فرش للنيسان إي اكس صالون

[princex1]

النهارده عملت الفرش عند سبير كار في امتداد رمسيس
وذلك أسوة بالأخ night_whisper و موضوعه ( فرش للنيسان سوبر صالون )

http://www.nilemotors.net/Nile/showthread.php?t=79945

وبناء على نصيحة عم سبعاوي و Lan0
بصراحة ناس محترمين بس ايه رأيكم في الأسعـــار دي:

فرش جلد في قماش رصاصي فاتح (مكتوب 400 بالفصال 360)
طقم دواسات و فرش الشنطه (140)
يعني المجموع 500 جنيه و خمستين للصنايعيه علشان ميزعلوش

فاضل بس طاره و ستاره ورا بس تكون شيك شوفتها في صني عباره عن جزئين منفصلين لونها بيج بس معرفتش اسال صاحبها
على فكره الستاره الكبس في سبير كار ب 75 جنيه.
بصراحه جميل جدا خاصة انه ماشي مع الفضي لون العربيه و ربنا يسهل أصورهلكم قريب
وكمان الفرش معاه ضمان معرفش ليه.
و مليت الكاوتش نيتروجين في بريدجيستون العبور على 29-32
بصراحه يا جماعه في فرق ملحوظ بالذات في البروزات يعني لما بعدي على عين القط
الاحساس اهدى بكتير لكن في الحفر تقريبا مفيش فرق يستاهل و ده اعتقد طبيعي

مش خساره 20 جنيه أبدا.

و معلش طولت عليكم بس بجد شكرا لكل أعضاء المنتدى

[أبو_يوسف]

نصيحة بلاش تعمل ستارة بيج
اعملها لون غامق علشان تشوف كويس من خلالها

[night_whisper]

ألف مبروك على الفرش
ربنا يبارك ليك و يسعدك بيها
منتظرين التقرير و الصور

[night_whisper]

بعد أذنك أخى
princex1
هو مش تركيب ستار فى العربية ممنوع الأن فى قانون المرور الجديد

[princex1]

معنديش فكره, انا شوفت الستاير في عربيات كتير
بس نعمل ايه في الشمس الرهيبه دي
مجرد ما افصل التكييف (بجربه 10 عشر دقائق علشان التليين) ألاقي القزاز عدى الحراره في اقل من دقيقه
كده معدش في حل غير ال V-cool

[aboezz44]

اولا مبرووووك عليك الفرش الجديد
بس على فكره انا ركبت عند سبير كار وبصراحه بعد شهرين لقيت الفرش بتاع العربيه طلع من العربيه ساب بعضه (عيوب تقفيل)وبصراحه لولا انى من المنصوره وهما من القاهره انا كنت روحت اخدتهم وش غسيل ومكواة
فا ربنا يسترها عليك وما يحصلش ليك الى حصلى
بالنسبه للستاره هيه بجد مهمه علشان موضوع الشمس بس انا ركبت ستاير كبس سوداء شبك(مخرمه) وكانو ب80جم تقريبا ستارتين للبابين الى ورا وستاره فى الشماسه بس بصراحه رسموا العربيه رسمه جامده وحاشوا كتير من الشمس
بس خد بالك دى غرامه فوريه 50جم توتو على كبوتو انا دفعتهم مرتين فأسأل الله ان يعمى اعين المرور عنك انه ولى ذلك وهو على كل شئ قدير

[princex1]

شكرا على النصيحه
بلاها ستاير
كده مفيش حل غير (صن سكرين) مرهم للشمس

[princex1]

و إليكم الصـــــــــــــــــــــــــــور

معلش الكاميرا أي كلام في الواقع أحلى شويه
بس اللي عاجبني أكتر أنه مريح
فاتح ميسخنش في الشمس
و بيقلل العرق

[night_whisper]

ألف مبروك
princex1
ما شاء الله جميل جدآ
ربنا يبارك ليك

[aboezz44]

كل الشكر للمجهود الرائع الذى بذلته

[princex1]

شكرا على الرد السريع
إنتو اللي ذوق ذوق صراحـــــــــــــــــــــــــــــــــــــــه

[princex1]

بالنسبه للستاير الكبس في موضوع جديد هنا

http://www.nilemotors.net/Nile/showthread.php?p=944807#post944807

---------
حد سأل في التوكيل أو ركب للصني سبويلر؟ التكلفه و المكان؟
هتلاقي كمان ستاير كبس في الكماليات في موقع الشركه

http://www.nissan.com.eg/en/.../partsandservice/parts_510.htm

---------
انا عملت 720 كيلو و لاحظت اليوم الزيت لونه أغمق (بني محمر) عادي؟
--------
كفايه كده تعبتكم معايا

[momar_71]

ياريت يا جماعه عنوان سبير كار بالتفصيل لانى معرفتش اوصل عنده
عند نقابه التجاريين قدام شويا ورا شويا
وخالص شكرى لكل اعضاء المنتدى

[أحمد علاء]

السلام عليكم
انا كمان اخذت بنصيحة الشباب في المنتدى وركبت عند سبير كار وفعلا ناس ممتازة بارك الله فيهم وفيكم
انا عربيتي ex لون سماوي فرش رمادي
ركبت فرش 80% قطن (بون جلد في الجوانب) لكن ظهر الكرسي (ناحية الراكب الخلفي جلد) ممتاز
لونه رمادي غامق بس ممتاز
الراجل قالي ده الي توكيل نيسان بيخدوه منه علشان يبيعوه في التوكيل ب 650 على كلامه (اسبه صادق) طبعا التوكيل لازم يكسب
حسب لي الفرش على 400 ج بالتركيب وجبت دواسات الثقيلة وخامه ممتاز ب 110 (كل ده بعد الفصال)
بس لما روحت محل الإكسيسوارات الي بين عباس العقاد والطيران لقيت دواسات اشيك بصراحه

[أحمد علاء]

السلام عليكم
مبارك عليك يا باشا
انا برضة ركبت فرش لعربيتي موديل 2009 عند سبير كار كله قطن وقالي زي الي في التوكيل وركبته ب 400 او 410 مش فاكر
بس هوه ظهرة جلد (يعني ظهر كرس السواق ناحية الكنبة الخلفية) بس القاعدة والظهر والكنبة كله قطن
بصراحة ممتاز وتركيبهم ممتاز وخبرة
الحمد لله وجزاكم الله خيرا على النصيحة

السلام عليكم