ناوى اشترى سيفيك الجيل الرابع (88_91)برجاء الافادة

[m_samy2008]

بسم الله الرحمن الرحيم
انا لسة عضو جديد نوفى فى المنتدى اسمى محمد سامى وبفكر ان شاء الله اشترى سيفيك الجيل الرابع(1988_1991)لأنها بصراحة عجبانى كشكلا وكامكانيات كمان وفكرت فيها كعربية يابانى على قد فلوسى بيلا عن الهيوندالى او اى عربية قديمة بنفس القيمة بس أنا دخلت دورت فى الأرشيف فى المنتدى مالقيتش معلومات كافية عنها.فأرجوكم اللى يعرف معلومات عنها يدلنى أجيبها مانيوال ولا أوتوماتيك وهل الاوتوماتيك بيبوظ ولا كويسوالفرق بين السيدان فيها والهاتشباك وهل قطع غيارها متوفرة استيراد ولا جديدة ومتوفرة اصلا ولا لأ.ومن خلال بحثى فى المنتدى شوفت مشاركات ناس كتير عندهم خبرة جامدة فى الهوندا زى الأستاذ محمد الشامى والأستاذ Tmedhat والاستاذ أحمد shaft .وبرجو منكم الاهتمام والرد على استفسارى وياريت معلش لو فيها بواخة حد يدينى رقم تليففونه استفهم منه اكتر.وشكرا

[ahm128]

انا شخصيا امتلك هذا الموديل (موديل 91) لمدة 10 سنوات وبيعتها من سنة بالضبط وكانت جميع الكماليات كهرباء بما فى ذلك فتحتة السقف والمرايات - السيارة ادئها ممتاز عملت بيها اكتر من 200 الف كيلوا وكانت لازال المحرك والفتيس بحالة ممتازة صاج واكصدامات اقواى بكثييييييييييييييير من السيارات الحديثة قطع غيار متوفرة جدددددددددا بأسعار معقولة جدا ولها بدائل بأسعار اقل هى بس واطيه شوية وده انا مكنتش بعانى منه واعرف انها ممكن تعلى

[m_samy2008]

ايه ياجماعة رد واحد بس.انا عايز حد يفيدنى اجيبها مانيوال ولا اوتوماتيك.فى ناس بتقولى هاتها مانيوال علشان الهوندا مواتير وعربية بتجرى ولو جبتها اوتوماتيك هتكتمها,وفى ناس بتقولى هاتها اوتوماتيك علشان زحمة القاهرة وانتو ادرى بالزحمة طبعا وبالتالى ده هيأثر على الاسطوانة والديسك والذى منه لكن الاوتوماتيك مريح وهيريحك.ده الكلام اللى اتقالى.بس هل الاوتوماتيك بتاعها كويس ؟فلو سمحتم حد يفيدنى فى الموضوع ده

[mr_x_007]

انا كمان ناوي أجيب واحدة سيفيك موديل 1991 و كنت هسأل نفس الأسئلة ياريت حد يرد علينا في اسرع وقت من فضلكم و ايه عيوب ان السيارة تكون رشة برة ؟؟؟؟؟؟؟؟؟؟

[refaat78]

توكل على الله

العربيه دى من احسن العربيات اللى نزلت للهوندا وكل حاجه فيه اكهرباء عيبها الوحيد انها واطيه شويه بس غير كده عربيه هايله

[kaboo4]

العربيه دى بجد ممتازة و احسن ما انتجت هوندا عربيه عمليه و بتستحمل بس اهم حاجة الحاله الممتازة و دى ندرة جدا بس لو لقتها متفوتهاش و على فكرة الحالات النادرة بتوصل ل40000

[ahmadtaha]

السلام عليكم،
في رأيي هذه السيارة ممتازة، أنا أملك واحدة مو89 فيها كل الكماليات بفتحة سقف، معايا بقالها أربع سنين، عيبها الوحيد بالنسبة لي إني مش لاقيلها درج تابلوه جديد بدل المكسور، يمكن عشان أنا مبنزلش الحرفيين:)
يعني ممكن تلاقي مشكلة في المكونات الداخلية لاكن أي حاجة تانية متوفرة وبسعر معقول، الموتور والفتيس الأوتوماتيك والباور إستيراد، غير كدة أنا لقيت كل حاجة جديدة بما فيها الكبوت والشنطة والرفارف والإكصدامات والفوانيس وكل حاجة في الفرامل وحتى تنك البنزين.
أهم حاجة إتأكد من حالة سلامة جسم السيارة وخلوها من البارومة.
الموتور(D15B3) كاربراتير حوالي 98 حصان ( 72KW عند 6250RPM) وعزمه حوالي 123 نيوتن/متر (12.5Kg/m عند4500RPM) والفتيس الأوتوماتيك أربع سرعات والموديل اللي بعد كدة 90/91 نفس الموتور لكن الفتيس فيه محول عزم بيشتغل خلال النقلة الرابعة بتحس كأن فيها نقلة خامسة.

هي الصراحة فيها عيب كبير أوي، إنها بتخليك تحبها ومتستريحش في أي عربية تانية:)

لو عايز أي معلومات عن ورش صيانة فيها ناس بتفهم أو محلات قطع غيار أنا ممكن أفيدك بإذن الله.