استفسار عن تسقيط موتور k20 لسيفيك 2008 ؟؟

[over6]

هل فيه حد في مصر سقط الموتور ده في السيفيك الجديد؟؟
مين احسن واحد ممكن يسقط ومكانه فين في مصر؟؟
تكلفه الموتور ده جديد وهل ممكن يجيبه حد ولا موجود عند ناس معينه؟؟
هل الناس اللي هنا هيقدروا يوصلوا الظفيره ؟؟
الموتور 1600 ده لما يتباع هيجيب كام؟؟
ساعدوني الله يرضى عليكم:b4_048:

[mr_joooe]

انا كمان محتاج معلومات كتير عن الموضوع دة لأنى بفكر فية جدااااااا بس ياريت حد يفدنا فى لاموضوع دة بالتفصيل..
وبالنسبة للمتور k20 يا أستاز OVER6 أية هية مواصفاتة وسعتة أد أية وبيدى كام H.P ؟؟

[Ahmed Hassan]

ال ٢٠٠٠ اظن صعب شويه بسبب اختلاف الضفيره و الكنترول لان الموتور ٢ كامه. ١٨٠٠ اظن سهل و احتمال يكون نفس الكنترول اصلا.

عموما اي حد بتاع استيراد عنده سواء الموتور ١٨٠٠ او ٢٠٠٠ ممكن يبدله بموتورك بدون ما تدفع فرق طبعا و هوه الكسبان

[kemo0o]

انتوا عاوزين تسقطوا انهي k20 ?? اصلها سلسله كبيرة قوي !!

عموما خلينا نتكلم على موتور ال K20Z3 بتاع ال Si 2006- present

مواصفاته كالتالي

Displacement : 1,998 cc (121.9 cu in)
Compression : 11.7:1
Power: 210 bhp (201 PS, 148 kW) @ 7800 rpm
Torque: 142 ft·lbf (193 N·m) @ 5600 rpm
Redline: 8200 rpm
i-VTEC Engagement: 5,400 rpm

عموما في حالة تسقيط الموتور ده هتغير حاجات كتيييير جدا جدا من ضمنها قواعد الموتور والضفيرة والكونترول يونت

عموما تكلفة استيراد الموتور ده كقطع غيار على كلام واحد صاحبي من كندا بيقول انه ممكن يجيبهولنا ب 3500 دولار (الكلام ده من 3 شهور) كاملا بمشتملاته !!

[over6]

انتوا عاوزين تسقطوا انهي k20 ?? اصلها سلسله كبيرة قوي !!

عموما خلينا نتكلم على موتور ال K20Z3 بتاع ال Si 2006- present

مواصفاته كالتالي
عموما في حالة تسقيط الموتور ده هتغير حاجات كتيييير جدا جدا من ضمنها قواعد الموتور والضفيرة والكونترول يونت

عموما تكلفة استيراد الموتور ده كقطع غيار على كلام واحد صاحبي من كندا بيقول انه ممكن يجيبهولنا ب 3500 دولار (الكلام ده من 3 شهور) كاملا بمشتملاته !!

يعني العمليه صعبه مش سهله زي ما انا كنت فاكر

[over6]

لما شفت المواضيع اللي فاتت لافيت ان العضو هلمنز ((يعني ايه الاسم ده؟؟)) بيفكر يشتغل في الموضوع ده بس من خلال تطوير الموتور 1600
فهل ممكن يعمل حاجه ولا لاه؟؟
ممكن يركب ايه بالضبط ؟؟

[sa7aby]

حبيبنا over6 (برضه مش فاهم الإسم)
هامنز حكالى إنه قابل واحد معاه سيفيك 2008 جالاكسى جريى فى مدينة نصر و كان مسقط لها موتور k20 200cc جايبه إستيراد ب 21000 و باع الموتور بتاعه ب 20000 أو العكس، مش متأكد، و الموضوع أخد منه حوالى شهر عند واحد فى الحرفيين! لإنه طبعا غير كل حاجة بالضفيرة! نصيحتى ليك إنك تسيبك من الموضوع ده دلوقتى لإن عربيتك لسة جديدة و خسارة إنك تعمل كل دة دلوقتى، لو عاوز تحسن الأداء ممكن تركب K&N cold Air Intake system بالكامل و تغير البوجيهات و تركب جنوط أخف من إللى عندك مثلا، كل ده مع الإحتفاظ بالموتور والله أعلم
آسف على الإطالة

[Ghamrawy]

انا ملاحظ ان نسبة الانضغاط اللازمة لاستخراج القوة دى عالية 11.7:1 و حتحتاج بنزين 95 غير كده لو فرضنا ان ال 95 مش مشكلة بالنسبة لتكاليفه الموتور ده حايبقى استعمال و لو هو 210 حصان جديد فى الاستعمال حايبقى اقل من كده و طبعا ده على حسب حالة الموتور نفسه

[over6]

انا ملاحظ ان نسبة الانضغاط اللازمة لاستخراج القوة دى عالية 11.7:1 و حتحتاج بنزين 95 غير كده لو فرضنا ان ال 95 مش مشكلة بالنسبة لتكاليفه الموتور ده حايبقى استعمال و لو هو 210 حصان جديد فى الاستعمال حايبقى اقل من كده و طبعا ده على حسب حالة الموتور نفسه

انا كلمت الدكتور هلمنز وقال ان مفيش حد في مصر يقدر يشبك ضفيره k20 على السيفيك الجديد ابدا والتعامل مع الحساسات صعب جدا وان الراجل اللي شافوا في مدينه نصر بعت العربيه لدوله تانيه علشان يتعمل الشغل فيها واكد ان r16 ممتاز جدا في ظل العربيات الموجوده في السوق ووعد ان التعديلات اللي هيعملها ((لافيها تيربو ولا سوبرتشارجر)) هتكون كفيله بهزيمه المرسيدس c200 (مش عارف اشمعنى العربيه ديه؟؟) والكلام ده قريب جدا ان شاء الله

[mussolini]

هتكون كفيله بهزيمه المرسيدس c200 (مش عارف اشمعنى العربيه ديه؟؟)

عشان عربية مالهاش حل..

[sa7aby]

المرسيدس c200 كومبريسور يا كيمو
يعنى زى ال SUPER CHARGER كدة
مرعبة فى كل حاجة، الجرى و الثبات و التحكم
برضه السعر فى الأحلام