انذار الصنى

[asnady]

الكل عارف ان الصنى مافيهاش انذار ضد الاهتزاز
الانذار اللى راكب حسب كلام المعرض انه بيشتغل مع محاولة تشغيل اليسارة بمفتاح مصطنع
يعنى ممكن واحد يكسر الازاز و يسرق كل اللى فى العربية براحته و محدش يحس (و دا حصل مع واحد اعرفه معاه نيسان صنى)
حد يعرف الانذار بكام فى التوكيل (خصوصا السبع لانى بتعامل معاه)
هو ظبط الحساسية بتاعه بيبقى سهل و لا بيتعمل مرة واحدة فى التوكيل و خلاص ؟
يعنى لو طلع حساس اوى و عايز اقلل الحساسية ممكن بنفسى و لا لازم اروح التوكيل ؟؟
و شكرا

[حاتم فوزى]

للأسف التوكيل مش بيوافق على تركيب جهاز الإنذار حتى لو عنده لأنه بينتج عنه مشاكل فى كهرباء السيارة عشان طبعا بيلعب فى الضفيرة وعشان كده تركيب الإنذار بيخرج العربية من الضمان حتى لو فى التوكيل

هقولك على حاجة
جرب طلع المفاتيح من الكونتاكت وسيب الزجاج بتاعك مفتوح واعمل لوك للابواب بالريموت او بالمفتاح وبعد 30 ثانية حاول تمد ايدك من شباك السائق المفتوح أصلا كأنك كسرته وإفتح الباب هتلاقى الكلاكس بيضرب والنور للإشارات بينور كأنه جهاز إنذار
إذا لاقيت ده كافىيبقا خير لو مش كافى ومحتاج أمان أكتر يبقا ركب جهاز الإنذار وهتتنازل عن الضمان وللعلم مفيش مركز معتمد هيركبلك الجهاز ده فهتضطر تروح لكهربائى وده بداية القصيدة

أنا شايف إنه جهاز الحماية مش كامل وأنا معاك يعنى لو هخلع علامة ولا بسرق طاسة ولا حاجة هيبقا ولا هو هنا مع نفسه مش بيصحا غير لما بكسر الزجاج وأفتح الباب من غير مفتاح .
نصيحة متركبش جهاز الإنذار وإقفل عربيتك كويس(زجاج وأبواب) حتى لو نازل تشترى حاجة وراجع على طول
ربنا يحفظك

[WalidAdel]

اضافه بسيطه لازم حضرتك تبعد بالريموت بتاع العربيه مسافه علشان الانذار يضرب لو فتحت الباب غير كده و الريموت جنب العربيه الانذار مش هايضرب خالص و حتة ان العربيه مش هاتدور من مفتاح نسخه لا هاتدور عادي انا عامل نسخه تالته للجراج و شغاله عادي (عن تجربه)

[حاتم فوزى]

شكرا للاضافة أخى/walidadel
بالنسبة للعمل بنسخة مفتاح أخر ده عادى
الكلام ده لو فيها ايموبليزر مش هتشتغل والصنى مش فيها ايموبليزر يعنى ممكن نسخة تالتة ورابعة لو حبيت

[sheeko00]

على فكرة ياجماعة يقال ان الصنى مفيهاش انذار اساسا والله اعلم واللى فيها دة سنتر بريموت بس

وهية مكتوب على الزجاج بتاع السواق ان فيها ايموبليزر وملصق لوجو بكدة على زجاج السائق ودة المفروض جهاز بيحمى العربية انها تتفتح بمفتاح مصطنع او تدور وتشتغل بمفاتيح غير الاصلية


وتقريبا الوكيل بيدخل العربية بدون الجهاز دة من برة او بيخدوة فالجمارك او.. او... او.. الله اعلم بس اللى اعرفة ان دة اسلوب غير لائق بالمرة نلصق لوجو ونكتب حاجة مش موجودة وانا مطلع نسختين مش نسخة واحدة من المفاتيح الاصل باخرى مقلدة وشغالة تمام والابواب والشنطة والكونتاكت شغالين تمام بس كان فى مفتاح اول مطلعتو مفتحش رجعتو للراجل صنفرو واشتغل يبقى فين الايموبليزر؟؟؟؟؟؟؟؟؟؟؟؟؟

[WalidAdel]

على فكرة ياجماعة يقال ان الصنى مفيهاش انذار اساسا والله اعلم واللى فيها دة سنتر بريموت بس

وهية مكتوب على الزجاج بتاع السواق ان فيها ايموبليزر وملصق لوجو بكدة على زجاج السائق ودة المفروض جهاز بيحمى العربية انها تتفتح بمفتاح مصطنع او تدور وتشتغل بمفاتيح غير الاصلية


وتقريبا الوكيل بيدخل العربية بدون الجهاز دة من برة او بيخدوة فالجمارك او.. او... او.. الله اعلم بس اللى اعرفة ان دة اسلوب غير لائق بالمرة نلصق لوجو ونكتب حاجة مش موجودة وانا مطلع نسختين مش نسخة واحدة من المفاتيح الاصل باخرى مقلدة وشغالة تمام والابواب والشنطة والكونتاكت شغالين تمام بس كان فى مفتاح اول مطلعتو مفتحش رجعتو للراجل صنفرو واشتغل يبقى فين الايموبليزر؟؟؟؟؟؟؟؟؟؟؟؟؟

تقريبا والله اعلم الملصق دا مش يتاع ايموبليزر
بس اللي انا ليسه ماجربتوش ان و جهاز الانذار شغال اجرب ادور العربيه و الريموت بعيد بردو و اشوف العربيه هاتدور ولا لأ
بس انا مافتكرش انها هاتدور يعني بس لما اجرب هابقي اقول يعني ايه اللي حصل

[samo999]

عن تجربة
النيسان بها انذار كاى انذار اخر فى اى عربية ولكن مفهاش حساس للاهتزازات ولو سيبت الزجاج مفتوح وقفلت الابواب ومديت ايدك تفتح الباب هتلاقى الانذار اشتغل

[alhamza]

عن تجربة
النيسان بها انذار كاى انذار اخر فى اى عربية ولكن مفهاش حساس للاهتزازات ولو سيبت الزجاج مفتوح وقفلت الابواب ومديت ايدك تفتح الباب هتلاقى الانذار اشتغل

انا معايا نيسان تيدا وزميلي معاه صني اي اكس 2009 الشكل القديم عملنا اللي حضرتك قلت عليه ومفيش حاجه حصلت يمكن علشان الريموت في جيوبنا علي العموم هنبعد الريموت ونجرب تاني يمكن يشتغل

[asnady]

immobilizer

بالنسبة للعمل بنسخة مفتاح أخر ده عادى
الكلام ده لو فيها ايموبليزر مش هتشتغل والصنى مش فيها ايموبليزر يعنى ممكن نسخة تالتة ورابعة لو حبيت

ما معنى اللوجو الموجود على شباك السائق
كمان البائع فى السبع مصر الجديدة (ا احمد الانصارى ) و دا راجل محترم جدا انا اثق فيه قالى ان العربيه بها امبوليزر (immobilizer)
فا ايه الكلام المظبوط ؟ انا عربيتى 2009 الشكل الجديد ex saloon

[حاتم فوزى]

الملصق على شباك السائق يرمز الى وجود جهاز حماية ضد السرقة مدمج بالسيارة وهو مايسمى NATS
Nissan Anti Theft System
وهو المختص باصدار صوت كلاكس عند كسر الزجاج وفتح الباب
لسه منزلش صنى فيها ايموبليزر مع احترامى للجميع

[sheeko00]

لك التقدير والشكر على المعلومة وعشان كدة احنا استفهمنا وانا جربت افتح الزجاج واستنى 30 ثانية لحد مالمبة الانذار تعمل فلاش

وفتحت العربية بايدى من مفتاح المسوجر يعنى lock الباب مش من مقبض الفتح من جوة العربية وفعلا عملت كلاكس الانذار بس انا مش شايف دة مش كافى لتأمين العربية بس لسة هحاول ادور والانذار شغال وبفكر اشترى انذار كان اسير موضوعة هنا فالمنتدى هجيب اللينك واستشيركو وهركبو فالسبع بامر الله

[Eng_Hazem]

طيب بالنسبة للImmoblizer فيه و لا مفيش ؟