ايه رأيك ب صنى اوتوماتك موديل 2001- 2003

[mostafassy]

يا جماعه انا عايز اجيب صنى اوتوماتك 2001-2003

ايه رأيكم فى العربيه دى

من حيث التكييف و الثبات و الاوتوماتك و اسعار قطع الغيار الاصليه و الصيانه لازم جوا التوكيل ولا ممكن بره

و الموديل ده يسوى كام فى السوق عشان انا نازل السوق الجمعه دى و نفسى يبقى عندى فكره كويسه عن العربيه دى

الموتور انجكشن ولا كاربيراتير ؟؟؟

شكرااااااااااااااا

[حاتم فوزى]

التكييف تلاجة
الثبات زى الفل
الاوتوماتيك مفيهوش مشاكل
قطع الغيار قريبة من أسعار الموديلات الحديثة لنيسان صنى ومتوفرة
نصيحة مهمة جدا :أول ماتجيب العربية وقبل ماتشترى إطلب من المالك إنكم تروحوا
مركز خدمة معتمد وإطلب كشف كامل على العربية وبعدها هتقدر تحدد تشترى ولا لا
إطلب تقيس كبس الموتور وكمان حطها على جهاز الكمبيوتر بتاع المركز وكشف شامل على العفشة
كل ده هيكلف حوالى 150 جنيه
سعر العربية من 50-60 ألف على حسب حالتها وده مش عن خبرة ده عن مناقشات بسيطة مرات
متكررة مع اصحاب السيارات دى

مشكلتى الوحيدة مع العربية إنى بحس إن سحبها ضعيف شوية بجيب الدواسة الارض وبيبقا سحبها ضعيف بس يمكن عشان هى 1300 سى سى وأنا رجلى إتعودت على ال 1600 سى سى
بس أنا معايا تويوتا موديل 92 و1300 سى سى وماشاء الله سحبها تمام

مبروك مقدما وربنا يوفقك للى فيه الخير ومتنساش الاستخارة

[mostafassy]

الف شكر يا باشا
بس هى مركز الخدمه بتاعها فين؟؟؟
و بعدين الموتور انجكشن ولا كاربيراتير
و لو عندك اى فكره عن اسعار قطع الغيار يا ريت تقولى
شكرااااااااااااااااا

[حاتم فوزى]

أنا أعمل مهندس إستقبال بمركز خدمة السبع بزهراء المعادى بجوار نادى وادى دجلة
السبع:زهراء المعادى-بجور نادى وادى دجلة
ت:0100050700

ودى مراكز تانية لو حبيت

http://www.nilemotors.net/Nile/161-a.html

الموتور انجيكشن

أسعار قطع الغيار قريبة من هذه

http://www.nilemotors.net/Nile/24263-a.html

[sheeko00]

السلام عليكم

مبروك مقدما لشرائك نيسان

بالنسبة للنيسان ابتداء من 2001 حتى 2003 شكلها اتغير بالكامل والموتور اصبح انجكشن وهى تقفيل يابانى الى 2005 وبعد الاقاويل الى 2003

شكلها من الامام يشبة موديلات من 2004 الى 2008 الى حد ما ولكن تختلف من الخلف ولكنها نفس الصالون تقريبا مع اختلافات طفيفة والموتور 1300 cc و2003 الخليجى لو لقيتها موتورها 1600 cc نفس موتور ال 2004 الى 2008 1600cc مع زيادة ابعض النواكل على الشنطة والابواب والفوانيس والاتوماتيك والثباتوالتكييف تمام


بس انت لو قارنت الاسعار مبينها ومابين موديلات 2004-2005-2006

متقاربة جدا مع فارق الموتور بدلا من 1300 , 1600 وكمان الشكل الجديد مثل شكل 2008 ودة هيبقى ميزة فبيعها وكدة تكنولوجيا احدث خصوصا ان اسعار قطع الغيار متقاربة جدا من الجديد لان قطع الغيار واحدة فأغلب الاجزاء ودة ميزة فالعمر والتوافر وعيب فالسعر لانى مش هعوض المصاريف دى فبيعها

وحجة اصحاب موديلات من 2001:2003 ان تقفيلها يابانى ودة كفايا لان عندك فرق استهلاك وفرق موتور وفرق تكنولوجيا ودة بيرجع طبعا لحالة العربية وانصحك بالكشف على العربية كما نصحك اخونا سابقا

واخيرا مكسبك الحقيقى هو شرائك سيارة نيسان ومراكز خدمة ممتازة وعلى راسهم السبع ممتازة وتعارفك على اعضاء نايل موتورز النيسانيين

[mostafassy]

الف الف شكر يا رجاله