رابطة حاجزى الصنى

[youssef_sallam]

انا جاتلى فكرة ياجماعة و ياريت تقولولى رايكم فيها ؟؟ انا حاسس ان فى ناس كتير قوى حاجزة الصنى فكل واحد يكتب هو حجز موديل اية و لون اية و إمتى ومن اي موزع و إستلم ولا لسة علشان نحكم عليهم صح و نشوف الناس دية بتعمل اية .

بالنسبة ليا
انا حاجز يوم 21/9
مودرن موتورز المساحة - الدقى
صنى فضى - فرش اسود - مانيوال
لسة ماستلمتش



و انا موجود امبارح لقيت واحد بيزعق علشان حاجز من 15/8 ولسة ماستلمش 0 قولت لسة بدرى عليا قوىىىىىىىىىىىى

[loai-omar]

انا حاجز من 13-09

ودفعت كاش يوم 26-09

نيسان صني نبيتي اوتوماتيك exsalon

من مودرن موتورز الدقي

و لسه ماستلمتش :)

[youssef_sallam]

مع إحترامى ليك يا لؤي باشا بس تدفع كاش لية قبل ما تستلم ؟

[loai-omar]

والله يا يوسف دا قالي الاستلام بعديها على طول و بيني و بينك قلت انا مديهم فرصه لحد بكره و اهوه ربنا كريم
و ماعتقدش ان مودرن حاتنصب
بس بيقولي التسليم بكره

كنت عندهم النهارده و كان في صني فضي قالي لو عايز تخدها بس انا عايز النبيتي
و ربنا كريم

[sab3aawy]

انا فى اثناء متابعتى للمنتدى لاحظت ان محدش بيجيب سيرة السبع ، احد موزعى نيسان

انا اشتريت من عنده مرتين مرة لى فى مارس ومرة لعمى قبل رمضان مباشرة ومعاملتهم كانت ممتازة ، وقبل رمضان قالوا لعمى هنسلمك السيارة فى اسبوع وسلموهاله بعد يومين، لذلك انا اعتقد انه ممكن يكون احد الإختيارات الجيدة

[youssef_sallam]

شكلك استلمت يا لؤى علشان كده مش باين و واخدة كل واقتك (( مبروك عليك و عقبالنا ))
و ياريت يا سبعاوى باشا تقوللى السبع فين و ارقامهم اية و شكراا يا نيساوية مصر :mrgreen:

[Ashraf A.Kader]

انا اشتريت من السبع ناس فعلا محترمين جدا ;)

[youssef_sallam]

ياااااااااااااااااااااريتنى قابلتك يا اشرف قبل ما اقابل حد
ياريتنى حجزت من السبع بجد ( :-) :D :mrgreen:
بجد انا ندمان انى حجزت مع مودرن موتورز ناس مواعيدهم اى كلام و سهل عندهم انهم يدولك ميعاد و ما يعملوش حاجة و مش بيردوا على تليفونات ولا موبايلات العملاء بيطنشوا دايما علشان الصداع و كانو بيوعدوا الناس كلها و انا منهم بالإستلام قبل العيد و جية العيد و قالولنا بس اول اسبوع من بعد العيد حتستلموا و لحد دلوقتى كل يوم يا إما اكون سعيد الحظ و يردوا عليا او لازم اروح بنفسى علشان يقلولولى فوت علينا بكرة
و انا مجبر عليهم علشان انا دفعت فلوسى للبنك اللى حيخلص معاهم و لو حبيت اسحب الفلوس من البنك حيتخصم منى مبلغ محترم و لو حد يعرف يا جماعة حد عندة نيسان و بيتعامل مع بنك ناصر ياريت يقولى
و يا اشرف ممكن تقولى انت حجزت إمتى و إستلمت امتى و شكرا

[Ashraf A.Kader]

استاذ يوسف انا اشتريت كاش يوم 22 يونيو الماضي واستلمت في نفس الوقت واخدت جميع الاوراق في نفس اليوم
معلش اصبر حضرتك وانشالله خير

[loai-omar]

انا استلمت فعلا الصني سوداء و فرش بيج اوتوماتيك

بصراحه بسم الله ما شاء الله يا يوسف

اما بأه مودرن موتورز مش عارف اقولك ايه ولا ايه

انتو تعرفوا انا كنت حاجز النبيتي
وكل يوم يقولي تعالى بكره تعالى بكره

لحد ماقلت انا هاروح و اعمل مجنون :)
الكلام دا قبل الوقفه
المهم قالي مافيش نبيتي
قلتله انا مالي
عايز فلوسي او العربيه دلوقتي و كانت الساعة 10
قالي طب ثواني

طبعا الاستاذ تامر ايلي شغال هناك كان واخد اجازه اليوم دا عشان انا قلتله قبليها لو جيت و مالقتش العربيه موجوده مش هاسكت

قابلت استاذ محمد محرم و شخصية محترمة جدا

قالي طب ثواني و قالي في عربية سوداء

قلتله سودا سودا هاتهالي دلوقتي

وفعلا ساعه و جات و استلمتها

و اهوه قاعد بظبط فيها
بس الرخصة لسه ماطلعتش عشان انا تبع مرور القاهرة عين الصيره
رحت قالولي مافيش لوحات معدنية
المفروض تيجي بكره
ايلي هوا التلات انشاء الله 29/10/2007

و ربنا يسهل

معلش طولت عليكو بس كنت عايز افيدكو بتجربتي المريره مع مودرن

[youssef_sallam]

الف مبروك يالؤي
و فعلا تجربة زى الزفت بتاعت مودرن
بس الجديد دلوقتى عندهم مش تعالى بكرة لاية مرحلة دلوقتى طب كلمنى باليل او عدي عليا بالليل
حاجة فى منتهى قلت الزوق
بس انا مش حقدر الغى الحجز علشان انا تعافدت مع البنك خلاص مع المعرض ده و علشان اغير التعاقد مع فرع اخر حدفع تقريبا 1250 جنية
بس الظاهر التليفونات مش كفاية وانا للاسف شغلى يوميا لحد الساعة 7 مساء فمش بقدر اروحلهم كتير
بس ... انا كده من 21/9 لحد دلوقتى مستلمتش

[loai-omar]

الله يبارك فيك يا يوسف
ربنا يكون في عونك والله فعلا تجربة مودرن دي زي الزفت
مافيش تنظيم ولا احترام للكلام نهائي
الحمد لله انا خلصت
ورحت النهارده رخصت و علقت نمر اخيرا
عقبالك يا جو

[youssef_sallam]

انا استلمت فعلا الصني سوداء و فرش بيج اوتوماتيك

بصراحه بسم الله ما شاء الله يا يوسف

اما بأه مودرن موتورز مش عارف اقولك ايه ولا ايه

انتو تعرفوا انا كنت حاجز النبيتي
وكل يوم يقولي تعالى بكره تعالى بكره

لحد ماقلت انا هاروح و اعمل مجنون :)
الكلام دا قبل الوقفه
المهم قالي مافيش نبيتي
قلتله انا مالي

و اخيرا استلمت امبارح مع مودرن زفت موتورز الدقى
و ده بعد ما عملت مجنون و كام خناقة و صوت عالى و صدمت لما قالولى العربية جت خلاص
و الجميل انهم مكنوش عايزين يسلمونى العربية علشان الورق مش موجود و حيجي كمان يومين
ما علينا
المهم انها كانت تجربة مطينة مع ناس لا يحترمون الكلام و لا المواعيد
بس مع انى كنت فرحان ان العربية و صلت
إلا انى كنت حزين ان ده الحال مع موزع عربيات كبير و كان لازم ازعق علشان يخلصونى

[youssef_sallam]

عربية فعلا جميلة و ربنا يبارك للكل فيها
و العفشة مش ناشفة ولا حاجة مش عارف اتعدلت ولا انا اتعودت من التكسيات او عربيتى القديمة ( اكسنت )

[yahyanaabil]

تقريبا كل العربيات الجديده ناشفه انا لما ركبت اوكتافيا a4 كانت ناشفه وكان صاحبها بيشتكى من كده