لـمـاذا ؟

[bmya]

يا جماعه ماشي الفرامل زي الفل مقولناش حاجه بس الabs ده له استخدامات تانيه وظروف تانيه الفرامل العاديه متنفعش فيها
ولا برده هتقولولي ان الABS ملوش لازمه وانه اشتغاله زي اخوانا في قسم تويوتا ما بيقولوا علي الايرباجز اشتغاله وملهاش لازمه ههههههههههههههههه
بهزر بس حاجه تضايق فعلا لما يشيلوه منها عشان ينزلوا في الموديلات الجديده

[sab3aawy]

مجموعة من التعليقات السريعة:

1- الabs فايدته الاساسية بتظهر فى الطرق الزلقة وفى فرامل الطوارئ التى قد تصرخ فيها الاطارات لو مافيش abs لكن فى ظروف الفرملة الغير طارئة امكانياته لا تظهر نهائيا

2- السيارة فى موديلات 2006 و 2007 كانت نازلة علشان تنافس السيارات الكورى اللى مكانتش مزودة بمثل هذة الكماليتا ، وحتى كمان مكانش فيها اير باجز فتميزت عنها الصنى بالإيرباجز
3- اللى غير سياسة نيسان فيما يتعلق بموضوع الabs هو ان معظم السيارات المنافسة فى فئات سعرية مقاربة اصبحت متاحة بهذة الكماليات، وبالتالى فان السوق والمنافسة هى اللى بتحكم ليه يحطوا الحاجات دى او ليه ميحطوهاش، زى مثلا لو رجعنا زمان شوية كانت سيارات اوائل التسعينات التكييف فيها اوبشن ممكن تاخده وممكن لأ، وسيارات الثمانينات كانت بعضها بينزل من غير سيرفو للفرامل وبعد سنتين او تلاتة تنزل نفس السيارة بالسيرفو، السوق هو اللى بيحكم

4- انا لست من انصار تعديل السيارة ، وخاصة فى بند حياه او موت مثل الفرامل، لا داعى اطلاقا ان تضع نفسك تحت رحمة حساس استيراد بيعلق او سلك ضفيرة الاسطى ابراهيم نسى يلف عليه شيكرتون ولمس ارضى فى جسم العربية او ماسورة فرامل الاسطى سيد محرقش عليها كويس وجابت زيت، خليك مع تقفيل المصنع احسن

[fady_anis]

متشكر جداً يا استاذ سبعاوى على رأيك وفعلاً عندك حق فى كل نقطه اشارت لها

[mohamedbook]

سالت مرة في التوكيل عشان اركبة
قال مهندس الصيانة مينفعش
نيسان صني 2008