تغيير مقاس االكاوتش لهوندا سيتى 2007

[Yanouk]

السادة الأعضاء الأجلاء أهل الخبرة،
عربيتى هوندا سيتى موديل 2007 أوتوماتيك بمحرك 1500 سى سى. حضراتكوا عارفين إن العربية بتنزل بجنوط سبور مقاس 6 بوصة على ما أتذكر وكاوتش 185/55. مشكلتى هى فى مقاس الكاوتش إللى للأسف مش مناسب لطرقنا الأكتر من رائعة فى مصر واللى مليانة حفر وبالوعات مفتوحة فى شوارع ضلمة، أنا آسف إنى بالمس وتر حساس يعنى.

المهم بسبب تغيير الكاوتش أكتر من مرة نتيجة إنه بيجيب سلك بعد كل بالوعة أو حفرة يدوس فيها فكرت أغير بكاوتش مقاس أكبر، أكبر فى الإرتفاع وكمان أكبر فى العرض علشان يعوض الثبات شوية نتيجة رفع مركز ثقل العربية عن الأرض إللى هيؤدى لتقليل الثبات على الأرض.

لما سألت تاجر كاوتش قال لى إن المقاس المناسب هو 195/55 وكانت وجهة نظره إن لو عرضت أكتر من 195 ده هيدى إحساس إن العربية أنشف فى المطبات وأثناء المشى وكمان ممكن يؤثر على العفشة، وإنى لو زودت عن ال 55 إرتفاع بتاعة ال 195 العربية هتعوم منى. صحيح ال 55 فى ال 195 أعلى سنة من ال 55 فى ال 185 بس أنا بيتهيألى إن ده إرتفاع مش كافى علشان يعالج مشكلتى.

سؤالى لأهل الخبرة والمعرفة من الإخوان الأعزاء هو هل فعلاً أنا ما أقدرش أزود عن 195 فى
عرض الكاوتش و عن 55 فى الإرتفاع؟ ويا ترى ما هو المقاس المناسب لو عايز أزود عرض x إرتفاع؟

راجياً سرعة الرد وللجميع منى جزيل الشكر مقدماً وخالص التحية؛

سامى

[Ahmed Hassan]

الهوندا السيتي ال ١٥٠٠ الجنط بتاعها ١٥ بوصه

انا مش عارف مقاس الكاوتش الاصلي بتاعك كام... بس فعلا الكاوتش لو ١٩٥/٥٥ اعلى من ١٨٥/٥٥ بس المهم العربيه تستحمل عرض قد ايه من غير ما تخبط في العفشه او جسم العربيه نفسه. هوه المقاس اللي عندك ده الاصلي بتاع العربيه؟

[Hosam_Optrawy]

مقاس ( قطر ) الجنط كام بوصه ؟

14 , 15 ؟

[Yanouk]

الأستاذ "Ahmed Hasan" والأستاذ "Hosam Optrawy" أشكركم على سرعة الرد. مقاس الجنط الأصلى 15 بوصة قطر x 6 بوصة عرضة جنوط سبور، ومقاس الكاوتش الأصلى 185 عرض x 55 إرتفاع من سطح الأرض وحتى حافة الجنط.

خلينا نفرض إن تجويف العجل يسمح بأى حاجة، أقصى عرض كاوتش ما يأثرش على العفشة ونعومة العربية ممكن يكون إيه؟ وأقصى إرتفع للكاوتش من سطح الأرض وحتى حافة الجنط من غير ما يأثر على ثبات العربية (ماتعومش يعنى) ممكن يكون إيه؟ مع ملاحظة إن ال سيتى 2007 عربية عالية عن الأرض بس بصراحة ثابتة وعمرى ما حسيتها بتعوم منى رغم إنى عديت بيها 170 كم فى بعض الأحيان.

وأشكركم من جديد على مساعدتكم ومعلوماتكم القيمة.

[Ahmed Hassan]

الأستاذ "Ahmed Hasan" والأستاذ "Hosam Optrawy" أشكركم على سرعة الرد. مقاس الجنط الأصلى 15 بوصة قطر x 6 بوصة عرضة جنوط سبور، ومقاس الكاوتش الأصلى 185 عرض x 55 إرتفاع من سطح الأرض وحتى حافة الجنط.

خلينا نفرض إن تجويف العجل يسمح بأى حاجة، أقصى عرض كاوتش ما يأثرش على العفشة ونعومة العربية ممكن يكون إيه؟ وأقصى إرتفع للكاوتش من سطح الأرض وحتى حافة الجنط من غير ما يأثر على ثبات العربية (ماتعومش يعنى) ممكن يكون إيه؟

وأشكركم من جديد على مساعدتكم ومعلوماتكم القيمة.

لو افترضنا ان التجويف يسمح.. يبقى هات ١٩٥/٥٥/١٥

المقاس ده هيزودلك حوالي ٥ ملم في ال side wall بتاع الكاوتش (ارتفاع العربيه هيزيد كمان) و العداد قرايته هتقل عن الواقع... يعني لو العداد قاري ١٠٠ كم/س يبقى انت ماشي ١٠٢ كم/س

بس قبل كل ده.. انت متأكد ان العيب مش من نوع الكاوتش او سواقتك؟

[Yanouk]

أشكرك أستاذ أحمد،
أنا دايماً باستعمل كاوتش Bridgestone يعنى زى إللى جاى مع العربية من مصنعها. أما عن سواقتى فأنا عاقل فى سواقتى والحمدلله، المشكلة فى الطرق إللى بامشى فيها (مدينة نصر والقطامية والدائرى وهكذا) إنت حضرتك عارف حالة الطرق وعارف القلة الصيانة والإهمال إللى بتعانى منه الطرق فى مصر ودى حاجة أكيد إنت نفسك بتعانى منها. طرقنا هى إللى أثبتت فشلها مع الكاوتش الواطى إللى هو فى الحقيقة إتجاه ومطلب فى دول الخارج لأنه بيوفر ثبات أكتر وأمان أكتر لأكتر من سبب.

[Ahmed Hassan]

أشكرك أستاذ أحمد،
أنا دايماً باستعمل كاوتش bridgestone يعنى زى إللى جاى مع العربية من مصنعها. أما عن سواقتى فأنا عاقل فى سواقتى والحمدلله، المشكلة فى الطرق إللى بامشى فيها (مدينة نصر والقطامية والدائرى وهكذا) إنت حضرتك عارف حالة الطرق وعارف القلة الصيانة والإهمال إللى بتعانى منه الطرق فى مصر ودى حاجة أكيد إنت نفسك بتعانى منها. طرقنا هى إللى أثبتت فشلها مع الكاوتش الواطى إللى هو فى الحقيقة إتجاه ومطلب فى دول الخارج لأنه بيوفر ثبات أكتر وأمان أكتر لأكتر من سبب.

انا معاك ١٠٠٪ و انا شخصيا مبوظ كاوتش قبل كده بس انا المقاس عندي ٢١٥/٤٥/١٧

يعني ارتفاع الكاوتش اوطى من المقاس اللي عندك و فعلا لاحظت ان فيه انواع كاوتش بتستحمل الطرق السيئه اكتر من غيرها و حتى من نفس الماركه فيه موديلات بتستحمل اكتر من غيرها

[Yanouk]

الحقيقة دى معلومة ما كنتش واخد بالى منها. هل فيه إمكانية ترشحلى ماركة وموديل يستحمل سوء الطرق عندنا؟ أنا خلاص هاجيب 195/55/15 v علشان السرعات العالية جداً - برضه طمعاً فى ثبات أكتر على الطريق - ومش هازود عن كده علشان ما يسببش نتايج سلبية على العربية. لو أمكن تنصحنى بماركة وموديل كاوتش أكون ليك شاكر وممنون وجزاك الله كل خير.

سامى

[Ahmed Hassan]

الكاوتش اللي انا مجربه و استحمل المطبات هوه kumho ecsta ku15

عرض الجنط عندك ٦ بوصه يعني عادي انه يشيل كاوتش عرضه ١٩٥
بالمقاس الجديد مساحة سطح التلامس بين الكاوتش و الارض هيزيد و ده معناه تماسك اكبر. من ناحيه تانيه العربيه هتعلى و ده معناه زياده في ارتفاع مركز ثقل العربيه و ده معناه استجابه اقل للتوجيه على السرعات العاليه. مجموع العاملين دول على بعض معرفش نتيجتهم الكليه ايه على الثبات الكلي للعربيه بس في اسوأ الاحوال لو كان سلبي فهيكون بدرجه بسيطه.

يا ريت تطمنا عملت ايه و النتايج ايه

[Yanouk]

أنا أحب أحييك أولاً على كلامك العلمى وأحب أشكرك على إستجابتك ونصيحتك ومعلوماتك القيمة. أنا يمكن أغير فى خلال الأسبوع ده هاتابعك بالمستجدات والنتيجة. أشكرك بكل صدق وأتقدم لك بخالص إحترامى وتقديرى.

سامى فرحات

[Hosam_Optrawy]

زى ما استاذ أحمد حسن قاللك

المقاس دا مناسب هايزود سمك الكاوتش 6 مللى وهايعللى العربيه حوالى 1.1 سم

والنوع اللى قاللك عليه برضه كويس

بس انا عندى سؤال لاستاذ أحمد حسن

انا ان شاء الله برضه ناوى اغير الكاوتش وهاجيب نفس المقاس وكومهو برضه

ودورت على النت و لقيت موديلات كتير

أفضلهم اسمه

Kumho Ecsta SPT ku 31

وفى نوعين تانيين كويسين برضه

Kumho Ecsta LX Platinum ku 27

Kumho Ecsta ASX ku 21

معندش فكره الانواع دى موجوده ومتوفره فى مصر ولا لأ ؟

[Yanouk]

شكراً أخى Hossam Optrawy على الرد والمعلومة. أنا كمان باضم سؤالى لسؤالك، حيث إن الـ ECSTA بيندرج تحته كذا طراز بمواصفات مختلفة. وبازود إستفسار عن المورد المرشح لأنى ما استعملتش إطارات Kumho قبل كده. وشكراً مقدماً للأستاذ Ahmed Hassan على الرد.

[Ahmed Hassan]

انا سمعت عن ال ku 31 من صديق شغال في الكاوتش قاللي ان ده موديل بدأ توزيعه مؤخرا و المفروض انه كويس (انا شخصيا معرفش و مجربتوش) تجربتي تنحصر في ku 25 و ده سيء في المطر و مش بيستحمل المطبات... و ku15 و ده صوته عالي لكن تماسكه ممتاز و بيستحمل المطبات.

بالنسبه للموزعين في القاهره فللأسف معرفش لأني بجيب من بورسعيد

[Hosam_Optrawy]

انا سمعت عن ال ku 31 من صديق شغال في الكاوتش قاللي ان ده موديل بدأ توزيعه مؤخرا و المفروض انه كويس (انا شخصيا معرفش و مجربتوش) تجربتي تنحصر في ku 25 و ده سيء في المطر و مش بيستحمل المطبات... و ku15 و ده صوته عالي لكن تماسكه ممتاز و بيستحمل المطبات.

بالنسبه للموزعين في القاهره فللأسف معرفش لأني بجيب من بورسعيد

ku 31 دا موديل حديث نزل مؤخرا وتقييمه على النت حلو اوى واسمه Ecsta SPT وأفضل اداء ليه فى الصيف

وييجى بعده ku 27 واسمه LX Platinum

الاتنين دول ممتازين فى ال handling وصوتهم مش مزعج خالص وأكثر راحه

ييجى بعدهم ku 21 و kh 16 و kh 15

[Yanouk]

ku 31 دا موديل حديث نزل مؤخرا وتقييمه على النت حلو اوى واسمه Ecsta SPT وأفضل اداء ليه فى الصيف

وييجى بعده ku 27 واسمه LX Platinum

الاتنين دول ممتازين فى ال handling وصوتهم مش مزعج خالص وأكثر راحه

ييجى بعدهم ku 21 و kh 16 و kh 15

أنا فعلاً من خلال إستعراضى للمةديلات على النت عجبنى ال ku33 وبعد منه ال ku31 وسألت بعض الموزعين بس ما لقيتش ال ku33 ولقيت ال ku31 موجود عندهم بسعر بين 310 و 315. لكن السؤال هو، هل تصميمه يستحمل حفر شوارعنا ومطباتها؟ كلام الأخ أحمد سليم بخصوص ال ku15 من حيث قدرته على التحمل لكن مشكلته الضوضاء. كمان لقيت ال ku17 وده قريب من ال ku15 من حيث التصميم. حاجة تحير والله رغم إن كلهم rated under Ultra High Performance rubber tyres..!!