
3 تغيير الكبوت
4 تغيير الاكصدامات امامي وخلفي
5 اضافة الفوج لايت
6 اضافة النيكل + الدهان
تهرييج مش كده

[ABCDEFGHIJKLM]

ممكن اسأل عن حاجة مهمة
انا نعى صنى EX صالون والمفتاح الاسود اماستر اللى معاه الريموت بتاع السيارة وقع منى فى الجراج واحتمال يكون حد حصل عليه الحل ايه
1- ممكن اعمل واحد تانى وفين
2- وتكلفته كام
3- ويأخذ وقت كام
4- ولازم اروح ولا ممكن ابعت شخص اخر مع السيارة

معلش يا جماعة الرد بسرعة

تم مخالفة القاعدة 6-أ
حيث أنه ممنوع استخدام اللون الأحمر
مشرف الياباني

[ABCDEFGHIJKLM]

معلش يا جماعة اى زميل موجود يرد على النهاردة او بكرة ضرورى عشان الحق اتصرف انا اسف بس قلقان عشان انا غيرت الجراج وعاوز اشوف حل لموضوع المفتاح والرموت ده

[mado_1977]

بصراحه مش عارف ممكن تسأل في التوكيل
انا اعرف ان المفتاح الريموت ب 600 جنيه اما تغيير الشفره ده معنديش فكره عنه

[mohameduoser]

ممكن اسأل عن حاجة مهمة
انا نعى صنى EX صالون والمفتاح الاسود اماستر اللى معاه الريموت بتاع السيارة وقع منى فى الجراج واحتمال يكون حد حصل عليه الحل ايه
1- ممكن اعمل واحد تانى وفين
2- وتكلفته كام
3- ويأخذ وقت كام
4- ولازم اروح ولا ممكن ابعت شخص اخر مع السيارة

معلش يا جماعة الرد بسرعة

بلاش الون الحمر

[mohamedewais]

معلش يا جماعة اى زميل موجود يرد على النهاردة او بكرة ضرورى عشان الحق اتصرف انا اسف بس قلقان عشان انا غيرت الجراج وعاوز اشوف حل لموضوع المفتاح والرموت ده

طقم المفاتيح بــ 600 بالريموت فى التوكيل