هل هانتك هندتك ؟؟

[mechbolla]

يا جماعة كلو يحكلنةا على عربتو الهوندا ول مواقف ألي عملتهى معه من يوم ماجبها

[kemo0o]

الحمد لله أصيلـــــــــــــــــة حتى الان

[SAMEH_FOUAD]

الحمد لله تمام باستثناء موقف كنت ماشى فى مصر الجديدة وجيت ادورها مادارتش ودة كان بسبب طرمبة البنزين كان فيها سدد جامد لانى كنت ماشى سريع شوية والبنزين ماكانش فية غير حوالى 4 لتر بس
وسيبتها مركونة وانا ساكن فى وسط البلد وجيت تانى يوم ومعايا الميكانيكى سمع الصوت راح يدوبك بس فك الكنبة الخلفية وخبط على الطرمبة اشتغلت وانا وقفت ميت على نفسى من الضحك والكلام دة كان من حوالى 3 سنين والحمد لله مافيش مشاكل حدثت حتى الان

[M_Nabil]

لحد دلوقتى زى الفل الحمد لله

[mechbolla]

هههه طب الحمد لله انها جت في حاجه بسيطه زي كده..ربنا يباركلك فبها

[SAMEH_FOUAD]

ياباشا انا ضحكت بس عشان انا لو كنت خبطت عليها بايدى كنت زمانى مروح بيها والمشكلة ان كان فية ناس فى الشارع واحد منهم قالى طيب افتح الكبوت وعمل فيها الواد المخلص ,بس للماتور وقالى مش فاهم حاجة ضحكت اكتر,وقولت فى سرى هو انا نقصك ياعم انت كمان,روحت مخليها زى ماهية وروحت وتانى يوم جيبت الميكانيكى راح يدوبك اداها خبطة واحدة بس راحت دايرة ومافيش اى مشكلة خالص الحمد لله

[ahm128]

الحمد لله 10 سنوات مع هوندا بدون مشاكل توقف السيارة ولكن مرة كاوتشة الكوبلن تمزقت وفرغ الشحم اللى فيها وكنت مسافر وكانت النتيجة العربيه ماشية زى ماهية بس فيها هزهزة كدة لحد مارجعت وصلحتها وغير كده عشر سنوات ب 200 الف كيلو متر مسافة مقطوعة بها بدون مشاكل نهائيا - السيارة كانت موديل 91 (لانى بعتها )

[khaled_rafea]

اول ما أشتريت العربية, وبعد مخدتها و مشيت الراجل الله يسامحه مقاليش ان البطارية بايظة وقفت فى أشارة الخلفاوى(أشارة بتطول جدا) وبطلت العربية, طبعا مدارتش تانى و لأنها أوتوماتيك اضطريت استنى لحد ما واحد صاحبى جالى وعملنلها وصلة,بس الحمد لله بعد كدة العربية عمرها مكسفتنى

[mechbolla]

200 كيلو!!ما شاء الله.ربنا يباركلك فيها يا باشا

[SaberMan]

ما شاء الله حاجات بسيطة اوى فى خمستاشر سنة بركب هوندات متعة السواقة بصراحة نسيتنى اذا كانت هانتنى مكانتش بقيت اختيارى لتالت مرة

[mechbolla]

طب يا باشا أنت بألق ١٥ سنة بتركب هوندا أحكلنة باءة على مشكلةهى مع المطبات وبذات القديم<٩٢-٩٥>

[SaberMan]

كلمة السر فى الارتفاع بالنسبة لل 92- 95 عليات و سوست عشر سنين كنت بحب اجرب فيها مقتنعتش بموضوع الصدادات خلى سواقيتها غريبة السوست فيه كذه ارتفاع و الله عندى لسه بقايا سوست فى المخزن بس تقريبا فيه 11 , 12 , 13 فى السوست مابين 1,6 و 1,5 ده فى الاستيراد كل فترة ركبت فيها نوع كان فيه كمان نوع ايطالى اسبور زمان اشتريته من عرابكوم و تعبلى ضهرى بصراحة موضوع العفشة الناشفة دى بتضر العظم يا جماعة بلاش منه الفقرات من ا-4 ممكن يحصل فيها تاكل
ركبت فترة طويلة سوست الاى الكس =1,5 عشان ناعمة كفاية او سوست سبور او مساعد سبور الاتنين كتير او علي الجسم البشرى وعلى العربية و لو مساعد سبور او سوسته بلاش انشف نوع
العربية دى بالذات خدت فترة عبال ما استريحت فى سواقيتها بكامل الحمل , و مع كتر السواقة بيحصل تعود و تقدر تسوقها بقلب جامد خصوصا انها فى المواقف الحرجه كانت بتسعف ما شاء الله , الغريب انى لما اشتريت الجديدة عرفت انها اعلى من الاس اى 1.6 كنت خايف منها اوى بعدين استغربت لما لقيت الباب بتاع السواق بيفتح عند البيت و الرصيف مش معاكس معايا بعكس الاس اى , معلش اسف ان كان الكلام غير مفهول اصلى بنام قدام الشاشة خلاص .