د. خالد للزجاج تروح تصلح و تاخد المقلب اللوز:)

[washable]

تجربتى مع د. خالد لتصليح الزجاج انا كنت ماشى فى نفق البحر الاعظم فى الجيزة و واحد ابن كلب حدف حجر على العربية من فوق وقع على الزجاج و حصل 3 نقرات تحت بعض فى نصف الزجاج . و رحت للباشا ده فى شارع الميرغنى فى مصر الجديده قعد يعملى فيها دكتور بجد و بعدين قاللى هاخد 70 جنيه المهم قعد يلعب فى الزجاج الامامى و عملى نقره و احده منهم .. كويس و قاللى تعالى الاسبوع الجاى عشان مش عارف ايه الماده لازم تنشف.
و طبعا النتيجه مكانتش مرضيه عن اول نقره و ملت بس متصلحتش حتى بنسبة 60% المهم النصب جاى قدام اسمعوا بقه.

روحت حسب الاتفاق الاسبوع اللى بعده لنفس الراجل اللى اسمه محمود لقيته بيقولى هوا انتى عاملها عندنا قالتلووا نعم !!! ايوه و ادى الفاتورة
قاللى ازاى عملنهالك ده النقره ده متتصلحش .. قلتلوه ما انت اللى قلت و صلحتها المره اللى فاتت و انت اللى قلت تعالا تانى .... المهم قعد يعك و كان عايز فلوس تانى .. بصراحه انا قبحتلوه و خليتوا عملها ورجلوا فوق رقبته و هحاول اضع الصور قبل و بعد العمليه الجراحيه بتاعت بسلمته:).

[MoToRiZeR]

دي حاجة متنفعش أصلاَ لأن في خلال الأسبوع ده بيخش في الشرخ مياه و تراب و بيبنوا الشرخ حتي لو إتصلح كويس .. كويس اللي إنت عملته معاه و يا ريت لو لهم فرع رئيسي تعمل شكوي بالتليفون .

[ecybrarian]

المهم اتصلحت ولا لأ في الآخر!!!
ملحوظة من أخ بلاش الألفاظ الجامدة دي مع كل تقديري لغض حضرتك من إللي حصل

[kasten]

ربنا معاك وشكرا للتحذير

[husseinthemaster]

السلام عليكم
بصراحة انا اتعاملت مع دكتور خالد مرتين مرة من سنة كان في طوبة وقعت علي الزجاج الامامي وكنت لسة مغيرة وكان فية نقرة وصلحة من سنة وكان تمام وخد 80 جنية ومن حوالي شهرين كان في 3 نقر في الزجاج رحت لفرع منشية التحرير وخد مش فاكر كام بالضبط وعملة وتمام الفرع الاول كان في جسر السويس اول احمد عصمت مش عارف انا شايف انة كويس ومفيش مشاكل من الزجاج من ساعتها ممكن تروح اي فرع تاني لية وتشوف وشكرا

[Shiref_mohamed]

انا اتعاملت معاهم في فرع المقطم والزجاج الأمامي عندي كان مشروخ بالطول من عند المراية لحد نصه الشرخ اتصلح كويس ومش باين خالص

[m_taha]

انا اتعاملت معاهم في فرع المقطم والزجاج الأمامي عندي كان مشروخ بالطول من عند المراية لحد نصه الشرخ اتصلح كويس ومش باين خالص

لو سمحت
هوا فين بالظبط الفرع الموجود في المقطم؟
و شكرا

[حاتم سليم]

لو سمحت
هوا فين بالظبط الفرع الموجود في المقطم؟
و شكرا

فى شارع 9 فى عمارات النصر القديم

بجانب سنترال جوجو

[KSA2011]

حصل خير الحمد لله

[kimoboy]

I did there before and they did excellent work.

[ahm128]

انا الحمد لله برضه جربته مرتين (فرع المرغنى) وكانت النتائج كالتالى المرة الاولى ممتازة جدا واصبح الكسر كأن لم يكن وغير ظاهر نهائيا اما المرة الثانية فكنت تكاسلت فى الذهاب للتصليح لمدة 5 أو 6 ايام فكانت النتيجة انه ظاهر بنسبة لاتزيد عن 5 الى 10 فى المائه على اقصى تقدير

[ahm128]

انا الحمد لله برضه جربته مرتين (فرع المرغنى) وكانت النتائج كالتالى المرة الاولى ممتازة جدا واصبح الكسر كأن لم يكن وغير ظاهر نهائيا اما المرة الثانية فكنت تكاسلت فى الذهاب للتصليح لمدة 5 أو 6 ايام فكانت النتيجة انه ظاهر بنسبة لاتزيد عن 5 الى 10 فى المائه على اقصى تقدير

[Ahmad Allawy]

انا تعاملت معاهم برضه حوالي 4 مرات.. في عربيتين..
و التعامل كان مع فرع المقطم عشان انا ساكن هناك..
اهم من كون النقرة او الشرخ يختفي خالص.. انه ميسرحش.. او يكبر.. دي الحاجة الي بتهمني اكتر.. و الشرخ مهما حصل مش بيختفي تماما.. بيباتن اكتر في النور.. من زوايا مختلفة..
و زي ما قولتلكم.. انا باتعامل معاهم من منطلق انه الشرخ ميكبرش.. و الزجاج ميتكسرش خالص.. لكن كونه يختفي.. ده مش مشكلة عندي..

[mohabelnegm]

أنا صلحت عندة مرة شرخ و خد منلى 80جنية و كان بصراحة زى الفل(فرع مدينة نصر)

[د.محمود صلاح]

اول ما يحصل شرخ غطيه فورا ببلاستر وروح للمركز ده وفعلا الشرخ بيختفى زى السحر وب 80 ج