صوت نقلة اغيار الاتوماتيك عالى شويه بسسس؟؟

[MEDO1986]

يا جماعه العربيه لما اكون لسه مدورها واجيب الفتيس على r بسمع صوت النقله فى الموتور بس عاليه قوى بحس ان فيه حاجه هتتكسر بس لما العربيه تسخن وامشى بيها الصوت بتاع النقله بيخف تدريجيا على فكره الصوت دا فى نقلة r فقط دا فيه حاجه غلط ارجو الرد والافاده يمكن انا مش بعمل حاجه صح دلونى انتم وشكرررررررررا واسف للازعاج

[asnady]

بتبقى دايس على الفرامل كويس و انت بتنقل ؟؟
رفعت فرامل اليد قبل ما تجيب العربيه على p ؟؟
جرب و قول لسه الصوت زى ما هو ؟؟

[mkafifi]

أنا عندى نفس الصوت لما ابقى وقف اجيب الفتياس على الr اسمع صوت عالى و مش عارف اه السبب

[sab3aawy]

عادى، لا توجد مشكلة ، كل الصنى كدة

[bmya]

صوت عالي بمعني ايه ؟
اعتقد ان حضراتكم بتقابلو نفس المشكله الازليه
وهي تحميل العربيه علي الفتيس
وعشان كده بيعمل صوت في النقله الr فقط
حضرتك لما تركن هات الفتيس علي الn وشد الهاند بريك علي الاخررر وبعدين هات الفتيس علي الp وان شاء الله مش هتحس تاني بالصوت ده

[sab3aawy]

صوت عالي بمعني ايه ؟
اعتقد ان حضراتكم بتقابلو نفس المشكله الازليه
وهي تحميل العربيه علي الفتيس
وعشان كده بيعمل صوت في النقله الr فقط
حضرتك لما تركن هات الفتيس علي الn وشد الهاند بريك علي الاخررر وبعدين هات الفتيس علي الp وان شاء الله مش هتحس تاني بالصوت ده

ليست هذة هى المشكة، حتى لو انت سايب الفتيس على n وليس p بتحصل نفس المشكلة عند النقل من n الى r وسببها ارتفاع عدد لفات المحرك عند بداية التدوير لأنه يكون فى حالة تسخين مع حالة ركود الجيربوكس نتيجة فترة الانتظار مما يسبب صدمة للجير لحظة التعشيق لأنه بيقابل المحرك اللى بيكون على rpm عاليه، والحل الوحيد لتلافى هذة النتشة فى الصباح هو انتظار حتى انخفاض مؤشر rpm المحرك الى سرعتة العادية (حوالى 800 rpm) الأمر الذى قد يستغرق دقيقتين من التسخين قبل الحركة بالسيارة

[MEDO1986]

شكرا ليكم كلكم افاده حلوه وسريعه اتمنى من الله التوفيق لينا كلنا

[bmya]

بس يا بشمهندس سبعاوي انا مس بحس بالصوت ده مش عارف