الصني و تزييق الكراسي الامامية فشنك

[Bishoy.Girgis]

الي اجمل جروب للنيسان
انا معايا نيسان صني 2009 و كان في موضوع مدرج قبل كده و هو تزييق كرسي السائق و الكرسي اللي جنبه
علي فكرة يا جماعة التزييق ده مش م الكرسي خالص خالص خالص
التزييق طلع احتكاك توكة حزام الامان مع الكرسي هو ده اللي بيعمل تزييق لكن الكراسي زي الفل و مفيهاش اي مشاكل و اي حد بيحس بتزييق في الكرسي . حاول انك تبعد توكة حزامة الامان من جنب الكرسي هتلاقي التزييقة راحت خالص
اي خدمة احلي شباب صني

[Qamar]

بس كده؟ ما شاء الله.
فكرتني مره كان فيه صوت شخشخة كان هايجنن أخويا (لانسر 2008) و في الآخر طلع كان شاري مستلزمات سباكة و نسيها تحت الكرسي..... و بتشخشخ

[shafey]

لا ياباشا مين اللى قالك كدة انا عندى الكرسى اللى قدام يمين كان فية سوستة بايظة و غيرتها

[sheeko00]

عندى العربية زى الفل ومفيهاش اى حاجة فالكراسى.

[sNIPER_007]

لا اكيد كلام حضرتك دا في حاله عربيتك بس
انا عندي المشكه دي ومطلعه عيني ومستني اروح التوكيل

[moroo010]

انا حجربها وارد عليك

[mika1]

انا كان عند المشكلة دي صني 2008 لاقيت ان الفرش الجديد اللي ركبته على الكراسي مساميره كانت بتحك فى الشاسيه بتاع الكرسي

[sheeko00]

معظم عيوب الكراسى من اللى بيركبو كسوة السروجى بيبقى مش مربط الكراسى كويس والدليل ان التوكيل بيحل الموضوع دة فثوانى وان العربية اول مجت مكنتش فيها المشكلة دى

[fady_anis]

اكيد دا فى حالتك انتا بس يا باشا
انا عندى التزييق شغال برضه بس الغريب انه ساعات التزييق بيختفى ... بس سرعان ما اسمعه تانى يعنى يوم كده ويرجع الصداع تانى

[sab3aawy]

اول ما اشتريت العربية كان الكرسى اليمين بيزيق، واتحلت المشكلة فى دقيقة لما قرطت على الصواميل اللى رابطة الشلتة بالماكينة واللى موجودة تحت الكرسى وسهل جدا الوصول لها باليد ، ولم تعد المشكلة ثانيا مع ان كل اللى بيقعدوا معايا على الكرسى اليمين اوزان من 100 وطالع