تخبيط في العفشه

[mdsoultan]

ياجماعه ارجو افادتي العربيه مالهاش سنه نيسان صني 2008 ex salonفوجئت الايام ديه بتكركب من تحت في العفشه رحت التوكيل ربطوا العفشه وقالو مافيش حاجه بس المشكله ديه لسه زي ماهيه لو دخلت حته فيها شويه مطبات اسمع كركبه من تحت العربيه من العفشه حد يديني حل للموضوع ده الحقني يابشمهندس سبعاااااااااااااااوي

[shafey]

اية اخبار فرد الكاوتش ؟ انا كان عندى نفس المشكلى لغاية مغيرت الفرد علشان كانت جابت اخر

[mdsoultan]

فرد الكاوتش جديده خالص العربيه مامشتش اكتر من 20 الف بس

الحقوني ياجماعه من تخبيط العفشه بتاعه العربيه مشكله كاني مش حاسس بالعربيه الزيرو



شكرا ليك يابشمهندس سبعاوي لانك مش معبرني وكش عايز ترد عليه

ياجماعه حد يساعدني

[noon_eg]

الاخ المحترم صاحب الموضوع
انا حارد على نقتطين
اولا بالنسبه لموضوع العفشه عندك حاجه من الاتى

ممكن رجلاش علبه الدركسيون
او محتاج تربيط عفشه كامل
او مشكله نتيجه الكاوتش
بس غالبا انت بتقول انها فى المطبات الصغيره يبقى علبه الدركسيون محتاجه تربط الرجلاش بتاعها ربع لفه فقط هلى حسب كلام م سبعاوى

ثانيا بالنسبه لان بعض الناس ماردوش عليك فورا وانك زعلت من ده

لازم تقدر ان كل واحد له ظروفه اللى ممكن تخليه ما يدخلش النت لمده اسبوع مثلا وده وارد مع اى حد فينا فهو مش مطنشك بس اكيد عنده حاجه منعاه من الرد

عموما لما تبقى قديم شويه هنا هاتعرف قد ايه الناس هنا متعاونه ومحترمه فوق ما تتخيل

المهم
حل لعفشه بتاعك سهل وراجع ضغط الهوا فى الكاوتش
بالتوفيق

[ouba2]

هو صحيح الكاوتش بيتظبط علي كام؟؟؟

[ouba2]

ياريت حد يقولي الكاوتش بيتظبط علي كام؟؟؟؟؟؟؟

[mdsoultan]

noon_eg
شكرا ليكي اخي وجزاك الله خير بس انا رحت لبتاع العفشه قالي ان العربيه مفهاش غير اسكتره ومفهاش علبه دريكسون ولو فيها ممكن تقولي مكان اللقلاش بتاع العلبه فين بالضبط وشاكرا لك على مجهودك حبيبي:K14:انا والله اسف بس تعبت من موضوع التخبيط ده

[noon_eg]

ياريت حد يقولي الكاوتش بيتظبط علي كام؟؟؟؟؟؟؟

فى النيسان موديل 2000 امامى 29 وخلفى 26 واعتقد فى النيسان التجميع المصرى 32 اماى و29 خلفى وعموما بتختلف من موديل لموديل وحتلاقى المعلومات دى مكتوبه على القايم بتاع باب السواق

[noon_eg]

noon_eg
شكرا ليكي اخي وجزاك الله خير بس انا رحت لبتاع العفشه قالي ان العربيه مفهاش غير اسكتره ومفهاش علبه دريكسون ولو فيها ممكن تقولي مكان اللقلاش بتاع العلبه فين بالضبط وشاكرا لك على مجهودك حبيبي:K14:انا والله اسف بس تعبت من موضوع التخبيط ده

موضوع ربط رجلاش علبه الدركسيون اعمله فى التوكيل لان اغلب العفشجيه اللى اتعاملت معاهم ما عندهمش ادنى فكره عن الموضوع ده ! عموما ممكت تعمل بحث فى منتدى نيسان عن موضوع م سبعاوى عن ضبط رجلاش علبه الدركسيون

بالتوفيق

[sab3aawy]

ده رابط موضوع ضبط ريجلاش علبه الديريكسيون، وانا شبه متأكد انه هيحل معاك المشكلة ان شاء الله

بالمناسبة فان السكاترا هى علبة الديريكسيون وعلبة الديريكسيون هى السكاترا وربنا بأه يتوب علينا من الميكانيكية اللى بتخترع اسماء ما انزل الله بها من سلطان ثم تحاسبنا عليها وكأننا قد اخطانا فى كلام السماء، يعنى الباشا اساسا مش عارف مكان مسمار الريجلاش فى علبة الديريكسيون لكنه اعتبر انك جدفت وهرطقت والحدت فى المقدسات لما سميت السكاترا بتاعته علبه ديريكسيون، واللهى دى حاجة تحرق الدم

http://www.nilemotors.net/Nile/showthread.php?t=30026

[hossam_elwani]

راجع على جهاز الفرامل فى الجنب الى بتسمع منه التخبيط وعلى تربيط الكوبلن كمان عشان لو مش مربوطين كويس بيديك احساس ان العفشة فيها مشكلة عند المطبات جرب ورد علينا