مشكله في التكيييييف

[WalidAdel]

مش عارف لييييييه خير الله ماجعله خير كل لما اخد مطب جامد و بالذات ناحية اليمين وانا مشغل التكييييف الاقي صوت ظريف كده طالع من تحت التابلوه صوت زئير كده و لازم علشان يروح اطفي التكيييف و اشغله تاني زي ماتكون مروحه بس مره نزلت تحت التابلوه ماعرفتش اوصل لحاجه و كل ماروح للراجل بتاع التكيييييف الصوت مايظهرش ايدا
معلومه الصوت ثابت حتي مع اختلاف سرعات المروحه بمعني لو جايب سرعة المروحه علي 3 و الصوت ظهر يفضل الصوت موجود حتي لو جيبتها علي 2 او 1 لازم اقفل خالص

و شكرا مقدما للمهندس حاتم اللي اكيد هايرد علي السؤال الصعب دا

[حاتم فوزى]

ايوة ايوة بحب التثبيت ده ولو انى كنت ناوى اتخلى عنك لانك فكرت تروح لبتاع التكييف بس يلا قلبى الحنين.هههههههه
بص ياسيدى ده صوت البلاور بتاع التكييف ناحية اليمين وتحت درج التابلوه ممكن وانت ماشى البلاور(مروحة التكييف) شفط أسد من الشارع وإنت دلوقتى حابسه جوه فهو زعلان وبيقولك خرجنى وإنت مش فاهمه طبعا .اللى هنعمله دلوقتى إننا هنفك البلاور نخرج الأسد ده وبعدين ننظف البلاور ونركبه تانى وكله هيبقا تمام إن شاء الله شوف إنت فاضى إمتى وعدى عليا
فى إنتظارك

[WalidAdel]

ايوة ايوة بحب التثبيت ده ولو انى كنت ناوى اتخلى عنك لانك فكرت تروح لبتاع التكييف بس يلا قلبى الحنين.هههههههه
بص ياسيدى ده صوت البلاور بتاع التكييف ناحية اليمين وتحت درج التابلوه ممكن وانت ماشى البلاور(مروحة التكييف) شفط أسد من الشارع وإنت دلوقتى حابسه جوه فهو زعلان وبيقولك خرجنى وإنت مش فاهمه طبعا .اللى هنعمله دلوقتى إننا هنفك البلاور نخرج الأسد ده وبعدين ننظف البلاور ونركبه تانى وكله هيبقا تمام إن شاء الله شوف إنت فاضى إمتى وعدى عليا
فى إنتظارك

ياباشا اعدي عليك وقت ماتحب بس انا مش هاشتري سمك في ميه
حضرتك بتكلمني علي اساس اني عارف البلاور دا فين او بيتفك ازاي اصلا
حضرتك انا نزلت تحت التابلوه مفهمتش حاجه

ياربت بقي شوية معلومات كده علشان نظبط الاداء يعني

[حاتم فوزى]

1- اجزاء مكيف السيارة الميكانيكية ووظائفها :
يتكون جهاز تكييف السيارة من الاجزاء الميكانيكية الخمسة التالية

1- الضاغط: Compressor
يقوم الضاغط بسحب غاز مركب التبريد من المبخر ذوالمنخفض ويضغطه الى غاز ضغط عالى
ويكون موقعة امام ماكينة السيارة ويدار بواسطة سير منفرد او سير مشترك.
2- المكثف : Condenser
ويركب فى مقدم السيارة امام الردياتير حتى يتم طرد الحرارة من غاز مركب التبريد وتحويله الى سائل ذو ضغط عالى
3- خزان السائل :receiver dryer
يقوم بتخزين سائل مركب التبريد وتجفيفه فى نفس الوقت وتنقيته ايضا من الشوائب.
4- جهاز التمدد : Expansion valve
يقوم بتنظيم امرار الكمية المناسبة من مركب التبريد الى المبخر ويوجد منه نوعين :
أ- صمام التمدد الحرارى .
ب- انبوب التدفق الثابت كما بالشكل التالى
5- المبخر : Evaporator
عند تحول مركب التبريد من سائل الى غاز فانه يحدث تبادل حرارى بين المبخر والهواء المار عليه بواسطة المروحة التى تقوم بتدوير الهواء خلال كابينة الركاب .(ده سؤالك ياوليد)
ويركب المبخر داخل علبة من الفيبر باسفلها انبوب تصريف الماء المتكاثف من المبخر حيث تصرف خارج الكابينة جهة الماكينة(طبيييييييييييييعى ان العربية تنقط مياه) .

[حاتم فوزى]

الوحدة دى ورا درج التابلوه ياوليد وظيفتها إنها تقلب الهواء فى الكابينة أو تسحب شحنة جديدة من الخارج(عشان كده ممكن تشفط حاجة معاها زى ورق شجر مثلا) وتمرره على المبخر فيختلط الهواء اللى جاى من بره عن طريق المروحة بالغاز اللى طالع من المبخر فيطلعلك هواء ساقع
ودى دورة التكييف كلها.

[WalidAdel]

الوحدة دى ورا درج التابلوه ياوليد وظيفتها إنها تقلب الهواء فى الكابينة أو تسحب شحنة جديدة من الخارج(عشان كده ممكن تشفط حاجة معاها زى ورق شجر مثلا) وتمرره على المبخر فيختلط الهواء اللى جاى من بره عن طريق المروحة بالغاز اللى طالع من المبخر فيطلعلك هواء ساقع
ودى دورة التكييف كلها.

ياباشمهندس شاكرين لمجهودات سعتك والله

ان شاء الله انزل اعمل الموضوع ده ولو معرفتش ابقي ارووح للراجل بتاع التكييفات بقي يعملها هو و ابلغ حضرتك بالنتيجه ان شاء الله

[princex1]

كلام متين

[sheeko00]

شرح جامد جدا
انا لما بفتح الطابلوة بلاقى فية من فوق زى باب كدة او درج فوقية من جوة هوة دة اللى تقصدة ياهندسة

[WalidAdel]

الحمد لله امبارح اخت قرار اني لازم اشوف حل للموضوع ده بتاع التكيييف المهم فكيت الدرج بتاع التابلوه و قعدت احاول افك الجزي اللي في الصوره لكن حسيت اني مش هاعرف لان المكان ضيق و انا من اصحاب الوزن الثقيل فقولت هين قرشك ولا تهين نفسك و اخت العربيه و طلعت علي الراجل و فك الجزء هو المهم طلع ان الجزئ دا المفروض يكون في فلتر علشان التراب و كده مايخشش العربيه
فك المروحه و لقاها نظيفه طلع الموتور بتاع المروحه هو اللي في تراب كتير اوي تخبط عليييه كده ينزل تراب فغسله ببنزين و ركبه تاني مكانه و اشتغل تمام و مفيش اي اصوات و الحمد لله

[حاتم فوزى]

شكرا يابرنس...هوه ياشيكو تمام.....الحمد لله ياوليد

[aixer2002]

هل من الممكن تركيب فلتلر تكييف لتجنب المشاكل دى فى مركز الصيانة و تكلفتها حتكون كام؟؟

[aixer2002]

هل يمكن تركيب فلتر للمكيف لحل المشاكل دى ويا ترى تكلفته كم فى مركز الصيانة؟؟