يا جامعة لو سمحتو سعدني

[mechbolla]

أنا كنت عايز اسئل حد معه سيفك إكس ١٩٩٢ عن إستهلك البنزين عشان أنا سمعت أن وحش أوي وكمان عن السحب هل هو كويس ولا لو....وأخر حاجة هو الفرء في سعر قطاع الغيار بن ال ex وال si كبير ولا لا...شكرا

[M_Nabil]

الإستهلاك بيكون كويس لو المكنه والكربراتير مظبوطين وبتعمل صيانه كل فترة وعلى حسب طريقتك في السواقه، والسحب بتاعها كويس، وقطع الغيار مش فارقة كثير عن الـ Si

[mechbolla]

شكرا جزيلا يا باشا و ربنا يخليك لينا

[khaled_rafea]

انا معايا ex بحطلها 80 بصراحة فالاستهلاك مش فارق, بس سحبها مش حلو زى الاس اى, أقصى سرعة وصلتلها بيها كانت 150, مع العلم انى كنت بجيب بماذدا 323 موديل 82 ال180 بسهولة, بس طبعا الهوندا اتقل وثباتها محترم جدا, بالنسبة لقطع غيارها هى أرخص شوية من الاس اى بس مش كتير(لأن فية حاجات مشتركة كتير جدا)

[mechbolla]

سبحان الله انا كمان كان معايا مازد1 323 1982 و لسه بايعها و كنت بسال عل هوندا عشان عاوز اجيب واحده.....عالعموم هيا عربيات ممتازه و ربنا يباركلك فيها

[SAMEH_FOUAD]

انا عندى واحد صاحبى معاة ex وعايز اقولك مطلع عينها بس ماتورها كويس وبيجيب لحد 200 ازاى ياباشا 150 دية العربية جراية جدا جدا دة ماتورها بيخرج 109 حصان شوف اكيد فية عندك حاجة غلط

[M_Nabil]

حط في اعتبارك انه بيحط بنزين 80 ده غير ان حالة الماتور والفتيس بتختلف من عربية للتانية

[mechbolla]

والله يا رجلا قلمك كلو ١٠٠ ١٠٠ وذي الفل بس أنا كان لي إستفسار تاني معلش كنت عايز اسئل على إستهل؛أك الالبنزين فل إكس ١٥٠٠ عشان في ناس بتال أن وحش أوي .. ويرت لو بأرقام دقيقة وشكرن

[SaberMan]

مش هتلاقى فرق كبير فى الاستهلاك , الا لو هتجرى يقبى الاس اى هتستهلك سنة زيادة
برضوا قطع الغيار مفيش فرق قوى الا فى اطق السرفيس هتلاقى ال 1.5 ارخص لو بتحب الجرى هات الاس اى بس خليك صبور يا رايس و دور على حالة تمام

[khaled_rafea]

والله يا استاذ سمسم الموتور عندى جديد استراد بحالته, وعاملة سرفيس اصلى و بردة سرعتها مبتعديش ال150 ابدا

[SAMEH_FOUAD]

اكيد فية حاجة عندك غلط اتاكد كويس انا ممكن كمان اجيبلك فيديو عربية هوندا سيفيك موديل 89 1500 كربرايتر هنا فى مصر وكان بيجرى على طريق المحور وكان طريق مفتوح يعنى مش محتاج سواق ومبهدل لانسر شارك
وصاحبى دة بقولك بيجيب بيها 200 اكيد انت فية حاجة عندك غلط اذا كان فى بروشر السيارة اول لما نزلت كاتبين ان اقصى سرعة ليها 178 ودة طبعا بيتكتب عشان ماتزودش عن كدة لكن هية بتجيب 200 فعلا

[khaled_rafea]

يمكن يا سمسم باشا علشان موديل 89 أخف من ال 93 , او يمكن الفتيس الاوتوماتيك, انا بجد مش عارف اعمل اية فيها؟؟؟

[SAMEH_FOUAD]

ياستاذ خالد انا بقولك مثال لماتور 1500 موديل 89 لكن صاحبى دة عاة عربية زى بتاعتك بالظبط انا عايز اقولك انة من حوالى 6 شهور بهدل عربية لانسر 1600 سوبر اكشن كاملة واكيد طبعا شكلها مختلف ومش محتاجة حد يفرقها عن غيرها من اللانسرات والواد بتاع اللانسر ماشافوش وعايز اقولك حال الهوندا دية من برة ماتقولش انها هاتعدى ال120 كيلو عربية مخبطة من كل حتة وبكاوتشاتها الاستوك جنوط 13 وعايز اقولك الصيانة العادية وبيصلحها عند مسعد وحبيبة جدا
انا بكلمك كدة عشان عارف ماتور عربيتك بيعمل اية فانت كدة فية حاجة مش مظبوطة حاول تشوفها ومش عشان انت مش بتجرى فمش هاتفرق معاك بالعكس دة هيفرق معاك فى حاجات تانية اولهم نعومية الماتور وسحبة وبيخلى التكيف جامد طول ماالماتور كويس ولو فى اى حاجة انا فى الخدمة

[M_Nabil]

خالد باشا أنت جيبت الماتور الأستيراد بفتيسه ولا ركبته على الفتبس القديم اللى عندك؟
ولو حطيت بنزين 90 أو 92 هل بيحصل فرق ولا لأ؟

[khaled_rafea]

والله يا رجالة انا مش عارف اشكركم أزاى, هو انا شارى العربية بالموتور , كان صاحبها لسة مغيره ومتسجلش لحد دلوقتى على الرخصة, لاكن معرفش الفتيس بتاع الموتور جاى معاه ولا الفتيس القديم, هى العربية فى طلعتها كويسة , بس من اول التالت كده و السحب يبتدى يقل جدا و متجمعش اى سرعة, و البنزين ال 90 و ال92 مش بيفرق معاها خالص, كمان انا بحب الجرى جدا و كنت بشد بالماذدا مع اى عربية, بس الهوندا وقفتنى عند حدى