سؤال الى كل من عمل صيانة الاربيعين الف

[maged george]

اولا احب اشكر كل من يشارك في هذا المنتدى العظيم وبالاخص المهندس سبعاوى الذي لايبخل بالرد على اى استفسار لذلك ارجو الاستفسار عن الاتي: انا عملت صيانة الاربعين الف امس في السبع وغيرت سير الدينامو والباور والزيوت والفلاتر الى اخره لكن لاحظت وانا مروح ان في صوت ورة عالى بيقل وانا بهدي السرعة وخصوصا وانا قافل الزجاج هل الصوت ده بسبب ان السيور جديدة ولا نوعها وحش مع العلم ان الصوت ده جديد مكانش موجود قبل التغيير واسف جدا على الاطالة.

[maged george]

32 مشاهدة ولا حدش رد يا ميت الو؟ فينكو يا رجالة ؟

[noon_eg]

الصوت ده اما يكون السيور مشدوده زياده عن اللازم او يكون نوع السيور نفسها وحش

ومش عارف اقول لك ايه انا معيا صنى 99 غيرت لها السيور على 100 الف فمش عرف اقول لك ياريتك ما غيرتها لانها معمره جدا بس طالما انت بتودى التوكيل يبقى لا مفر من التغيير ممكن تراجع التوكيل فى التليفون وتقول لهم على المشكله

وتروح لهم يبزبظوا شد السير او يغيروه وعلى فكره اى صيانه عليها ضمان بعد الصيانه لمده 45 يوم تقريبا فلازم تطالب بحقك

[maged george]

الف شكر على الرد يا أستاذ noon_eg وانا فعلا هاروحلهم علشان يظبطوها وعلى عموم انا معايا السيور القديمة احتياطي للمستقبل.

[noon_eg]

الف شكر على الرد يا أستاذ noon_eg وانا فعلا هاروحلهم علشان يظبطوها وعلى عموم انا معايا السيور القديمة احتياطي للمستقبل.

خير ما عملت احتفاظك بالسيور مفيد لانك حتبقى عارف مقاس السير كام لو حبيت تغيره بره التوكيل
لان بتوع قطع الغيار بيفتوا فى المقاسات وعندهم اى حاجه ممكن تمشى طالما حيبيعوا

انا عندى صنى مو 99 وعندى مساعيدن الاصلى والسيور وتيل الفرامل وفلت بنزين وفلت هواء علشان لما اروح اشترى يكون معايا قطعه اجيب زيها بالملى

[maged george]

فعلا معاك حق وموضوع المقاسات ده مجاش على بالي بس فكرة حلوة والف شكر على متابعة حضرتك يا باشا.