اصطدام سيارة نيسان صنى بأتوبيس نقل خاص ............

[sokasoon]

• انهاردا وانا راجع لقيت عربية نيسان صنى بتلف والاتوبيس ماشى
  
  يعنى الاتوبي ماشى فى طريقة فى ملف جمبيه فالعربية النيسان بتلف
  
  والاتوبيس خلاص عداها بشوية واللى سايق النيسان رجليه فالتت من على الفرامل
  
  تقريبااا والله اعلم وراح متقدم على الاتوبيس فالاتوبيس حك فى الاكصدام
  
  يعنى لمس الاصدام واللى حصل فى النيسان شىء رهيب الاكصدام الامامى
  
  من الجمب اليمين اتخلع والفانوس دخل فى الشبكة لان قواعد المربوطة بتاعتو اتكسرت
  
  والشبكة اتعوجت وكمان الخبطة صدعت الناحية التانية من الاكصدام انا زهلت
  
  اول ما شوفت العربية للدرجة ديه خفيفة اى لمسة بتبهدلها كده طبعا صاحب النيسان
  
  غلطان بنسبة 99.5 % مافيش شك لانى بالصدفة تابعت الخبطة من اولها وبقول
  
  للراجل بتاع النيسان حاسب وهو طبعا خلاص دخل فى الاتوبيس والاتوبيس
  
  كان ماشى هادى كمان مش سريع طبعا بالعافية لما لحقت اصورلكو كام صور بس بعد
  
  رفع الاكصدام وخروج الفانوس من داخل الشبكة شوفو الصور

• 

• 

• 

• 

[Abonora]

الصور مش باينة

[sokasoon]

الصور مش باينة

• نزلت الصور التانية يا ابو نوراااا

[hero]

لا حول ولا قوة الا بالله...

يا جماعه هي مصر ما ينفعهاش غير عربية شاهين .....والشاهين كتير عليها ...

[Karim_Monir]

لاء بلدوزر وتركب ديفندر كمان من ورا
مش شاهين
واهو حتي البلدوزر كابورلية

[amir]

علي فكره انا شايف ان التلفيات قليله علي نوع الخبطه, بمعني اخر الصني مش شويه ورق, ده اوتوبيس يعني الموضوع مش موضوع سرعه الاوتوبيس بس ده كمان بتضرب وزنه في سرعته momentum مش عارف ترجمه ليها بس هو ده الاساس فبكده الصني كويس ان تلافيتها علي قد كده , طب تصدقو بأيه انا مره ماشي في الدويدار و كان ادامي عيل سايق لانوس ون مره واحده كسر شمال علشان يدخل شارع جانبي المهم مظبططش معاه فوقف و لنل وراه و كان الشارع ماشي اولاني تاني, ملحقتش افرمل كويس المهم دخلت في زاويه اكصدامه الخلفي مع الرفرف هو محصلش عنده غير ان الحته دي دخلت لجوه قد 1 سم تعالي شوفو جري لعربيتي ايه الاكصدام اتشرخ و الرفرف الامامي شفته اتطبقت و انا عربيتي فيليشيا 98 يعني عضم محترم و انتو عارفين صاج اللانوس عامل ازاي فمن الاخر الصني مش ورق

[mohaismail]

لآ انا بختلف معاك الصنى رغم ان فيها بعض العيوب الا ان العربية متينة جدا بصراحة اجمد من لانسر وتويوتا كتير جدا

[sokasoon]

• يا جماعة انتو ماشوفتوش بعنيكو الموضوع وهو بيحصل
  
  اولا الخبطة مش مباشرة فى الاكصدام بعدين الاتوبيس ده مش كبير
  
  ده عامل زى المينى باص الصغير هو ماشى عادى والصنى دخل فى طرف
  
  الاتوبيس من الاخر وهو ماشى ونص الاكصدام اتشال من مكانه ورجعو بأيده كده
  
  من الحكة الخفيفة بعدين انا مصور بعد ما الراجل فتح الكبوت وعدل الفانوس
  
  وبعد شوية خناقات بين الاتنين السواقين والله الاكصدام اتخلع واتعوج وكمان
  
  الصور مش مبينة زى الحقيقة تماما ده انا اللى دخل فيا عربية نص نقل سريعة
  
  من ورا الاكصدام بتاعى ما اتحركش من مكانه ولا الفانوس انا مش بهاجم
  
  العربية اطلاقااا بس الخبطة اللى شوفتها انهاردا حسيت انها عربية خفيفة جدااااا

[sokasoon]

• على فكرة بعد كل ده الراجل بتاع النيسان صنى ماخدش
  
  ولا ملين من سواق المينى باص الحقيقة هو مش غلطان خالص
  
  انا ماعرفش سواق المينى باص ولا النيسان لاكن بقول اللى انا شوفتو بعنيا

[yahyanaabil]

بالنسبه للاكصدام انا شايفه مش ضعيف وحصلت معايا تجربه مش لذيذه الاكصدام اثبت كفائته
كنت على كوبرى شهير فى اسكندريه (كوبرى العوايد) بقالهم 6 سنين تقريبا بيصلحوه فيه المهم انه كان زحمه وكنت واقف على المطلع وواحد معاه فيليشا تقريبا ملوش فى السواقه لقيته راجع وخبط العربيه حته خبطه هزت العربيه مش تريحه والسلام المهم السكه مشت ووقفت تانى المهم انه مان لسه قدامى قام العربيه رجعت منه وخبطها لتانى مره فقمت طالع قدامه و ماسك فى زماره رقبته لاقيته بيقولى ازاى يا بشمهندس تخبطنى من ورا :shock: المهم لاقيت الاكصدام سليم زى الفل مفهوش خربوشه الحمد لله

[yahyanaabil]

بالنسبه للاكصدام انا شايفه مش ضعيف وحصلت معايا تجربه مش لذيذه الاكصدام اثبت كفائته
كنت على كوبرى شهير فى اسكندريه (كوبرى العوايد) بقالهم 6 سنين تقريبا بيصلحوه فيه المهم انه كان زحمه وكنت واقف على المطلع وواحد معاه فيليشا تقريبا ملوش فى السواقه لقيته راجع وخبط العربيه حته خبطه هزت العربيه مش تريحه والسلام المهم السكه مشت ووقفت تانى المهم انه مان لسه قدامى قام العربيه رجعت منه وخبطها لتانى مره فقمت طالع قدامه و ماسك فى زماره رقبته لاقيته بيقولى ازاى يا بشمهندس تخبطنى من ورا :shock: المهم لاقيت الاكصدام سليم زى الفل مفهوش خربوشه الحمد لله

[mina_ramsis]

بشمهندس تخبطنى من ورا المهم لاقيت الاكصدام سليم زى الفل مفهوش خربوشه الحمد لله

هههههه :D :D :D
الحمد الله ان الاكصدام ماجرلوش حاجة

[yahyanaabil]

بالنسبه للاكصدام انا شايفه مش ضعيف وحصلت معايا تجربه مش لذيذه الاكصدام اثبت كفائته
كنت على كوبرى شهير فى اسكندريه (كوبرى العوايد) بقالهم 6 سنين تقريبا بيصلحوه فيه المهم انه كان زحمه وكنت واقف على المطلع وواحد معاه فيليشا تقريبا ملوش فى السواقه لقيته راجع وخبط العربيه حته خبطه هزت العربيه مش تريحه والسلام المهم السكه مشت ووقفت تانى المهم انه مان لسه قدامى قام العربيه رجعت منه وخبطها لتانى مره فقمت طالع قدامه و ماسك فى زماره رقبته لاقيته بيقولى ازاى يا بشمهندس تخبطنى من ورا :shock: المهم لاقيت الاكصدام سليم زى الفل مفهوش خربوشه الحمد لله

[dr_3eshoo]

بابا معاه نيسان و الصاج خفيف جدا
اهم حاجه في الحوادث ان ميحصلش خساير بشريه

[dentalcheetos]

بص ياريس النيسان مش ضعيفة زى ما انت بتقول دى خبتط فى اتوبيس مش ميكروباص
انا عندى نيسان صنى وكنت ماشى بيها وباخد غرزة من قدام ميكروباص هو قفل عليا فخبطنى من ورا نزلت علشان اشوف التلفيات وبعد بقى فانوس واكصدام وشنطة ببص ملقيتش حاجة عندى وببص على الميكروباص ليقتلك السواق بيقولى عاجبك اللى انت عملته ده قولتله هو اية ده ببص لقيت خرم كبير فى الاكصدام بتاعه بقوله ده اكيد مش منى قالى والله العظيم انت السبب قولتله خلاص وانا مش غلطان انت اللى غلطان ومشيت ز ايه رأيك فى النيسان يانجم