استفسار عن صنى لذوى الخبره

[slayer]

ازيكو يا جماعه انا لسه جايب نيسان صنى 2007 عامله 50000 ك و كنت عايز اسال عن شوية حاجات ارجو الرد عليها:
1- باور الدريكسيون تقيل شويتين هل ده طبيعى
2- فى صوت تزييق فى الجنب اليمين مع المطبات
3- صوت الموتور بيعلا اوى مع التكييف
4- عايز اعمل الصيانه اعمل ايه و روح فين و هل لازم دفتر الصيانه

[mohamed10]

الف مبروك وربنا يديك خيرها ويكفيك شرها
1- الباور تقيل شوية لانه هيدروليك مش كهرباء
2- يمكنك الكشف على السيارة بالكامل واجراء الصيانة لها فى مركز السبع بزهراء المعادى وهما ناس محترمين وعارفين شغلهم كويس وهيدوك تقرير كامل عن السيارة وبالتوفيق ان شاء الله

[slayer]

شكرا يا باشا على ردك بس عايز اعرف لازم دفتر الصيانه ولا لأ

[aboezz44]

لا مش لازم دفتر صيانه بس لو معاك الدفتر دا افضل لأنك لسه فى الضمان وهايوفر عليك كتير
ومبروك عليك العربيه
وطمنا على اخبارك

[neonate]

الف مبروك يا باشا بس يارريت تعرفنا اشترتها بكام ورفعتها قبل ما تشتريها ولا لا اصل انا معروض عليا صاني اخت اللي معاك اكس صالون وصاحبها طالب سبعين الف

[slayer]

انا جبتها على 74000ج و والدى هوا الى رفعها عشان انا مبادرش انزل دلوقتى عشان رجلى تعبانه