عندي كام سؤال عن الصني :)

[eng_mmm]

بالنسبة للصني ex salon الشكل الجديد 2009 automatic

1- سعرها وصل كام ؟

2- إيه أحسن مكان اشتريها منه في القاهرة , من ناحية الخدمة والمعاملة والالتزام وكده ؟

3- هل فيه مكان ممكن بيساعد في تخليص اجراءات المرور ؟

4- غالبا حاستلم في خلال اد إيه لو حادفع كاش؟

5- إيه كل الحاجات اللي المفروض استلمها مع العربية زي شنطة العدة والكتالوج وكده يعني ؟

6- إيه أهم الحاجات اللي اختبرها وانا باستلم العربية ؟

وشكرا مقدما

[eng_mmm]

مش لازم الإجابة على كل الأسئلة , أي حد يعرف أي سؤال يبقى جزاه الله خيرا

[كابوس الليل]

1- سعرها وصل كام ؟
معرفش الصراحة

2- إيه أحسن مكان اشتريها منه في القاهرة , من ناحية الخدمة والمعاملة والالتزام وكده ؟
التوكيل
3- هل فيه مكان ممكن بيساعد في تخليص اجراءات المرور ؟
لو معاك وسطة
4- غالبا حاستلم في خلال اد إيه لو حادفع كاش؟
معرفش:b4_611:
5- إيه كل الحاجات اللي المفروض استلمها مع العربية زي شنطة العدة والكتالوج وكده يعني ؟
الاستبن تقريبا يعنى
6- إيه أهم الحاجات اللي اختبرها وانا باستلم العربية ؟
طبعا تشغل العربية قدام الى حيسلم العربية
تشغل الكاسيت وكل الانوار تتاكد انها شغالة والاشارات وتتاكد ان كل سماعة شغالة وتقتح كل حتة فى العربية تبص فيها الشنطة والابواب

ولحد ما تعمل صيانة الالف ...... متقرصش على العربية وعاملها بحنية ومتزودش السرعة عن 100 ومدوسش على البنزين بدون مشى يعنى وانت واقف كدة وحبيت تسمع صوت العربية متعملهاش كتير وانت لسة فى اول 1000 كيلو
واى حد يقولك متشغلش التكيف اول الف كيلو متصدقهوش لان التكيف عادى فى تلين العربية....


وشكرا

[أحمد علاء]

بالنسبة للصني ex salon الشكل الجديد 2009 automatic

1- سعرها وصل كام ؟
انا شاريها فيها ABS ب 93,000 منذ شهرين تقريبا . اعتقد الأن رفعوا الخصم بعد معرض اوتوماك وهتبقى ب 96 الف
2- إيه أحسن مكان اشتريها منه في القاهرة , من ناحية الخدمة والمعاملة والالتزام وكده ؟
احسن مكان واحسن معاملة وإلتزام هو السبع(طبعا من وجهة نظري وتجربتي الشخصية مع أكثر من مكان)موجود في شارع الحرية في مصر الجديدة -اسأل عن م/احمد عادل ده شاب ممتاز بارك الله فيه

3- هل فيه مكان ممكن بيساعد في تخليص اجراءات المرور ؟
السبع عندهم شخص مسئول وخدمة مجانية للعميل

4- غالبا حاستلم في خلال اد إيه لو حادفع كاش؟
حسب اللون والموديل والمتاح انا لقيت عربيتي جاهزة دفعت واستلمت

5- إيه كل الحاجات اللي المفروض استلمها مع العربية زي شنطة العدة والكتالوج وكده يعني ؟
شنطة عدة+كتالوج التشغيل-كتيب الضمان-وش الكاسيت بالعلية-ضمان البطارية والكاسيت-الإستبن-الطاسات-السبع بيعطوا شماسة و دواسات وكتيب فيه 1000جم تستهلك في الصيانات بمعدل 50ج لكل صيانة بداية من 5000كم(صيانة الألف مجانية المصنعيات)

6- إيه أهم الحاجات اللي اختبرها وانا باستلم العربية ؟
تأكد من عمل جميع الوظائف والمفاتيح وراجع على الدهانات والتكييف وخد وقتك خالص

بالتوفيق إن شاء الله

وشكرا مقدما

[kmahmoud]

بصراحة مش لاقي حاجة تاني اقولها بعد اللي قالوه اخوانا الافاضل غير اني اقولك
ربنا يبارك لك مقدما

[abo_hosam510]

اريد شراء نيسان صنى او شفر اوبترا او بروتون بيرسوانا اريد النصيحة من الاصدقاء وما الفرق بينهم

[كابوس الليل]

اريد شراء نيسان صنى او شفر اوبترا او بروتون بيرسوانا اريد النصيحة من الاصدقاء وما الفرق بينهم

حضرتك اتفرج فى منتديات نيسان وشيفى و بروتون وانت حتعرف اجابات سؤالك