صوت غريب فى فرامل التيدا

[astalavistaghost]

بسم الله الرحمن الرحيم
سيارتى التيدا دلوقتى جابت ال 3000 كيلو تقريبا انا استلمتها من اقل من شهر و بصراحه كنت معجب بيها جدا نعومه و اوتوماتيك ممتاز و مريحه جدا بس بعد صيانة ال 1000 ظهرت فيها حاجه غريبه
لما بأكون على سرعة 80 كيلو مثلا و اضغط فرامل بخشونه شويه باسمع صوت صرير فى العجل
زى الصوت اللى كنت باسمعه مثلا فى العربيات القديمه لما تبقه محتاجه تتظبط زوايه و الغريب ان انا بردو باسمع نفس الصوت لما باخد ملف بسرعه غير اعتياديه يعنى ملف شدشد على ال40 كيلو فى الساعه مثلا بردو باسمع نفس صوت الصرير
مش عارف دا عادى ولا ايه و بعدين واحد صديق ليا ركب معايا قالى دا مش طبيعى لأن الفرامل abs ماينفعش العجل يطلع صوت كده او يتزحلق



افيدونى افادكم الله

[karaktar]

وحياتك انا عندى نفس الكلام فى التيدا على فكره التيدا فيها عيوب مستفزه ومن الصعب انك تصلحها لو هيه فعلاً عيوب يعنى عندى مثلاً فى المطبات والشوارع المكسرة بلاقى العفشه عندى بتكركب وبتسمع فى الدركسيون ومش عارف ليها حل حتى الان كمان بعد اما روحت معاد الصيانه بتاعى الدركسيون تقل ومبقاش مظبوط زى الاول أنا غلبت مع العربية دى رغم انى بحبها

[ezzat1]

يا ريت لو فى حد عنده تجارب مع التيدا يشارك معانا لانى بفكر اشتريها ، يعنى تقييم موضوعى للعربيه بعد استخدمها و ايه هى العيوب فيها لو موجوده ، مع الشكر للمنتدى المحترم جداً

[astalavistaghost]

على فكره انا علشان اجيب عربيه قعدت اكتر من 9 شهور بأجرب كل العربيات اللى فى السوق فى حدود السعر اللى انا اقدر عليه و بصراحه التيدا اكتر واحده عجبتنى رغم ان كتير جدا بيقولو عليها شكلها وحش و بايخه و مافيهاش اوبشن كتير و حاجات كده بس انا ارتحت نفسيا و عقلانيا للعربيه
العربيا ناعمه جدا بس انا فوجئت بالمشكله بتاعة الفرامل دى و بعدين مش المفروض ان الفرامل تزحلق خالص ولا تعمل صوت دى abs يا عالم
و بعدين انا اول ما جيبتها اختبرت الabs و لاقيته كويس جدا فى المناطق الترابيه
يعنى اى حته تراب ممكن تفرمل فيها عادى و تلحقك الفرامل
انا محتاج اعرف بقه هو ده عيب فيها ولا ممكن يتصلح لو رحت التوكيل

[ahmad--ezzat]

دة عيب اسفلت وشوارعنا مش عيب عربيه.....

كل الناس اللى اعرفهم نفس الكلام..الصرخة دى...مع ان الزوايا تمام وخلافه....

وانا عندى نوبيرا نفس الكلام والنيسان برضه

[astalavistaghost]

كلام حضرتك مظبوت بس الكلام ده ينطبق على العربيات اللى مافيهاش abs لآن الصوت دا معناه ان العجله اتزحلقت على الأسفلت و ال abs ما اشتغلش او دا اللى انا فاهمه

[karaktar]

ايوه انا كنت فى توكيل السبع النهاردة سألتهم عن الموضوع ده وطلع مهندس معايا وجرب فعلاً سمع الصوت ده قاللى ده صوت ال abs لأنه بيخلى العربية تكلبش فى الارض فابيعمل الصوت ده

[astalavistaghost]

يا ريت تخلى بال حضرتك من حاجه و انت سايق
ان الفرامل ليها مرحلتين مرحله الabs مش بيشتغل اصلا و دى مع الضغطات الخفيفه و الأرض العاديه اللى مش ترابيه
و المرحله التانيه مع الضغط الشديد او المفاجئ و دا بيشتغل فيه ال abs و تحسه لما تحس بيه تحت رجلك أكن بدال الفرامل فيه اهتزاز شديد زى ما يكون ها يتفرتك تحت رجليك
فى المرحله التانيه انا معاك ان دا صوت ال abs لكن المرحله الأولى انا باسمع فيه الصوت بردو لما تكون شدة الضغطه ماتوصلش انها تشغل ال abs و انا متأكد ان ده صوت زحف العجل على الأرض اللى المفروض ال abs يمنعه
على العموم انا حاليه قربت على صيانة ال 5000 و ان شاء الله ها احاول اعرف السبب و اشوف مركز صيانه كويس اروحله و اسأل على الموضوع ده
و النتيجه ان شاء الله ها اقولهالكو
لكن يا ريت لو حد عنده نفس المشكله يشاركنا لأن انا حاسس ان ده عيب فى نوع الفرامل ال abs فى النيسان

[alhamza]

يا ريت تخلى بال حضرتك من حاجه و انت سايق
ان الفرامل ليها مرحلتين مرحله الabs مش بيشتغل اصلا و دى مع الضغطات الخفيفه و الأرض العاديه اللى مش ترابيه
و المرحله التانيه مع الضغط الشديد او المفاجئ و دا بيشتغل فيه ال abs و تحسه لما تحس بيه تحت رجلك أكن بدال الفرامل فيه اهتزاز شديد زى ما يكون ها يتفرتك تحت رجليك
فى المرحله التانيه انا معاك ان دا صوت ال abs لكن المرحله الأولى انا باسمع فيه الصوت بردو لما تكون شدة الضغطه ماتوصلش انها تشغل ال abs و انا متأكد ان ده صوت زحف العجل على الأرض اللى المفروض ال abs يمنعه
على العموم انا حاليه قربت على صيانة ال 5000 و ان شاء الله ها احاول اعرف السبب و اشوف مركز صيانه كويس اروحله و اسأل على الموضوع ده
و النتيجه ان شاء الله ها اقولهالكو
لكن يا ريت لو حد عنده نفس المشكله يشاركنا لأن انا حاسس ان ده عيب فى نوع الفرامل ال abs فى النيسان

ياريت صاحب الموضوع يقول هوا عمل ايه لان التيدا بتاعتي كمان بتعمل كده صوت صريخ في العجل عند الضغط علي الفرامل بطريقه متوسطه بين الشده(ايه بي اس) واللين بس الكلام ده حصل معايا بس وانا علي الاسفلت في الايام الحاره جدا في طريق سفر زراعي ومش في كل الاحيان انا حاسس ان شاء الله انه يكون عيب اسفلت زي مقال احد الاخوه وعلي العموم هجرب تاني واشوف

[MTAK]

على حد معلوماتى الضعيفه و اللى يمكن غلط "ارجو ان يصححها لى من يراها كذلك"
abs بتشتغل لما يكون فى فرق فى الضغط على الفرامل على الكاوتشات
يعنى الاربع كاوتشات ليسوا تحتهم نفس الخامة من الطريق لذا كلبشه كل عجله تختلف عن الاخرى
و هنا دور الاى بى اس
علشان كده بتحس ان الفرامل كنبضات
اما لو الاربع عجلات تحتهم نفس الخامة من الطريق
اظن ان الفرامل هاتبقى عاديه
---
شخصيا
معى التيدا من 2007
لو اسسفلت ناعم و باضرب فرامل العجله بتصفر على الاسفلت و لكن لم تصل الى مرحله انها تزحف
و بصراحه انا شايف ان دى حاجه طبيعيه
------------------------
ارجو ان يتم تصحيح اى معلومه غلط ذكرتها فتلك هى حدود علمى و انا بصراحه ماليش فى العربيات اوى

[alhamza]

على حد معلوماتى الضعيفه و اللى يمكن غلط "ارجو ان يصححها لى من يراها كذلك"
abs بتشتغل لما يكون فى فرق فى الضغط على الفرامل على الكاوتشات
يعنى الاربع كاوتشات ليسوا تحتهم نفس الخامة من الطريق لذا كلبشه كل عجله تختلف عن الاخرى
و هنا دور الاى بى اس
علشان كده بتحس ان الفرامل كنبضات
اما لو الاربع عجلات تحتهم نفس الخامة من الطريق
اظن ان الفرامل هاتبقى عاديه
---
شخصيا
معى التيدا من 2007
لو اسسفلت ناعم و باضرب فرامل العجله بتصفر على الاسفلت و لكن لم تصل الى مرحله انها تزحف
و بصراحه انا شايف ان دى حاجه طبيعيه
------------------------
ارجو ان يتم تصحيح اى معلومه غلط ذكرتها فتلك هى حدود علمى و انا بصراحه ماليش فى العربيات اوى

مش تصحيح بصراحه كلامك مقنع جدا بس انا كان معايا لانسر فيها اي بي اس ومكنتش بتعمل الصوت ده ابدا حتي والاسفلت خامه واحده ربنا يستر وميكنش عيب في الكاوتش

[astalavistaghost]

على حد معلوماتى الضعيفه و اللى يمكن غلط "ارجو ان يصححها لى من يراها كذلك"
abs بتشتغل لما يكون فى فرق فى الضغط على الفرامل على الكاوتشات
يعنى الاربع كاوتشات ليسوا تحتهم نفس الخامة من الطريق لذا كلبشه كل عجله تختلف عن الاخرى
و هنا دور الاى بى اس
علشان كده بتحس ان الفرامل كنبضات
اما لو الاربع عجلات تحتهم نفس الخامة من الطريق
اظن ان الفرامل هاتبقى عاديه
---
شخصيا
معى التيدا من 2007
لو اسسفلت ناعم و باضرب فرامل العجله بتصفر على الاسفلت و لكن لم تصل الى مرحله انها تزحف
و بصراحه انا شايف ان دى حاجه طبيعيه
------------------------
ارجو ان يتم تصحيح اى معلومه غلط ذكرتها فتلك هى حدود علمى و انا بصراحه ماليش فى العربيات اوى

كلام حضرتك مظبوط بس مع تغيير اسم التكنولوجيا
يعنى اللى حضرتك بتقول عليه ده طريقة عمل ال ebdمش ال abs ها اشرح لحضرتك اللى انا فاهمه و ياريت لو حد شايف ان انا غلط يصححلى
الفرامل ال abs اسمها بالعربى مانع الانغلاق يعنى بيمنع العجله من انها تصل إلى حالة السكون النهائى أثناء الضغط على الفرمله علشان ما يحصلش زحلقه
و بعدين الصوت اللى انا باسمعه ده معناه ان العجله اتزحلقت من على الأسفلت لكن مش بالقدر اللى يخلى العربيه تزحف او انا احس لكن بالقدر اللى يخلى الكاويتش يحتك مع الأسفلت فيطلع صوت الصرير اللى انا باسمعه
و بصراحه انا جربتها كتير جدا
أقول لحضرتط حاجه
فرمل فى حته تراب بس فرمله جامده هاتلاقى ان البدال بيهتز تحت رجلك زى مايكون بيتكسر فى الحاله دى الabs اشتغلت علشان تمنع ان العجله تقف عن التحرك فالعربيه تنزلق على الطرق الترابيه
ياريت تكون وجهة نظرى وصلت لحضرتك
اما بالنسبه لى انا فأنا لسه ما رحتش للتوكل مع ان العربيه وصلت معايا دلوقتى ل 7000 كيلو و معملتش غير صيانة ال 1000 بس و مش لاقى وقت اروح فيه اعمل صيانة ال 5000 فأجلتها لصيانة ال 10000 ان شاء الله و اول ما اوصل لنتيجه ها اقولكو عليها ان شاء الله

[حاتم فوزى]

السلام عليكم ورحمة الله وبركاته
هقولكم على شوية حاجات تعملوها ياجماعة وبعد كده نجرب
1-اظبطوا ضغوط الكاوتش امامى 33 والخلفى 30 (ملزوقة على القائم مابين البابين الامامى للسائق والخلفى) وياريت يكون فى التوكيل او فى محطة وقود محترمة وبلاش عدادات بتوع الكاوتش اللى الله يسامحهم
2-اظبط زوايا (يمكن اخذت مطب جامد او بلاعة لغبطت الزوايا ومنها تطمئن) بس ياريت يكون فى مركز معتمد
3-شوف الفيديوهات دى الاصوات اللى موجودة طبيعية

http://www.nilemotors.net/Nile/a/87467-a.html

[astalavistaghost]

انا مش بس مظبط الضغط بتاع الإطارات انا كمان مليته نيتروجين
و بردو نفس الأصوات زى ماهيه
و كمان الزوايا مظبوطه لأن انا تابعتها بره التوكيل من يومين
اما عن الفيديو مش بيفتح معايا بصراحه

[alhamza]

انا مش بس مظبط الضغط بتاع الإطارات انا كمان مليته نيتروجين
و بردو نفس الأصوات زى ماهيه
و كمان الزوايا مظبوطه لأن انا تابعتها بره التوكيل من يومين
اما عن الفيديو مش بيفتح معايا بصراحه

بالنسبه لموضوع النيتروجين ده انا كمان مليت نيتروجين بس بعدين واحد في مركز كاوتش وكده قللي ان الكاوتش العادي المفروض ميتمليش نيتروجين اللي يتملي نيتروجين الجنوط الاسبور بس هل الكلام ده صح