تركيب abs&ebdفي صني 2008

[khaleel]

بعد نزول موديل 2009 وفيه abs&ebd اختياري وثمنه تقريبا 2000 جنيه زياده علي ثمن العربيه
هل ينفع نركب abs&ebd في موديل 2008

[badr20590]

انا والله كنت بفكر اركبه كمان يا ريت حد يقولنا نعمل ايه؟؟؟؟؟؟؟؟

[khaleel]

مفيش غير الباشمهندس سبعاوي هو اللي يفيدنا في الموضوع ده

[sab3aawy]

اعتقد ان بعد فترة هذا الأمر سيكون متاح لأن موديلات 2009 متوافرة حاليا بالabs والebd ، وبالتالى يمكن شراء المكونات الخاصة بها وتشمل

1-طنابير الفرامل المزودة بالترس المسنن الذى يسمح للحساس بقياس سرعة العجلة
2- حساسات سرعة العجلات
3- وحدة كونترول كل من ال abs والebd
4-مجموعات المواسير اللزامة للتركيب
5-تعديلات الضفيرة

لكن يجب ان نتفق ان الأمر سيكون مكلفا وستكون تكلفته مرعبة لو قررنا شراء هذة القطع جديدة من التوكيل، اما لو فررنا شراءها استيراد فنحن ببساطة نضح ارواحنا تحت رحمة قطع غيار مستعملة

فى تصورى المتواضع ان التكلفة اللازمة لاضافة هذة الكمالية للسيارة والتى اتوقع انها ستستقر فى خانة الاربعة اصفار لن تكون اقل من فرق السعر بين بيع سيارتك مستعملة وشراء سيارة 2009 بهذة المكونات كاملة ،

[khaleel]

الف شكر يا باشمهندس وربنا يخليك للمنتدي ويخليك لينا

[minaonline]

انا معايا سيارة نيسان صنى 2008 و كنت اود ان اركب لها نظام abs - ebdولكن لقيت نفسى هدفع رقم محترم ... و انا مع رأى البشمهندس سبعاوى ..

[Bishoy.Girgis]

معلش انا لي رأيي اخر و هو ان الصني اصلا فراملها مش محتاجه خالص الي abs

[sedyrohy]

معلش انا لي رأيي اخر و هو ان الصني اصلا فراملها مش محتاجه خالص الي abs

كلام مظبوط الصني فراملها جامده
بس في حاجه لاحظتها عندي يا استاذ سبعاوي مكان لمبه ال abs موجوده يعني ممكن تتركب ولا التابلوه بتاع الصني واحد في كل الفئات

[Bishoy.Girgis]

كلام مظبوط الصني فراملها جامده
بس في حاجه لاحظتها عندي يا استاذ سبعاوي مكان لمبه ال abs موجوده يعني ممكن تتركب ولا التابلوه بتاع الصني واحد في كل الفئات

طابلوه الصني واحد في كل الفئات .. هي مكتوبة فقط لا غير
لكن العربية ابتدأت تنزل بالـ abs من اواخر 2009

[Ahmed.TV]

خالينا نتكلم بصراحة اكتر للناس

هو اللى عربيته مفهاش abs خلاص صعب يركب عشان التكلفة زى ما وضح سبعاوى لانها مكلفة , وخلاص لازم يرتضى بالامر , والفرامل قوية ومش سيئة ,,,, ولكن

اللى بيفكر فى شراء عربية صنى جديدة ودخل على الموضوع ده ومحتار وبيفكر هل يجيب اللى فيها abs او لا

بقوله عن رائى والمقتنع بيه جداااا , وعن تجربة عشان عرببيتى فيها abs اختار ال abs فورا بدون تردد

هى الفرامل قوية من غير الabs فعلا ,ولكن زيادة على القوة حيكون معاك عنصر امان اكبر فى حاجة :

1- انه حينفعك لو بتضرب فرامل على ارض رملية والعربية مش حتزحف معاك
2- بردوا حينفعك لو الارض عليها مياه او زيت او اى سائل ومش حيخلى العربية تزحف منك بردوا وتقدر تسيطر عليها بكل سهولة
3- العربية اللى فيها brake assist مع نظام الabs وده بيفيد فى ان العربية بتقف فى اقل مسافة ممكن فى اقل وقت وباقل جهد
وطبعا ده مش موجود مع الفرامل العادية
4- حتقدر مع abs والفرملة الفجائية لو فى حد وقف قدامك مرة واحدة ممكن لو فى مجال تفاديه حتفاديه , على عكس الفرامل العادية , مفيش مجال تروح يمين اوشمال فحتروح حتروح وش

وغير كمان حيفرق معاك فى حالة الببيع لو بعت مستعمل فى يوم الايام اى وسيلة امان عندك فى العربية

فوجود الabs مربح فى كل الاحوال لصاحب العربية

وفى الاخر , الحارس هو الله وربنا يحمينا من شر الطريق