صوت دبدبه في الصني

[princex1]

عندي صوت دبدبه ناحية الشمال بتبان بس على الطرق غير الممهده مع المطبات الصغيره
يدوب بسمعها لما القزاز يكون مقفول أكتر.
مع العلم انه على السرعات لحد 140 مفيش رجه و لا بتحدف و مالي نتروجين من شهرين
انا عامل 1800كم
انتظر صيانة 5000 ولا ؟؟؟؟

[WalidAdel]

الموضوع ده كان موجود عندي فعلا و الحمد لله راح لان الاستاذ سبعاوي نصح بعض الاعضاء في موضوع مفصل ليييييه ان الحكايه دي بسبب بوش في عليه الدريكسيون و في صاموله كده بنلفها ربع لفه بتتقل الباور شويه و تمتع صوت الدبدبه دي بس انا مش لاقي الموضوع الصراحه هو موجود هنا في منتدي نيسان و كمان بالصور علشان تعرف مكان الصاموله دي فين بالظبط علشان محدش يفتي فيها يعني

[princex1]

تمام ربنا يكرمك انا افتكرت الموضوع هو موجود باسم
صيانات نيسانى .....مش هتسمع عنها من حد تانى (موضوع مثبت)
الفقرة 3- ضبط ريجلاش علبة الديريكسيون
هجرب وربنا ييسر يطلع هو ده الحل بس على يوم الخميس او الجمعه ان شاء اللـــــــــــــــــه

[WalidAdel]

تمام ربنا يكرمك انا افتكرت الموضوع هو موجود باسم
صيانات نيسانى .....مش هتسمع عنها من حد تانى (موضوع مثبت)
الفقرة 3- ضبط ريجلاش علبة الديريكسيون
هجرب وربنا ييسر يطلع هو ده الحل بس على يوم الخميس او الجمعه ان شاء اللـــــــــــــــــه

هو كده تمام بس كان في موضوع مخصوص للفقره دي و الاستاذ سبعاوي كان جاب صوره لعلبة الدريكسيون و مكان الصاموله بالتحديد
بس المشكله ان فيه بعض الميكانيكيه لايعرف مكان الصاموله و كده و طبعا الفتي اللي موجود و حوارات كبيره
بس انا دورت لحضرتك علي الصوره ملقتهاش الصراحه اصل الموضوع ده من زمان اوي

[princex1]

انا نزلت تحت العربيه ولقيت الصموله ولكن
لونها مش نحاسى وده خلاني اتردد
ثانيا وجدت خط بوية على الصمولة سليم .يبدو انهم مشدوش حاجة في العربيه في صيانة الالف
قررت الانتظار حتى صيانة ال5000كم في السبع مع اني فقدت ثقتي فيهم صراحة
هل يؤثر تاخير ربط الصاموله ؟ انا بحاول اتعود عليها بس قلقان

اشكرك يا بشمهندس وليد واسف للتاخير

[WalidAdel]

لاياباشا ولا تاخير ولا حاجه عموما الصاموله دي علشان توصلها هيا سهله اوي ممكن من جنب الفرده الشمال بس عموما استني الصيانه احسن و مفيش ضرر منها خالص هو بس الصوت المستفز دا

[princex1]

الله يطمنك يا عم وليد

[eslamenan]

الدبه دى عندى بردو انا معايه نيسان 2009 وعامل بيها 1900 كيلو
هاحاول اشوف الصاموله لان الدبه دى فعلا مستفزه حتى لو مكنشى منها مشاكل
وكنت محتار فيها كنت لسه هابتدى ادور عن سبب المشكله
هاحاول كده وارد عليكم
م/ اسلام

[حاتم فوزى]

إطلب من مهندس الاستقبال فى الصيانه انه يرجلشلك علبة الدريكسيون
لانه مش بند من بنود الصيانة
ده بنعمله لما يكون فيه شكوى من رجرجة الناحية الشمال وصداها فى الطارة
بتحس بيها تحت رجليك ويستحسن لو تجرب معاه الصوت يمكن حاجة تانية سايبة

[princex1]

شكرا جزيلا

[eslamenan]

والله يااستاذ سبعاوى انا دورت علبى الريجلاش لقيت نظام الدركسيون من الموجه العام للسياره شكل الجريده المسننه
افتكرت علبه دركسيون مديه للعفشه
وطبعا مفيش اى صواميل واضحه ياريت يا استاذ سبعاوى توظح فين بالضبط مكان الصاموله
وهل علبه الدركسيون اتغيرت من الموديل القديم عن الموديل الجديد
وشكرا
م/ اسلام