زيادة سرعة الموتور عند التوقفووضع المور

[mohberb]

عندى سيارة نيسان اوتوماتيك 2008 فيها مشكلة هى عند التوقف ووضع الفتيس عل المور (n) تبدا سرعة دوران الموتور فى الزيادة بدرجة كبيرة ثم تقل ثم تزيد و هكذا تستمر حتى اضطر الى اطفاء الموتور و تشغيلة مرة اخرى لتثبت سرعتة وقد ذهبت بها للتوكيل بالاقصر اكثر من مرة ولكن بدون فائدة مع العلم ان استهلاك السيارة لم يصل الى 10000 كم برجا افادتى بالحل وطريقة الاصلاح و لكم جزيل شكرى

[sheeko00]

ممكن تشغل العربية على وضع on من غير متدور تفتح الكونتاكت بس على on وبعدين تطفى الكونتاكت لمدة عشر ثوانى هتسمع تكة بعدين تكرر الموضوع دة تانى وتقفل بعد سماع التكة شغل العربية دورها يعنى وبطلها بعد فترة او امشى بيها خمس دقائق
وكدة انت عملت اعادة ضبط للكمبيوتر او الانجكشن ولو نفس العيب لسة موجود يبقى الرشاشات عاوزة تنضف بوضع منظف رشاشات مع البنزين ياريت متستعملش غير بنزين 92
ومن بنزينة موثوق فيها والله اعلم
وياريت تطمنا وربنا يوفقك

[sab3aawy]

اول حاجة تعملة هى عمل Idle learning زى ما اخونا sheeko شرح لك، لو ده محلش المشكلة فانت هتكون محتاج تضبط التى بى اس، (حساس وضع باب الهواء) ، هو عبارة عن جسم بلاستيك اسطوانى صغير راكب على اكس باب الهواء فى الجهة المقابلة لشداد الاكسراتير- لو فتحت الكبوت هتلاقى داخل الكبوت قرب كبينة الركاب جسم شبه اسطوانى معدنى نازل منه اربع فتحات رايحه لجسم المحرك وداخل له من الشمال خرطوم كاوتش حلزونى من علبه فلتر الهواء، الجسم ده هو موزع الهواء، هتلاقى فيه على الشمال (شمال السيارة، يمينك انت وانت واقف امام السيارة) جسم نصف دائرى مربوط عليه سلك خارج من جراب اسود، السلك هد هو سلك الاكسراتير والجسم ده هو شداد الاكسراتير وراكب بأكس فى موزع الهواء، لو مشيت بعينك مع الخط الوهمى بتاع الأكس ده لحد ما يخرج من موزع الهواء من الناحية الاخرى القريبة من كابينة الركاب هتلاقى اسطوانة سوداء صغيرة قطرها فى حدود 3 سم مثلا وارتفاعاه و1 سم وخارج منها فيشتين، واحدة زرقا وواحدة بنى، هو ده التى بى اس، هتلاقيه راكب على مسمارين مقاس 7 ، هوى المسمارين دول بس حاسب ان اى منهما يسقط، يادوبك تهويهم، ولف الاسطوانة بعد ما تهويها مهتلاقيها بتستجيب معاك، لفها فى اتجاه عقارب الساعة(يعنى لو انت واقف وشك للعربية من الأمام ، حرك الاسطوانة فى نفس اتجاه حركه عقارب الساعة، يعنى نص الاسطوانة الفوقانى يروح ناحية شمال السيارة(يمينك انت) ونصها التحتانى يروح ناحية يمين السيارة(شمالك)) هتلف الاسطوانة دى مللى متر واحد او تنين بالكتير اوى، وجرب السيارة، غالبا ده هيحل معاك المشكلة، لو محلهاش يبقى انت محتاج تعمل تنضيف لبلف الأيدل، لو كل ده محلش المشكلة يبقى انت محتاج اعادة برمجة للسيارة والكشف على صلاحية وحدة التى بى اس

[mohberb]

شكرا جزيلا للاخ / SHEEKoOO و المهندس سبعاوى على المشاركة بالرد وإن شاء الله هعمل بنصيحتهم ونتمنى من الله التوفيق MOHBERB

[sheeko00]

شكرا للاخ سبعاوى
sab3aawy
إستشارى المنتدى لقسمى الورشة والتعليمي
على استكمال المعلومة وربنا يخليك لينا والف مبروك وياريت نكون افدنا اخونا فمنتدانا الغالى

[m shehata]

اول حاجة تعملة هى عمل idle learning زى ما اخونا sheeko شرح لك، لو ده محلش المشكلة فانت هتكون محتاج تضبط التى بى اس، (حساس وضع باب الهواء) ، هو عبارة عن جسم بلاستيك اسطوانى صغير راكب على اكس باب الهواء فى الجهة المقابلة لشداد الاكسراتير- لو فتحت الكبوت هتلاقى داخل الكبوت قرب كبينة الركاب جسم شبه اسطوانى معدنى نازل منه اربع فتحات رايحه لجسم المحرك وداخل له من الشمال خرطوم كاوتش حلزونى من علبه فلتر الهواء، الجسم ده هو موزع الهواء، هتلاقى فيه على الشمال (شمال السيارة، يمينك انت وانت واقف امام السيارة) جسم نصف دائرى مربوط عليه سلك خارج من جراب اسود، السلك هد هو سلك الاكسراتير والجسم ده هو شداد الاكسراتير وراكب بأكس فى موزع الهواء، لو مشيت بعينك مع الخط الوهمى بتاع الأكس ده لحد ما يخرج من موزع الهواء من الناحية الاخرى القريبة من كابينة الركاب هتلاقى اسطوانة سوداء صغيرة قطرها فى حدود 3 سم مثلا وارتفاعاه و1 سم وخارج منها فيشتين، واحدة زرقا وواحدة بنى، هو ده التى بى اس، هتلاقيه راكب على مسمارين مقاس 7 ، هوى المسمارين دول بس حاسب ان اى منهما يسقط، يادوبك تهويهم، ولف الاسطوانة بعد ما تهويها مهتلاقيها بتستجيب معاك، لفها فى اتجاه عقارب الساعة(يعنى لو انت واقف وشك للعربية من الأمام ، حرك الاسطوانة فى نفس اتجاه حركه عقارب الساعة، يعنى نص الاسطوانة الفوقانى يروح ناحية شمال السيارة(يمينك انت) ونصها التحتانى يروح ناحية يمين السيارة(شمالك)) هتلف الاسطوانة دى مللى متر واحد او تنين بالكتير اوى، وجرب السيارة، غالبا ده هيحل معاك المشكلة، لو محلهاش يبقى انت محتاج تعمل تنضيف لبلف الأيدل، لو كل ده محلش المشكلة يبقى انت محتاج اعادة برمجة للسيارة والكشف على صلاحية وحدة التى بى اس

انا عندي مشكلة قريبة جدا من المشكلة دي.. لما اكون ماشي واهدي احس العربية صوتها عالي لو غيرت الفتيس على n ونا ماشي الاقي ال rbm على 1.5 او 2 ... نظفت البوابة والايدل.. بس معاملتش حاحة في ال tps ومعرفتش مكانة فين.. رحت التوكيل كتير ومعملوش حاجة.. دا ممكن يكون ال tps؟ ولو ممكن صورة توضح مكانة في الصني 2008؟ وانضفو بأية؟
شكرا