قطع الغيار (السيفـك)

[besho art]

مرسى يا جماعة على تعبكم جدااااااااااااااااااااااااا معايا
انا رسيت على هوندا سيفيك مو 92 اتوماتيك كاملة
ياترى ايه اخبارها فى البنزين
وفى قطع الغيار واسعارها وتوافرها ودا اهم حاجة
وايه رايكوا فيها عامة
ياريت اللى يعرف معلومة ميبخلش عليا بيها
وشكرا على تعبكم معايا

[sokasoon]

Re: قطع الغيار

مرسى يا جماعة على تعبكم جدااااااااااااااااااااااااا معايا
انا رسيت على هوندا سيفيك مو 92 اتوماتيك كاملة
ياترى ايه اخبارها فى البنزين
وفى قطع الغيار واسعارها وتوافرها ودا اهم حاجة
وايه رايكوا فيها عامة
ياريت اللى يعرف معلومة ميبخلش عليا بيها
وشكرا على تعبكم معايا

بالنسبة للعربية ممتازه من جميع النواحى السحب ممتاز الثبات على السرعات العاليه ممتاز قطع غيار متوفره و الاسعار

عاديه وطبعا بريستيج عالى

اما العيوب ان العربيه واطيه شويه على الارض

[Abdallah]

قطع غيار عادية ومتوفرة؟؟؟؟؟؟؟؟؟؟؟؟؟؟؟؟
ايه يا عم الكلام دة, انا ركب العربية دى 6 شهور وبعتها عشان فى يوم البوبينة عطلت وملقتهاش فى المنصورة كلها واضطررت ان انزل بورسعيد لاجدها.
نصيحة لوجه الله : العربية محترمة جدا ولكن يعيبها عدم انتشار قطع الغيار وغلو بعض القطع لندرتها, عايز تركب هوندا يبقا تعيش فى بورسعيد لان حاجتها مرطرطة هناك وعلى فكرة العفشة الكاملة ليها فى بورسعيد كنت سائل عليها من فترة كانت بحوالى 3000 جنيه.

============================
(تم الدمج بمعرفة الأداره)

نصيحة اخرى, لو هتاخد هوندا لازم ترفعها وتبص عليها من تحت كويس لانها واطية بزيادة ومعظم العربيات بتبقى مخبطة من تحت وانا مش بهبطك يا اخى ولكن انت اردت الحقيقة وانا اقولها لك فقط.

[Abdallah]

أ/ عبد الله

من فضلك تلتزم بأن يكون الرد في رساله واحده خصوصا إن حضرتك كتبت الراساله التانيه بعد دقيقه واحد فقط (بمعنى أنه كان أمامك فرصه للتعديل والأضافه في المداخله السابقه) (الإداره)

[besho art]

شكرا يا استاذ عبدالله على المعلومة القيمة
بس انا شايف ان الهوندا موجوده كتير عندنا فى القاهرة فا مش عارف كده يكون فى صالح العربية ولا كل الناس عايزة تخلص منها

تم دمج المدخلتين بمعرفة الإداره
طب وبالنسبة للكيا سيفيا مو 200 ايه رايكم فيها
ياترى احسن من الهوندا ولا ايه وقطع الغيار وكده
وشكرااااااااااااااااااااااااااااا لاهتمامكم بيا

[besho art]

العضو الفاضل برجاء الألتزام بقوانين المنتدى حيث أنك قمت بكتابة مداخلتين بين كل مداخله دقيقه واحده

نرجو عدم تكرار الأمر "الإداره"

[Abdallah]

اسف لموضوع الرسالتين بس حقيقى نسيت موضوع التعديل خالص...
يا اخ بيشو حضرتك تشوف العربية الى تعجبك ولكن فى مبادىء لازم تراعيها فى العربية الى هتشتريها وهيا بدون ترتيب ...
1- قطع الغيار :- طبعا مفيش عربية مبتحتاجش قطع غيار ودة عتما مهم فى اختيار السيارة ان تكون قطعة الغيار فى متناول اليد بمعنى ان تكون متوفرة وبسعر تستطيع شرائها واذا لم تكن متوفرة فلا داعى لهذه السيارة.
2- الاستعمال :- لو استعمالك عائلى هتحتاج عربية كبيرة بشنطة واسعة ولو استعمالك شخصى يبقا ممكن تركب عربية هاتش باك ولو استعمالك حربى يبقا ممكن تركب جيب, شوف انهى استعمال انت عايزه ويمكنك ان تقرر بعدها.
3- القدرة المادية :- حضرتك هتقدر تدفع لحد كام فى عربية وطبعا لازم هتعمل حسابك انك اول ما هتجيبها هتشتريلها شوية حاجات يعنى سيور وفلاتر وزيت وحاجات زى كدة .
فكر فى الثلاث نقاط دول وشوف انت عايز ايه وعندك الحرفيين تقدر تنزل هناك وتشوف العربية الى انت عايزها حاجتها موجودة هناك وسعرها كام وتجمع معلومات عنها ودة طبعا هيبقا افضل من انك تسمع فقط وليس من رأى كمن سمع وانا بقولك الكلام دة بناء على انى مريت بنفس حيرتك دى من كام اسبوع وفى الاخر استقريت على لانوس 99 وطيعا دة مش معناه انى بقولك هات لانوس ولكن هيا كانت انسب اختيار ليا ولاحظ ايضا انى جايبها كورى ومنطقة حرة مش مصرى ودفى فرق كبير فعلا بين المصرى والكورى.
الكيا سيفيا معرفش عنها معلومات كتير الحقيقة بس انا كنت هشترى شوما وناس اثق فى كلامها قالتلى ان عفشتها الامامية ضعيفة جدا .

[besho art]

مرسى على ردك يا استاذ عبدالله
وانا نويت اجيب عربية 132 اتمرن عليها لحد ما اجيد السواقة
وشكرا ليك مرة تانية ولكل الاعضاء الكرام

[memo_hefnawy]

معلش إسمحولى يا جماعه الوضع فى القاهرة غير بالنسبة للهوندا :lol:

السيفك موديلات من 91 لى 97 تقريبا أو 98 كمان قطع غيارها مترمية فى الحرفييـــــــن و سعرها معقول جدا جدا جدا و معمره جدا

بس النقطة إللى تاخد بالك منها إن ماتشتريهاش من تحت رجل شاب :)

و عن ال 132 إبعد عن الشر و غنيله حد يجيب عربية 2000 سىسى يتعلم عليها :) البنزين غالى و هايغلى تانى و ال 132 بلاعة بنزين فكر فى 128 أو 131 لو مش هاتجيب السيفك

[جندى مجند]

البنزين غالى و هايغلى تانى

ايه دة؟؟؟ لأ بالراحة تانى الحتة دى يا محمود باشا ... هو فى كلام عن الموضوع دة تانى؟؟؟؟ أنا سمعت اشاعة عن الكلام دة و مصدقتش ... ايه الحكاية بقى؟؟

[شريف]

وفى الاخر استقريت على لانوس 99 وطيعا دة مش معناه انى بقولك هات لانوس ولكن هيا كانت انسب اختيار ليا ولاحظ ايضا انى جايبها كورى ومنطقة حرة مش مصرى ودفى فرق كبير فعلا بين المصرى والكورى.

ممكن اعرف ايه الفرق بين المصرى والكورى و هل فى فرق فى السعر (99 المصرى بتعمل 46 -45 تقريبا حسب الحاله)
و سؤال تانى بعد ازنك ازاى اقدر افرق بينهم بسهوله لما الاقى واحده كورى.

[besho art]

طب يا استاذ memo_hefnawy مكن اجيب 132 سعة 1600 سى سى ولا برضه هتاخد بنزين كتير

[Abdallah]

معلش إسمحولى يا جماعه الوضع فى القاهرة غير بالنسبة للهوندا :lol:

السيفك موديلات من 91 لى 97 تقريبا أو 98 كمان قطع غيارها مترمية فى الحرفييـــــــن و سعرها معقول جدا جدا جدا و معمره جدا

بس النقطة إللى تاخد بالك منها إن ماتشتريهاش من تحت رجل شاب :)

و عن ال 132 إبعد عن الشر و غنيله حد يجيب عربية 2000 سىسى يتعلم عليها :) البنزين غالى و هايغلى تانى و ال 132 بلاعة بنزين فكر فى 128 أو 131 لو مش هاتجيب السيفك

للاسف انا معرفش حاجة عن الحرفيين ودة سبب انى قلتله ينزل ويسال بنفسه ولكن هيا فى معظم الاقاليم قليلة وباهظة الثمن لدرجة انى لفيت على بوبينة سيفيك 93 ملقتهاش فى المنصورة كلها .

مرسى على ردك يا استاذ عبدالله
وانا نويت اجيب عربية 132 اتمرن عليها لحد ما اجيد السواقة
وشكرا ليك مرة تانية ولكل الاعضاء الكرام

بالنسلة لل 132 نصيحة اخوية بلاش منها لانى اعرف انها بتاكل عفشة كتير وقطع غيارها اصبحت قليلة ممكم حضرتك تشوف فيات 128 او 131 طالما لسة هتتعلم انما اكبر غلط انك تجيب عربية نضيفة وانت بتتعلم لانك هتدغدها ودة حصل معايا من 9 سنوات رحت اشتريت هيونداى اكسنت جديدة وبعتها بعدها بسنتين بمبلغ ذهيد لانى كنت بهدلتها مع انى كنت بسوق كويس ولكن طبعا فى فرق بين لما تسوق على فترات متقطعة غير لما تسوق كل يوم وكل ساعة , هداك الله لما فيه الخير وانا تحت امرك فى اى سؤال.

[Abdallah]

ممكن اعرف ايه الفرق بين المصرى والكورى و هل فى فرق فى السعر (99 المصرى بتعمل 46 -45 تقريبا حسب الحاله)
و سؤال تانى بعد ازنك ازاى اقدر افرق بينهم بسهوله لما الاقى واحده كورى.

حقيقة يا استاذ شريف انا معرفش سعرها ملاكى بالظبط لانى شاريها منطقة حرة بورسعيد وبالنسبة للتفرقة فحتى الان لم اجد فروقا جوهرية فى الشكل او التصميم ولكن حسيت بان الموتور مختلف ومش متأكد لسة لانى لسة مستلمتهاش ولكن فى كماليات زيادة فى الكورى وهيا فرامل ABS و ايرباج وكاسيت واربع سماعات وفى عربيات فيها نظام غريب للسنتر , بمعنى ان العربية بيبقا فيها سنتر ريموت ولكن لما تيجى تبطل العربية لازم تبطل من الريموت واعتقد دة اوبشن ممكن تعديله من الريموت نفسه.

[شريف]

حقيقة يا استاذ شريف انا معرفش سعرها ملاكى بالظبط لانى شاريها منطقة حرة بورسعيد وبالنسبة للتفرقة فحتى الان لم اجد فروقا جوهرية فى الشكل او التصميم ولكن حسيت بان الموتور مختلف ومش متأكد لسة لانى لسة مستلمتهاش ولكن فى كماليات زيادة فى الكورى وهيا فرامل ABS و ايرباج وكاسيت واربع سماعات وفى عربيات فيها نظام غريب للسنتر , بمعنى ان العربية بيبقا فيها سنتر ريموت ولكن لما تيجى تبطل العربية لازم تبطل من الريموت واعتقد دة اوبشن ممكن تعديله من الريموت نفسه.

هو انا سمعت (لم ارى الحقيقه) ان موتور الكورى المانى بس هى الملاكى نادره جدا جدا