عداد ال rpm

[samo999]

ياجماعة انا عندى استفسار وعاوز حد يجاوبنى انا عداد rpm عندى لما بسخن العربية الصبح بيوصل ل 400 دة طبيعى ولا فى حاجة غلط وكمان النقلات بتبقى على 2500 انا مشترى العربية جديد عاملة 300كيلو بس و العربية اتوماتيك لو دة مش طبيعى اعمل اية؟؟؟
وشكرا ليكو جدااااااااااااااااا

[sab3aawy]

انت تقصد 400 وللا 4000 وللا 1400

المفروض ان العربية وهى بتسخن تكون فى حدود 1200-1300 وبحد اقصى 1500 ،

لكن لو انت تقصد ف4000 دى كتير اوى الا لو كنت انت اللى بتحط رجلك على البنزين ، فى هذة الحالة كل اللى انت محتاج تعمله انك تسيبها تسخن نفسها لوحدها ولا تتدخل انت(يعنى متحطش رجلك على البنزين والعربية بتسخن) ،

اما لو انك بتقول 400 فمعنى كدة ان التسخين مش شغال لسبب او لأخر

اما لو انك تقصد 1400 فده طبيعى جدا وهو ده نظام العربية وكل العربيات المماثلة



بالنسبة للنقلات فطبيعى انها تنقل على 2500 لو انت ماشى بالراحة، لو قرصت على الموتور شوية هتلاقياه بتنقل عند 3000 ولو قرصت اكتر هتلاقيها بتنقل عند 3500 وكل ما تقرص اكتر كل ما النقلة تتأخر( لكن طبعا يفضل عدم القرص اثناء التليين) لكن رقم ال 2500 ده طبيعى جدا مع المشى بالراحة

[samo999]

شكرا يا هندسة على الرد بس احب اكد على ان
العربية وهى بتسخن تكون فى حدود 400-600
اعمل اية؟؟؟؟؟؟؟؟

[sab3aawy]

شكرا يا هندسة على الرد بس احب اكد على ان
العربية وهى بتسخن تكون فى حدود 400-600
اعمل اية؟؟؟؟؟؟؟؟

تروح التوكيل وتشتكى ان التسخين مش شغالو هم يراجعولك حساس حرارة الموتور الوضفيرة بتاعته والسوفتوير

[samo999]

شكرا ياباشا بس استفسار اخير انت زى ماقلت ان فى التسخين بيكون عداد rpm مابين 1200-1300 سؤالى هو بيفضل على كدة مدة اد اية من بداية تشغيل العربية وبيقل لغاية ما يوصل لكام؟

[EslaM_NagY]

فى الفيرنا

بيفضل على 1200 حوالى دقيقة ثم دقيقة اخرى على 1000

وطبعا المدة بتزيد فى الشتاء وتقل فى الصيف.

يقل لغاية ما يوصل 800

[Mostafa Hessen]

الطبيعى العربية أول مبتدور تكون على 1300 تقريبا وتقل بعد التسخين ل 700 تقريبا

[Bishoy.Girgis]

ربا يخليك لنا يا عم سبعاوي يا مطمنا

[sab3aawy]

شكرا ياباشا بس استفسار اخير انت زى ماقلت ان فى التسخين بيكون عداد rpm مابين 1200-1300 سؤالى هو بيفضل على كدة مدة اد اية من بداية تشغيل العربية وبيقل لغاية ما يوصل لكام؟

دقيقتين الى 4 دقائق حسب حرارة الجو(كل ما الجو يكون بارد كل ما ال rpm بتفضل عالية لفترة اطول)

ينزل الى 800 rpm