اخيرا حقيقة السيتي 2010

[spiderbaz]

بالمناسبة انا حابب اقول للناس انه انا مركب باركينج سينسور و وحدات رفع الزجاج و سنتر بالريموت و عوازل حرارية على كل زجاج السيارة وده فعلا فرج جدا جدا في حرارة الشمس

على فكرة انا ركبت تويترات كينوود مع السمعات الامامية لتفتيح الصوت لانه السماعات الاصلية البيز فيها عالي لكن التويترات مكتومة
وركبت سماعات سوني مدور في الابواب الخلفية وطلع صوتهم نقي وواضح لكن المشكلة الكاسيت خارجه ضعيف عليهم رحت مركب جي ام ضغير جدا والان الصوت بقى اكثر من ممتاز
تجربتي مع الاضاءة انه ركبت لمبات اوسرام نايت بريكر وهي موديل اعلى من الفابريكة ونفس الماركة و طبعا الاضاءة احسن 1000 مرة و 120 جنيه بس التكلفة

وقريبا حقول سر يزود قوة الموتور 5 حصان وطريقة امنة ومضمونة جدا

بالتوفيق

شكرا يا باشا عالموضوع
و ربنا يباركلك فيها يارب
انا كمان جبت 2009 و ما شاء الله عربية فعلا رهيبة
بس حابب اعرف منك شوية حاجات كدة علي حكاية السنتر و الريموت و الباركنج سنتر كمان
ياريت لو بعد اذنك تقوللي التفاصيل او اتعرف علي حضرتك منين و اتشرف بمعرفتك
شكرا جزيلا

[spiderbaz]

السلام عليكم
انا باذن الله ناوى اشترى سيتى 2010 وهى عربيه فعلا اكتر من رائعه
بس عاوز اسأل حضراتكم هو حجم الشنطه كام لتر تقريبا واخبار وسع العربيه للركاب الخلفيين ايه
شكرا

بص يا باشا سعة الشنطه فى السيتى 506لتراكبر من السيراتوا اللي 415 بس
و العربية من ورا ما شاء واسعة متقلقش يكفي اني اقولك اني بركب 3 صحابي طخان و مليانين اوي فيها هههه متقلقش و اتكل علي الله و ربنا يوفقك ان شاء الله

[hesham_tawfiq]

خلاص ياباشا
هذيع اخر الشهر الجاى بأذن الله :)

[fedoracore]

السلام عليكم
اول نصيحة هي لما تركب الباركينج سينسور
ركبه نفس لون العربية يعني مش تجيب لون تاني وتدهنه

ممكن التواصل على الماسنجر
strangewish@hotmail.com
انا انصح الجميع يشوف صرفة ويجنط العربية كوتش اعرض شوية لثبات اكتر
واخر نصيحة عن تجربة والله
انا ركبت زينون لون 6000 لمدة 3 ايام ورجعته تاني للراجل عشان فعلا انا مش كنت شايف ايا حاجة منه واكتشفت السبب لان الفانوس كبير و مفيش عدسة للاسف وده خلا النور يفرش قوي شمال و يمين و في الامام النور ضعيف جدا و فعلا كنت متدايق قوي وانا ماشي على الدائري
قالولي ركب لون 4300 اقل في اللون الازرق لكن اقوى واوضح
بس بجد عن تجربة ونصيحة لوجه الله محدش يركب لون 6000 على الفانوس ده عشان فعلا النور حيبقى اوحش جدا من النور الفبريكة يعني نص وضوح الفابريكة
واخر حاجة نفخت الكاوتش نايتروجين لفوائده من عدم تمدد الضغط مع الحرارة
واخر تجربة انه كل صيانة كان التوكيل يستعمل زيت موبيل وان
بس انا اخدت نصيحة صديق واستعملت زيت شل في اخر صيانة والمفاجاءة انه صوت الموتور انخفض بشكل واضح وانعم

[fedoracore]

حاجة مهمة اكتشفتها
فلتر الهواء في الموتور محطوط عليه زيت علشان ينقي الهواء وينظفه ويحمي الموتور لاقصى درجة
المشكلة انه الفلتر بيتوسخ بسرعة ويتكتم وده بيخلى السحب اقل بتاع العربية ويزود استهلاك البنزين
و مش حينفع تنظف الفلتر بالهواء لانه عليه زيت زي ماقلت

الحل انك تغيره في التوكيل بعد 10 او 15 الف كيلو وثمنه 130 جنيه
او تركب فلتر سبور شبه الفابريكة في الشكل والمقاس بالظبط يعني مش النوع الكبير الي شبه الاباجورة بالماسورة
الفلتر السبور بيجي معاه منظف و زيت وسعر المنظف والزيت 110 جنيه من شارع دمشق بس الفلتر مش فاكر سعره لكن مش اكتر من 250 جنيه و كدة بقى ممكن تنظف الفلتر كل 8 الاف كيلو متر بنفسك و طبعا الفلتر السبور يديلك 5 حصان زيادة للعربية ويبان قوي في السحب

[wael_107]

السلام عليكم
شكرا على موضوعك الاكثر من رائع
بس كنت عايز أستفسر عن ارتفاع السيتى عن الارض
أصل انا خايف من المطبات وفى ناس كتير بتشتكى ان السيفك واطيه فهل السيتى زيها
لانى قلقت لما دخلت على موقع هوندا ولاقيت ان السيتى المفروض انها أوطى من السيفك
وكمان سؤال تانى لو حبيت أزود كماليات زى فوج لايت ممكن عن طريق التوكيل

[fedoracore]

وعليكم السلام

يا صديقي احب اقولك ان السيتي عاليا عن الارض من السيفيك طبعا بكتير لكن الطبيعي اي عربية تحك لو محمل وزن كبير وكنت معدي مطب كبير وانت مش واخد حذرك
عموما طمن نفسك من ناحية السيتي خالص
ولو جنط العربية ١٦ انش طبعا يديك علو اكتر
بالنسبة للفوجات مفيش غير الاصلي في التوكيل بس سعره غالي ٢٢٠٠ بالتركيب ولو جبته من دبي حيبقى ارخص ٣٠٠ جنيه بس لكن ده بيدولك مفتاح و الظفيرة الاصلي

[fedoracore]

Watch the Beauty of Touch Screen for New Honda City

ديفيدي وشاشة تاتش للسيتي بالمرفقات

[Horsepower]

السلام عليكم
شكرا على موضوعك الاكثر من رائع
بس كنت عايز أستفسر عن ارتفاع السيتى عن الارض
أصل انا خايف من المطبات وفى ناس كتير بتشتكى ان السيفك واطيه فهل السيتى زيها
لانى قلقت لما دخلت على موقع هوندا ولاقيت ان السيتى المفروض انها أوطى من السيفك
وكمان سؤال تانى لو حبيت أزود كماليات زى فوج لايت ممكن عن طريق التوكيل

وعليكم السلام

يا صديقي احب اقولك ان السيتي عاليا عن الارض من السيفيك طبعا بكتير لكن الطبيعي اي عربية تحك لو محمل وزن كبير وكنت معدي مطب كبير وانت مش واخد حذرك
عموما طمن نفسك من ناحية السيتي خالص
ولو جنط العربية ١٦ انش طبعا يديك علو اكتر
بالنسبة للفوجات مفيش غير الاصلي في التوكيل بس سعره غالي ٢٢٠٠ بالتركيب ولو جبته من دبي حيبقى ارخص ٣٠٠ جنيه بس لكن ده بيدولك مفتاح و الظفيرة الاصلي

السلام عليكم,
أحب بس أوضح كام نقطة:
أولا: إرتفاع السيتي عن الأرض أقل من السيفيك ... السيتي 150 مم و السيفيك 154 مم ... فرق 4 مم.
ثانيا: ال Wheelbase لل سيتي 2550 مم أما السيفيك 2700 مم ... فرق 150 مم.
ثالثا: تغيير مقاس الجنط المفروض ميغيرش إرتفاع العربية أبدا و لو حصل هتبقى هيعملك أكتر من مشكلة و من أهم المشاكل إن العجل مع المطبات هيخبط في الرفرف من جوة, و عداد السرعة يدي قراءة غلط أقل من السرعة الفعلية.

[OilMan]

الاسعار والكماليات بقى تبقى تمام وتسلم ايدك

[ahmed4000]

انا معرفش الارقام بصراحة بس انا معايا السيتى ومش حاسس انها واطية خالص ومبحكش فى اى مطب

حكيت مرة واحدة لما حاولت اطلع فوق الرصيف :)

[abou_ruqi]

وطبقا للفيديو حتلاقوا بيقولوا انه الفرامل abs و ebd ودي اخر تكنولوجيا للفرامل زي الكورولا مثلا

زي الكورولا !!! ده بقه ستاندرد في كل العربيات لوقتي حتى الصيني !!

مش مهم
بس هي أصلا مكنش فيها الكلام ده ؟؟ مش قادر أصدق بصراحة إن هوندا تنزل عربية مفيهاش abs و ebd

العيب على الوكيل طبعا

[د.محمود صلاح]

شكرا للفيديو والشرح ربنا يبارك لك فيها ويحفظهالك

[Horsepower]

انا معرفش الارقام بصراحة بس انا معايا السيتى ومش حاسس انها واطية خالص ومبحكش فى اى مطب

حكيت مرة واحدة لما حاولت اطلع فوق الرصيف :)

صحيح لأن السيتي ال Wheelbase بتاعتها أقل من السيفيك ب 15 سم.
شوف هنا:

http://www.nilemotors.net/Nile/121189-2010-ground-clearance.html#post3872323246

[Haitham10]

هوه السيتي الموديلات الاقدم يعني 2006 2005 والاقدم
ايه عيوبها وليه اسعارها رخيصه عشان ابقي عارف لاني بشوف مثلا 2005 وفابريكة وتمنها 65 الف فهل ده السعر الطبيعي ولا ايه الحكايه وهل فيها abs وليها قطع غيار ولا كله توكيل بس

شكرا ياهونداوية