جبت سيفيك 2009 .. فين الاوبشنز؟!!!

[hima1975]

انا جبت سيفيك 2009 العربية طبعا زى الفل والحمد لله
انا جبت ال فى تى اى ..... المفروض انها الكاملة ما عدا الفرش الجلد
فى كذا اوبشن مش موجودين مثلا
1- زر غلق الابواب من الداخل ( المفروض اى عربية عبيطة فيها الزر ده ..ومكان الزر عندى موجود)
2 - طبعا مفيش مكنة رفع للنوافذ واعتقد انها مش موجودة فى اى سيارة فى مصر
3 - سينسور علشان الركن واعتقد بردوا مش موجودة فى اى سيارة فى مصر
-- فى تلات زراير جنب الدريكسون على الشمال
1- مفتاح ضابط الضوء الامامى
2- مفتاح غلق vsa
3- مفتاح زر غسالة الاضواء الامامية

عندى بس المفتاح بتاع ال غلق ال vsa مكان المفتاحين الاخرين مغلق
الغريبة انى لاحظت وجود مفتاح ضابط الضوء الامامى موجود فى الفئة الاقل !!!!!

-- يا جماعة حد معاة سيارة نفس الفئة وعنده اوبشن من الاوبشنات الى ذكرتها ؟

[SeiffoZ]

2 - طبعا مفيش مكنة رفع للنوافذ واعتقد انها مش موجودة فى اى سيارة فى مصر
3 - سينسور علشان الركن واعتقد بردوا مش موجودة فى اى سيارة فى مصر

لا موجودين بكثرة فى عربيات كتير ...

[kemo0o]

انا جبت سيفيك 2009 العربية طبعا زى الفل والحمد لله
انا جبت ال فى تى اى ..... المفروض انها الكاملة ما عدا الفرش الجلد
فى كذا اوبشن مش موجودين مثلا




-- يا جماعة حد معاة سيارة نفس الفئة وعنده اوبشن من الاوبشنات الى ذكرتها ؟

1- زر غلق الابواب من الداخل ( المفروض اى عربية عبيطة فيها الزر ده ..ومكان الزر عندى موجود)

المفتاح ده اصلا غير موجود في موديلات هوندا (سيفيك) في الشرق الاوسط كله يعني مش عندنا بس .... بس تقدر تقفل السنتر من اللوك بتاع باب السواق بدلا من الزرار

2 - طبعا مفيش مكنة رفع للنوافذ واعتقد انها مش موجودة فى اى سيارة فى مصر

بالفعل مافيش اي عربية من نفس الفئة بينزل فيها ماكينة رفع الزجاج !

3 - سينسور علشان الركن واعتقد بردوا مش موجودة فى اى سيارة فى مصر

غير متوافر بموديلات سيفيك وممكن تركبه بره بسهولة لو عاوز

-- فى تلات زراير جنب الدريكسون على الشمال
1- مفتاح ضابط الضوء الامامى
2- مفتاح غلق vsa
3- مفتاح زر غسالة الاضواء الامامية

عندى بس المفتاح بتاع ال غلق ال vsa مكان المفتاحين الاخرين مغلق
الغريبة انى لاحظت وجود مفتاح ضابط الضوء الامامى موجود فى الفئة الاقل !!!!!

1- أولا مفتاح ضبط مستوى النور الامامي :-
انت عندك في الفئة VTI مستوى النور بينضبط تلقائيا (Automatic) على حسب وزن الركاب في السيارة

2- مفتاح ال VSA : النظام تلقائيا بييكون مغلق ولتشغيل النظام يتم الضغط على المفتاح 3 ثواني حتى تضئ لمبة ال VSA .... وعلى فكرة النظام بيشتغل لوحده لو انت في منطقة زلقة (رمل - مياه) وحبيت تطلع مرة واحدة (تفرك)

3- مفتاح زر غسالة الاضواء الامامية: أصلا السيفيك مافيهاش رشاشات لغسل الفوانيس الامامية !


.... أنا معاك ان السيفيك ناقصها شوية حاجات مع انها مش هتكلف حاجة بس تقول ايه بقى سياسة شركة !

[hima1975]

شكرا يا كيموا على ردك
طمنتنى انا كنت حاسس انضحك عليا :)
بالذات لما روحت للراجل الى اشتريت منه فى توكيل هوندا
وسألته على ضبط الضوء مجبليش رد مقنع قلى هى بتنزل كدة !
وزارا غسل الاضواء الامامية جبتها من كتاب الارشاد الى جاى مع العربية علشان كدة ذكرتها
شكرا يا باشا على الافادة.

[mohamedhamam]

ألف مبروك يا باشا

[Horsepower]

شكرا يا كيموا على ردك
طمنتنى انا كنت حاسس انضحك عليا :)
بالذات لما روحت للراجل الى اشتريت منه فى توكيل هوندا
وسألته على ضبط الضوء مجبليش رد مقنع قلى هى بتنزل كدة !
وزارا غسل الاضواء الامامية جبتها من كتاب الارشاد الى جاى مع العربية علشان كدة ذكرتها
شكرا يا باشا على الافادة.

أولا أحب أباركلك "ألف مبروك وربنا يديك خيرها و يكفيك شرها و شر الطريق"
صحيح كلام كيمو باشا طبعا, و كمان أحب أقولك إن شركة هوندا لما بتعمل أوبشن و تحطه في عربياتها بتبقى متأكدة 100% إنه مفيش أي نسبة أعطال أو شكاوى تيجيلهم بخصوصه أو بخصوص أي شيء في العربية علشان كدة العربية غالية حبتين و مفهاش دلع كتير موجود في عربيات تانية بس مش شغال 100% و فيه نسبة أعطال و مشاكل.
حقيقي ال Quality Control وال Quality Assurance عندهم أكثر من ممتاز.

[Sameh]

----------- و كمان أحب أقولك إن شركة هوندا لما بتعمل أوبشن و تحطه في عربياتها بتبقى متأكدة 100% إنه مفيش أي نسبة أعطال أو شكاوى تيجيلهم بخصوصه أو بخصوص أي شيء في العربية علشان كدة العربية غالية حبتين و مفهاش دلع كتير موجود في عربيات تانية بس مش شغال 100% و فيه نسبة أعطال و مشاكل.
حقيقي ال Quality Control وال Quality Assurance عندهم أكثر من ممتاز.

طالما الكماليات دى موجودة فى الكتالوج يبقا بتنزل فى العربية بس التوكيل هو اللى مش جايبها فى مصر
الحاجة التانية إن الخوف من ظهور أعطال مش مبرر إنهم ماينزلوش كماليات معينة ، المفروض إننا بنتكلم عن هوندا اليابانية ، بس ممكن نقول إن القئة دى فى مفهوم السيارات اليابانية بشكل عام بينزل فيها كماليات معينة اللى هى فئة السيدان الصغير زى كورولا ولانسر وصنى اللى يقابلهم فى الألمانى مثلاً ال c كلاس والفئة التالتة ، يعنى أقصد أقول ده مفهومهم عن الكماليات للفئة دى ، وهتلاقى الكماليات التانية فى فئة السيدان المتوسط زى الأكورد أو الكامرى والجالانت اللى يقابلهم هناك ال E كلاس والفئة الخامسة اللى هم كمان فيهم زيادات عن الفئة اللى تحتهم
أنا مش بقارن بين يابانى والمانى ، بس عايز اقول لو هوندا مابتنزلش الأوبشن ده فى جميع موديلاتها بما فيهم الأكيورا والأوديسى يبقا فيه وجهة نظر معينة عندهم ، إنما لو موجودين فى الفئات العالية ومش موجودين فى السيفيك يبقا الموضوع إقتصادى بحت

[Horsepower]

منور يا سامح باشا,
الحقيقة أنا لي وجهة نظر مختلفة شوية في الموضوع ده ... موضوع الكماليات (الغير كاملة) ... معليش إني بسميها غير كاملة لأنها فعلا كذلك ... في رأيي.
مجموعة الحساسات (sensors) إللي موجوده في عربيات كتير جدا من الصيني للالماني و الياباني (حساسات مطر, مستوى الوقود و المسافات المرتبطة به, درجة الحرارة الخارجية, حساسات شدة الإضاءة الخارجية, غسالة المصابيح الأمامية ... إلخ).
من الجيد الحصول على إمكانية تكون ليها معنى (لزمة) عند المستخدم ... و من باب أولى أن تكون مصممة للعمل و بدون توقف ... و أولى و أولى ألا يسبب عطلها عطل أساسي بالمركبة.

• حساسات مطر ... في مصر؟!!
• حساسات شدة إضاءة؟!! ... أشك أن يكون صاحب الفكرة أساسا مهندس.
• حساسات درجة حرارة خارجية؟!! ... أنا كل لما أسمع عنها أموت من الضحك ... مقتبسة من الطائرة و لا أعلم سبب وضعها بالسيارات!
• غسالة المصابيح الأمامية؟!! ... ممتازة لما تكون ماشي في الغابة بالليل مع أمطار سيول و الطين مغطي على الكشافات ... هايل طبعا.
• حساسات حساب المسافة المتبقية حتى نفاذ الوقود ... دي لوحدها عايزة مقال, دي أصلا معمولة للطرق السريعة الطويلة زي بين ولاية و أخرى في أمريكا مثلا أو إنجلترا يعني تبقى ماشي على سرعة تقريبا ثابتة, إنما داخل المدينة! ومدينة في مصر!!!

أنا سجلت على ال GPS عندي معظم تحركاتي بالعربية من البيت للشغل و العكس و سفر للإسكندرية و خروج مع الأهل و الأصدقاء و كل مرة أسجل فيها خط السير آخذ القرءات للملف و أرسم Graph بين السرعات إللي كنت ماشي عليها مع علاقتها بالزمن ... طبعا إنت متخيل ال Graph كان عامل إزاي (رسم قلب مجهود) ... يعني خلال مشوار من البيت للعمل مثلا الجهاز هيديك قراءة و إنت واقف مثلا إن البنزين يكفي ل 300 كم وإنت ماشي على 10كم/ساعة البنزين يكفي 270كم, وإنت ماشي على 50كم/ساعة البنزين يكفي 200 كم لحد وإنت ماشي 120كم/ساعة البنزين يكفي 170 كم ... شوف بقى إنت بتقف كام مرة و تجري وتقف تاني ... أنهي قراءة ليها معنى؟!! ... مع العلم كمان إن أساسا نسبة الخطأ فيها تصل ل 5 لتر وقود بسبب حركة الوقود داخل الخزان, و خزان الوقود من 50 ل 55 لتر.
كل أصدقائي ملاك (جيتا - أوكتافيا - جولف - سيات - فيات - تويوتا - فورد) + و من العائلة معاهم (C 200 - فورد - تويوتا) ... كلهم حصل عندهم إن البرنامج إللي بيحسب الكلام ده توقف عن العمل و رجع إشتغل تاني بعد إيقاف السيارة تماما و غلق الكهرباء ثم إعادة تشغيلها تاني.

سؤالي ... ليه أساسا أدفع فلوس في مثل هذه الكماليات (الغير كاملة)؟

[wal]

هو فعلا السؤال هنا الى اى مدى بتكون المعلومات او القراءات اللى بنحصل عليها من كمبيوتر المعلومات اوشاشة المعلومات صحيحة يعنى لما يقولى مثلا البنزين المتبقى بالسيارة يمشيك 50 كيلو مثلا هل فعلا الكلام دا اكيد ولا فيه نسبة خطأ
ثانيا حساسات النور والمطر فعلا ملهومش اى لازمة
بس اللى بيعجبنى قوى بصراحة درجة حرارة الجو خارج السيارة لو فعلا بيدينا درجة الحرارة الصحيحة

[KHALED AYMAN]

منور يا سامح باشا,
الحقيقة أنا لي وجهة نظر مختلفة شوية في الموضوع ده ... موضوع الكماليات (الغير كاملة) ... معليش إني بسميها غير كاملة لأنها فعلا كذلك ... في رأيي.
مجموعة الحساسات (sensors) إللي موجوده في عربيات كتير جدا من الصيني للالماني و الياباني (حساسات مطر, مستوى الوقود و المسافات المرتبطة به, درجة الحرارة الخارجية, حساسات شدة الإضاءة الخارجية, غسالة المصابيح الأمامية ... إلخ).
من الجيد الحصول على إمكانية تكون ليها معنى (لزمة) عند المستخدم ... و من باب أولى أن تكون مصممة للعمل و بدون توقف ... و أولى و أولى ألا يسبب عطلها عطل أساسي بالمركبة.

• حساسات مطر ... في مصر؟!!
• حساسات شدة إضاءة؟!! ... أشك أن يكون صاحب الفكرة أساسا مهندس.
• حساسات درجة حرارة خارجية؟!! ... أنا كل لما أسمع عنها أموت من الضحك ... مقتبسة من الطائرة و لا أعلم سبب وضعها بالسيارات!
• غسالة المصابيح الأمامية؟!! ... ممتازة لما تكون ماشي في الغابة بالليل مع أمطار سيول و الطين مغطي على الكشافات ... هايل طبعا.
• حساسات حساب المسافة المتبقية حتى نفاذ الوقود ... دي لوحدها عايزة مقال, دي أصلا معمولة للطرق السريعة الطويلة زي بين ولاية و أخرى في أمريكا مثلا أو إنجلترا يعني تبقى ماشي على سرعة تقريبا ثابتة, إنما داخل المدينة! ومدينة في مصر!!!

أنا سجلت على ال GPS عندي معظم تحركاتي بالعربية من البيت للشغل و العكس و سفر للإسكندرية و خروج مع الأهل و الأصدقاء و كل مرة أسجل فيها خط السير آخذ القرءات للملف و أرسم Graph بين السرعات إللي كنت ماشي عليها مع علاقتها بالزمن ... طبعا إنت متخيل ال Graph كان عامل إزاي (رسم قلب مجهود) ... يعني خلال مشوار من البيت للعمل مثلا الجهاز هيديك قراءة و إنت واقف مثلا إن البنزين يكفي ل 300 كم وإنت ماشي على 10كم/ساعة البنزين يكفي 270كم, وإنت ماشي على 50كم/ساعة البنزين يكفي 200 كم لحد وإنت ماشي 120كم/ساعة البنزين يكفي 170 كم ... شوف بقى إنت بتقف كام مرة و تجري وتقف تاني ... أنهي قراءة ليها معنى؟!! ... مع العلم كمان إن أساسا نسبة الخطأ فيها تصل ل 5 لتر وقود بسبب حركة الوقود داخل الخزان, و خزان الوقود من 50 ل 55 لتر.
كل أصدقائي ملاك (جيتا - أوكتافيا - جولف - سيات - فيات - تويوتا - فورد) + و من العائلة معاهم (C 200 - فورد - تويوتا) ... كلهم حصل عندهم إن البرنامج إللي بيحسب الكلام ده توقف عن العمل و رجع إشتغل تاني بعد إيقاف السيارة تماما و غلق الكهرباء ثم إعادة تشغيلها تاني.

سؤالي ... ليه أساسا أدفع فلوس في مثل هذه الكماليات (الغير كاملة)؟

معلش انا اختلف معاك شويه ..
كل الكماليات دى عندى فى الفيكترا و الاوكتافيا ...
1-حساس المطر ...مفيد ...
لانه مش فكره انه بيشغل المساحه و بس ..
لا ده سرعتها بتزيد حسب شده المطر ..و تقل لما المطر يقل ..
و بالتالى انت مش شاغل دماغك بقى بانك تسرع المساحه او تبطأها ..
انت سايق و مركز فى طريقك ....
2-حساس الضوء فعلا ملوش لازمه ...
3-درجه الحراره الخارجيه مش مفيده اوى و مش مضره ..بس زى ما بنقول كده من باب العلم بالشىء ... وانا شخصيا متابع درجه حراره الجو باستمرار معرفش ليه و بفرح اوى لما الاقى مثلا الحراره 6 بحد ربنا ان دى الحراره الخارجيه ...
4-غساله المصابيح الاماميه ...دى مفيده جدا جدا جدا ...
و هقولك ازاى ..الطرق عندنا كلها تراب و مع المطر بتقلب بطين ..اه مش كثيف ..بس لما عربيه تمشى ادامك على الطريق السريع هتخلى وش عربيتك بالكامل ميفرقش حاجه عن الطريق !!!
و من ضمن وش عربيتك الى بقى كللللله طين الفانوسين ..و نورهم مش بيبقى قوى بسبب تركم الطين ...
شغل الرشاشات بقى .. و شوف الفرق ....
5-حساس حساب كميه الوقود المتبقيه ...
ده انا اصلا بعتمد عليه و مش بعتمد على العداد ...
هقولك ازاى ...
ده بيحسب البنزين هيمشيك اد ايه تبعا لطريقك سواقتك و حاله الطريق ...
يعنى لو انت بتقرص ..
و مفول العربيه ..
هيقرالك 300 كم مثلا ..
لو انت بتمشى هادى هيقرالك 400 او 500 ..
لو ماشى على طريق و مثبت السرعه و هادى ...هيوصل معاك ل 950 كم !!!
و الكلام ده عن تجربه الفيكترا ..
و الاوكتافيا ..
و الاوكتافيا بقالها معانا سنتين و عملنا بيها 55 الف كم الحمد لله محصلش اى خطا من الحساس..
و الفيكترا عملت بيها 16 الف كم محصلش اى خطا ....
فأنا رأيى الشخصى ان الكماليات دى ..
مش كلها مهمه اوى ...
بس بتديك احساس بان العربيه كامله مش ناقصها حاجه ...
و بعضها مفيد جدا و بعضها مفيد و بعضها ملوش لازمه ....
ارجو انك تتقبل كلامى بصدر رحب

[Sameh]

هو من حيث المبدأ ليه لأ إن يبقا عندى كماليات كتير ، لو فيه حساس مطر أو إضاءة أو حرارة أو ضغط دم حتى ، والله يبقا خير وبركة كلها معلومات وأكيد هيجى وقت تبقا مفيدة وتنفعنى ، بس طبعاً ممكن الحساسات دى تبقا محبطة لو حصل اللى بيقول عليه Horsepower إن العربية تعطل منك عشان حساسات غير اساسية فى تشغيل العربية تعطل وتعطل العربية فدى أكيد حاجة تغيظ صاحب العربية وتبقا قلتها أحسن فى الحالة دى ، إنما لو الإعتمادية عالية والأعطال تكاد تكون زيرو يبقا أكيد وجودها مفيد عن عدم وجودها

طبعاً ماننكرش إن ظروفنا فى مصر ممكن ماتكونش محتاجة معظم الإمكانيات دى عشان غالباً الأحوال ثابتة مافيش مطر ودايماً الحرارة شبه ثابتة مش هتنزل من العربية تلاقيها تحت الصفر برا ، مافيش مثلاً ضباب ولا أمطار مفاجأة ، وبرضه طريقة السواقة والإشارات ماتخليش حسابات الوقود دقيقة - بس من حيث المبدأ ليه لأ

[Horsepower]

طبعا يا أستاذ/ خالد,

بس أسألك كام سؤال:

1. ما هو متوسط عدد مرات هطول الأمطار سنويا في القاهرة؟
2. ما هي النسبة التي تكون بها تقود سيارتك أثناء هطول الأمطار في القاهرة؟
3. ما هي تكلفة حساس المطر و غسالة المصابيح الأمامية؟ و كم ستكون تكلفة صيانتهم سنويا لمدة خمس سنوات؟

بعد الإجابة على الأسألة الثلاثة, إقسم مجموع إجابة السؤال الثالث على إجابة الثاني ... بفرض المدة خمس سنوات.
أن كمان مش حاسب إحتمالية الحوادث لا قدر الله.
و شوف كدة المرة الواحدة إللي هتشغل فيها الحساسات دي تكلفتها عليك قد إيه

بالنسبة للبرنامج إللي بيحسب المسافة المتبقية حتى نفاذ الوقود (و ده بالمناسبة تكلفته غالية لأنه بياخد قراءة من كذا مكان) ... بقى بعد إللي قلته عن ظروف القيادة في مدن مصر لسة مُصِر إنك تقدر تاخد منه قراءة تعبر عن المسافة المتبقية فعلا حتى نفاذ الوقود ... عموما هو البرنامج زي ما قلتلك مصمم للطرق السريعة و الطويلة و ليس داخل المدن ... ده مش كلامي و الله ده كلام شركات السيارات إللي نزلته.

سامح باشا,
مش معقول يبقى المبدأ وجود كل حاجة ليها و ملهاش لزمة في العربية! ... الحاجات دي بفلوس و بفلوس كتير.

[الصيداح]

طبعا يا أستاذ/ خالد,

بس أسألك كام سؤال:

1. ما هو متوسط عدد مرات هطول الأمطار سنويا في القاهرة؟
2. ما هي النسبة التي تكون بها تقود سيارتك أثناء هطول الأمطار في القاهرة؟
3. ما هي تكلفة حساس المطر و غسالة المصابيح الأمامية؟ و كم ستكون تكلفة صيانتهم سنويا لمدة خمس سنوات؟

بعد الإجابة على الأسألة الثلاثة, إقسم مجموع إجابة السؤال الثالث على إجابة الثاني ... بفرض المدة خمس سنوات.
أن كمان مش حاسب إحتمالية الحوادث لا قدر الله.
و شوف كدة المرة الواحدة إللي هتشغل فيها الحساسات دي تكلفتها عليك قد إيه :m_yes[1]:

بالنسبة للبرنامج إللي بيحسب المسافة المتبقية حتى نفاذ الوقود (و ده بالمناسبة تكلفته غالية لأنه بياخد قراءة من كذا مكان) ... بقى بعد إللي قلته عن ظروف القيادة في مدن مصر لسة مُصِر إنك تقدر تاخد منه قراءة تعبر عن المسافة المتبقية فعلا حتى نفاذ الوقود ... عموما هو البرنامج زي ما قلتلك مصمم للطرق السريعة و الطويلة و ليس داخل المدن ... ده مش كلامي و الله ده كلام شركات السيارات إللي نزلته.

سامح باشا,
مش معقول يبقى المبدأ وجود كل حاجة ليها و ملهاش لزمة في العربية! ... الحاجات دي بفلوس و بفلوس كتير.

وجهة نظر سديدة
وهذا ما أعجبني في سياسة شركة هوندا
لا تنسوا إختلاف الرأي لا يفسد للود قضية
وجزاكم الله كل خير

[Sameh]

وجهة نظر سديدة
وهذا ما أعجبني في سياسة شركة هوندا
لا تنسوا إختلاف الرأي لا يفسد للود قضية
وجزاكم الله كل خير

لا مايفسدش خالص إن شاء الله ، إحنا أصدقاء جداً
بس أنا و أحمد سامى Horsepower زى ما تقول كدة دايماً نشاكس بعض فى السيفيك عشان هو بيموت فى حاجة إسمها هوندا

[KHALED AYMAN]

طبعا يا أستاذ/ خالد,

بس أسألك كام سؤال:

1. ما هو متوسط عدد مرات هطول الأمطار سنويا في القاهرة؟
2. ما هي النسبة التي تكون بها تقود سيارتك أثناء هطول الأمطار في القاهرة؟
3. ما هي تكلفة حساس المطر و غسالة المصابيح الأمامية؟ و كم ستكون تكلفة صيانتهم سنويا لمدة خمس سنوات؟

بعد الإجابة على الأسألة الثلاثة, إقسم مجموع إجابة السؤال الثالث على إجابة الثاني ... بفرض المدة خمس سنوات.
أن كمان مش حاسب إحتمالية الحوادث لا قدر الله.
و شوف كدة المرة الواحدة إللي هتشغل فيها الحساسات دي تكلفتها عليك قد إيه

بالنسبة للبرنامج إللي بيحسب المسافة المتبقية حتى نفاذ الوقود (و ده بالمناسبة تكلفته غالية لأنه بياخد قراءة من كذا مكان) ... بقى بعد إللي قلته عن ظروف القيادة في مدن مصر لسة مُصِر إنك تقدر تاخد منه قراءة تعبر عن المسافة المتبقية فعلا حتى نفاذ الوقود ... عموما هو البرنامج زي ما قلتلك مصمم للطرق السريعة و الطويلة و ليس داخل المدن ... ده مش كلامي و الله ده كلام شركات السيارات إللي نزلته.

سامح باشا,
مش معقول يبقى المبدأ وجود كل حاجة ليها و ملهاش لزمة في العربية! ... الحاجات دي بفلوس و بفلوس كتير.

يا باشا قبل اى حاجه بلاش كلمه استاذ عشان بتكبرنى فى السن ..ده انا 19 سنه يا عن استاذ ايه بقى
بالنسبه بقى للموضوع الاساسى ...
انا معاك ان الحاجات دى استخدامها قليل جدا ...
بس لما بييجى وقت استخدامه بيكون مفيد جدا برده ...
و فعلا الحساسات و الحاجات دى غاليه ...
بس المستهلك هنا بيحب الحاجات دى تبقى كامله عشان العربيه دى تبقى بكماليات العربيه الفلانيه !!!
و احنا نعيش فى السوق المصرى ...
و مفروض نمشى زى ما السوق ماشى ...
و طبعا يا باشا اختلاف الراى لا يفسد للود قضيه و لو هيفسد يبقى انا معاك 100%