فرامل السيفيك 2009

[spider_sayad]

يا جماعة فرامل السيفيك عندي(عاملة 2000 كم) لما بجيب سرعة 100 او اعلي لما اجي افرمل جامد شوية بيكون استيعابها بطئ بجد ده والله 128 بتفرمل احسن وبيقولك فيها absده فين يعني والله حراااام و مش عارف اعمل ايه؟؟؟ ارجوووووكم نصيحة

[kemo0o]

معلش ايه علاقة ال abs بقوة الفرملة وسرعة الاستجابة ؟

انا معاك ان السيفيك فراملها مش بالكفائة المطلوبة ولكن كويسة

انا معايا 2008 اللي المفروض فراملها اسوأ من 2009 ومش عامله لي مشاكل والحمد لله ماقصرتش معايا خالص
بس انا معاك ان فرامل الهوندا منذ قديييييييييم الازل وهي كده !
وهتتعود عليها


اه بخصوص ال abs وده موضوع اتناقش كتير جدا جدا .. وهو ان فائدة ال abs وهي تمكنك من التحكم في اتجاه العربية وتوجيهها عند الانزلاق
جرب كده تخش في حتة رملة او ميه وامسك فرامل هتحس بدربكة تحت رجلك واوصوات تخبيط (بس في مكان فاضي) .... هو ده فكرة ال abs

[Horsepower]

يا جماعة فرامل السيفيك عندي(عاملة 2000 كم) لما بجيب سرعة 100 او اعلي لما اجي افرمل جامد شوية بيكون استيعابها بطئ بجد ده والله 128 بتفرمل احسن وبيقولك فيها absده فين يعني والله حراااام و مش عارف اعمل ايه؟؟؟ ارجوووووكم نصيحة

السلام عليكم,
أحب بس أوضح لحضرتك نقطة صغيرة إن في حالة الرغبة في التوقف السريع دون الحاجة لتوجيه السيارة أثناء الفرامل بيكون أداء الفرامل بدون ABS أفضل طبعا من الفرامل إللي عليها ABS.
السبب بسيط جدا إن ال ABS ما هو إلا عبارة عن إضافتين من أجل السلامة أثناء الفرملة عن الفرامل التقليدية:

الإضافة الأولى هي منع الغلق المستمر لتيل الفرامل على الطنابير ... ده بيحصل Electronically عن طريق Processor بيقوم بحساب قوة الإحتكاك (A) بين التيل و الطنابير و قوة الإحتكاك (B) بين الكاوتش و الأرض و بيتم المقارنة بين الإتنين و أول ما يوصل إن قيمة (A) تكون أكبر من قيمة (B) بيقوم صمام منع الغلق يفتح و يقفل الفرامل بين التيل و الطنابير بسرعة كبير تقريبا 6 مرات في الثانية (بتختلف من سيارة لأخرى و من شركة لأخرى حسب وزن السيارة و أبعادها و توزيع الأحمال ... إلخ)... و بكدة ميحصلش إن الكاوتش يمسح في الأرض و تفضل السيارة قابلة للتوجيه يمين و شمال مهما دوست فرامل جامد(ولو إن أحيانا بيحصل إن الكاوتش بيمسح في الأرض نتيجة تأخير في حساب الفرق بين قوتي الإحتكاك).
نتيجة هذه الإضافة إن المسافة اللازمة للتوقف الكلي للمركبة بيزيد بنسبة 25 % تقريبا في حالة وجود نظام مانع الإنغلاق للفرامل (ABS) ... ولكن بيعطيك القدرة على السيطرة على السيارة.

الإضافة الثانية هي مقارنة قوة قوة الإحتكاك بين الأربع عجلات والأرض و من ثم توزيع قوة الفرملة على كل عجلة على حده ... مثلا لو فرملت و نصف السيارة ماشي على رمل و النصف الآخر على أسفلت قوة الفرملة على العجلتين إللي ماشيين على الرمل بتكون أكبر من قوة الفرملة على العجلتين إللي على الأسفلت والفرق بين القوتين يكون بالقدر إللي يخلى السيارة متغير إتجاها (متعومش) أثناء الفرامل.
طبعا فيه مثال أقوى إن أحد الإطارات الأربعة فقط يكون داس في بقعة زيت و كمان مش بالكامل مغطى بالزيت و تيجي تفرمل فعلا لو مفيش ABS العربية هتعوم و ممكن تتقلب كمان لو على سرعة عالية.

شخصيا أنا ضد الإضافة الأولى لأن عمليا عند الحاجة لتوقف السيارة بيكون غالبا هدف السائق إن السيارة تقف في أقل مسافة ممكنة و نادرا ما تحتاج إنك تتحكم في السيارة أثناء التوقف السريع.
ولكن أحب أوضحلك إن من المستحيل (لحد الآن) إن الإضافة الثانية تعمل والأولى لأ ... يعني لو لغيت الإضافة الأولى تبقى بتلغي عمل ال ABS كله لأن الإضافة الثانية هي جزء من الأولى.

نصيحة:
حاول تسيب مسافة كافية بينك و بين السيارة إللي أمامك خصوصا لو سيارة قديمة (مفهاش ABS) لأنها لو وقفت فجأة و إنت كبست فرامل بسرعة كمان برضه هتخبط فيه والسبب ال ABS إللي عندك و مش عنده.

[spider_sayad]

الف شكر يا جماعة اويييييييييييييي

[Sameh]

لو عندك استعداد تركب كاوتش أعرض 215 أو 225 هيقلل زمن التوقف أوى مع ال ABS

لأن زى ما شرح Horsepower ال ABS هيمسك العجل لغاية قبل ما يحصل الإنزلاق ، عشان كدة يستحسن كاوتش عريض معاه لأنه مش بينزلق بسهولة عشان احتكاكه الكبير مع الأسفلت وده معناه إن نظام ال ABS هيسمح بقوة فرملة أكبر عشان العجل لسة ما بدأش الإنزلاق

أما لو الكاوتش مش عريض كفاية فبيبقا قابل إنه ينزلق على الأسفلت بسهولة أكتر عشان إحتكاكه أقل ، فساعتها ال ABS مش هيسمح بقوة فرملة قوية عشان العجل ما يبدأش الإنزلاق وبالتالى بتلاقى الفرامل ضعيفة زى ما قولت

حل القصة دى بإختصار هو تغيير الكاوتش لمقاس أعرض مش إلغاء ال ABS عشان تستفيد بفرامل قوية وفى نفس الوقت تستفيد بال ABS وقت اللزوم ، بالنسبة لعربيتك ال 215 وال 225 يركبوا

[zinc]

اللي اعرفه ان
ال abs ايضا ممكن يوقف في زمن اقل ( ليس في جميع الظروف)
و ممكن يوقف في زمن اكبر في حاله وجود حصي او ثلج - و طبعا التلج معندناش و موضوع الحصي ده نادرا ما بنتعرضله
لذلك ال abs في مصر يعتبر عملي لانه في الظروف العاديه هيوقف في زمن اقل ( لان slipping = انزلاق الفرامل اقل لانها بتفتح و تقفل )
و عند مواجهه بقعه زيت او مياه ( بنشوفها كتير ) العربيه مش هتتزحلق ---
و لو انت دوست فرامل و في نفس الوقت حبيت تتفادي اللي قدامك (مناوره) طبعا ال abs بيسمحلك بكده - بعكس الفرامل العاديه ( و كتير برده بيحصلنا كده خاصه ان الشوارع كلها ضيقه مقارنه بعدد السيارات الماره بها فكله ماشي ورا بعضه )
و بكده ال ABS عملي جدا بالنسبه لينا في مصر -- لان بعض الناس بتقول ملوش لزمه و عدم وجوده افضل
اسف علي الاطاله
و بكده

[Eng.Geo]

ما ينفعش نقول أن ال abs بيوقف ابطأ من العادي
يوجد حالتين ومعاك عربيتين واحدة فيها وواحد مفيهاش
الحالة الاولي : الفرملة كانت عادية يعني ضغطة عادية مش قوية تؤدي للزحف وفي هذه الحالة اللي مفيهاش abs هتقف اسرع
الحالة التانية : الفرملة كانت قوية لدرجة انها خلت العربية اللي مفيهاش abs تزحف وفي هذه الحالة اللي فيها abs هتقف اسرع
وفايدتها انك تقدر تلف الدركسيون اثناء الضغط القوي علي الفرامل بدون زحف العربية
حاجة بقي برة الموضوع
انت كاتب الموضوع في وقت مزهل :)
22/2 الساعة 5:55
:)

[Horsepower]

ما ينفعش نقول أن ال abs بيوقف ابطأ من العادي
يوجد حالتين ومعاك عربيتين واحدة فيها وواحد مفيهاش
الحالة الاولي : الفرملة كانت عادية يعني ضغطة عادية مش قوية تؤدي للزحف وفي هذه الحالة اللي مفيهاش abs هتقف اسرع
الحالة التانية : الفرملة كانت قوية لدرجة انها خلت العربية اللي مفيهاش abs تزحف وفي هذه الحالة اللي فيها abs هتقف اسرع
وفايدتها انك تقدر تلف الدركسيون اثناء الضغط القوي علي الفرامل بدون زحف العربية
حاجة بقي برة الموضوع
انت كاتب الموضوع في وقت مزهل :)
22/2 الساعة 5:55
:)

السلام عليكم,
ممكن حضرتك تشرحلنا الحالة التانية (العربيتين كبسو فرامل قوية لهدف الوقوف بسرعة) ... إزاي العربية إللي فيها abs هتقف في مسافة أقل من إللي مفهاش abs؟
و شكرا لك.

[sa7aby]

أنا سلمت عربيتى فى هوندا جسر السويس للسمكرة و الدهان
و أنا بدردش مع المهندس محمد عياد حكيتله على موضوع الطنابير إللى قالوا إنها إتغيرت و خلونى أدفع ثمن التيل فكان مندهش زيى!!! إزاى يدفعونى ثمن تيل جديد مع إن العيب من عندهم!! المهم إن العيب رجع زي ما كان (غربة مزعجة مع الفرامل)
المهم إن أنا ناوى بعد ما أستلم العربية أروح التجمع أعمل صيانة ال50 ألف و بالمرة أعملهم فضيحة و أطلب مقابلة رئيس الفرع يشوفله حل و إلا حطلع على جهاز حماية المستهلك، بس قبل كدة حخلى حد من المش مهندسين إللى هناك يطبعلى تاريخ تغيير قطع الغيار بتاع عربيتى من على السيستم عشان أنا متأكد إنهم ما غيروش الطنابير!!

[kemoelord]

السلام عليكم,
أحب بس أوضح لحضرتك نقطة صغيرة إن في حالة الرغبة في التوقف السريع دون الحاجة لتوجيه السيارة أثناء الفرامل بيكون أداء الفرامل بدون abs أفضل طبعا من الفرامل إللي عليها abs.
السبب بسيط جدا إن ال abs ما هو إلا عبارة عن إضافتين من أجل السلامة أثناء الفرملة عن الفرامل التقليدية:

الإضافة الأولى هي منع الغلق المستمر لتيل الفرامل على الطنابير ... ده بيحصل electronically عن طريق processor بيقوم بحساب قوة الإحتكاك (a) بين التيل و الطنابير و قوة الإحتكاك (b) بين الكاوتش و الأرض و بيتم المقارنة بين الإتنين و أول ما يوصل إن قيمة (a) تكون أكبر من قيمة (b) بيقوم صمام منع الغلق يفتح و يقفل الفرامل بين التيل و الطنابير بسرعة كبير تقريبا 6 مرات في الثانية (بتختلف من سيارة لأخرى و من شركة لأخرى حسب وزن السيارة و أبعادها و توزيع الأحمال ... إلخ)... و بكدة ميحصلش إن الكاوتش يمسح في الأرض و تفضل السيارة قابلة للتوجيه يمين و شمال مهما دوست فرامل جامد(ولو إن أحيانا بيحصل إن الكاوتش بيمسح في الأرض نتيجة تأخير في حساب الفرق بين قوتي الإحتكاك).
نتيجة هذه الإضافة إن المسافة اللازمة للتوقف الكلي للمركبة بيزيد بنسبة 25 % تقريبا في حالة وجود نظام مانع الإنغلاق للفرامل (abs) ... ولكن بيعطيك القدرة على السيطرة على السيارة.

الإضافة الثانية هي مقارنة قوة قوة الإحتكاك بين الأربع عجلات والأرض و من ثم توزيع قوة الفرملة على كل عجلة على حده ... مثلا لو فرملت و نصف السيارة ماشي على رمل و النصف الآخر على أسفلت قوة الفرملة على العجلتين إللي ماشيين على الرمل بتكون أكبر من قوة الفرملة على العجلتين إللي على الأسفلت والفرق بين القوتين يكون بالقدر إللي يخلى السيارة متغير إتجاها (متعومش) أثناء الفرامل.
طبعا فيه مثال أقوى إن أحد الإطارات الأربعة فقط يكون داس في بقعة زيت و كمان مش بالكامل مغطى بالزيت و تيجي تفرمل فعلا لو مفيش abs العربية هتعوم و ممكن تتقلب كمان لو على سرعة عالية.

شخصيا أنا ضد الإضافة الأولى لأن عمليا عند الحاجة لتوقف السيارة بيكون غالبا هدف السائق إن السيارة تقف في أقل مسافة ممكنة و نادرا ما تحتاج إنك تتحكم في السيارة أثناء التوقف السريع.
ولكن أحب أوضحلك إن من المستحيل (لحد الآن) إن الإضافة الثانية تعمل والأولى لأ ... يعني لو لغيت الإضافة الأولى تبقى بتلغي عمل ال abs كله لأن الإضافة الثانية هي جزء من الأولى.

نصيحة:
حاول تسيب مسافة كافية بينك و بين السيارة إللي أمامك خصوصا لو سيارة قديمة (مفهاش abs) لأنها لو وقفت فجأة و إنت كبست فرامل بسرعة كمان برضه هتخبط فيه والسبب ال abs إللي عندك و مش عنده.

+111111111111 شرح حلو اويييي تسلم ايدك

[mussolini]

السلام عليكم

صحابى باشا.اتمنى ان تكون فى احسن حال,
بالنسبة لموضوع حماية المستهلك مش هايعملك حاجة(عن لسان محمد فضل مدير الصيانة فى الفطيم)فا دا اللى عندهم وان دا اقصى اداء ليهم(الفطيم)...
و ما تتوقعش اداء 100% منهم لان دا مستحيل لأن حضرتك فى مصر(كل دا بردة محمد فضل)وكتر خير الدنيا على المستوى اللى هما بيعاملونا بية,واللى مش عاجبة يخبط دماغة فى الحيط(دى من عندى,ما دة اللى كان ناقص يتقال!)

[محمد محمد]

السلام عليكم

صحابى باشا.اتمنى ان تكون فى احسن حال,
بالنسبة لموضوع حماية المستهلك مش هايعملك حاجة(عن لسان محمد فضل مدير الصيانة فى الفطيم)فا دا اللى عندهم وان دا اقصى اداء ليهم(الفطيم)...
و ما تتوقعش اداء 100% منهم لان دا مستحيل لأن حضرتك فى مصر(كل دا بردة محمد فضل)وكتر خير الدنيا على المستوى اللى هما بيعاملونا بية,واللى مش عاجبة يخبط دماغة فى الحيط(دى من عندى,ما دة اللى كان ناقص يتقال!)

كلهم بيقولوا كده واول ماتشتكي يكشوا.

[mussolini]

يا سيدى الفاضل

انا لحد دلوقتى مقدروش يحلولى مشكلة الفرامل,انا مغير تيل قدام و ورا 4 مرات و تنابير قدام مرة,و كل مرة مش بيفضلو من 6 الى 7 الاف كيلو!!
انا لسة مغير التنابير و التيل اللى قدام من 4 الاف كيلو بالظبط..
و تكرم العضو كيمو بتجربة العربية قالى ان الفرامل سيئة جدا جدا و اسواء من 2008..
و ايضا مشكلة البطاحات,الخ.......
وكل ما اسئلهم عن اى حاجة فى اى حتة يقولك ان دا طبيعى و ان دا عادى جدا

دا انا فى مرة من المرات كنت بشتكى من الفرامل فا طلع معايا المهندس يجرب فا بيقوللى ان العربية ممتازة و ان الفرامل قوية جدا(على كلامة وتجربتة للعربية)فا قاللى هنبصلك عليها احطياتى...بعد شوية لقيت مهندس استقبال بيقوللى التيل قدام وورا خلصان(كنت مغيرهم من شهر بالظبط)
و خد عندك من دا كتير...

بصراحة انا تعبت و مليت من حوارات التوكيل دى

[محمد محمد]

يا سيدى الفاضل

انا لحد دلوقتى مقدروش يحلولى مشكلة الفرامل,انا مغير تيل قدام و ورا 4 مرات و تنابير قدام مرة,و كل مرة مش بيفضلو من 6 الى 7 الاف كيلو!!
انا لسة مغير التنابير و التيل اللى قدام من 4 الاف كيلو بالظبط..
و تكرم العضو كيمو بتجربة العربية قالى ان الفرامل سيئة جدا جدا و اسواء من 2008..
و ايضا مشكلة البطاحات,الخ.......
وكل ما اسئلهم عن اى حاجة فى اى حتة يقولك ان دا طبيعى و ان دا عادى جدا

دا انا فى مرة من المرات كنت بشتكى من الفرامل فا طلع معايا المهندس يجرب فا بيقوللى ان العربية ممتازة و ان الفرامل قوية جدا(على كلامة وتجربتة للعربية)فا قاللى هنبصلك عليها احطياتى...بعد شوية لقيت مهندس استقبال بيقوللى التيل قدام وورا خلصان(كنت مغيرهم من شهر بالظبط)
و خد عندك من دا كتير...

بصراحة انا تعبت و مليت من حوارات التوكيل دى

نفس الحوارات دي كانت بتتعمل مع ملاك الكورولا نصيحة مني كل واحد يبعت شكوي لحماية المستهلك ....انا بعتلهم علي الميل بتاعهم بعدها بيومين كلموني علي الموبايل علشان ابعت صورة الرخصة والضمان والحاجات دي واديك شوفت النتيجة.

[Eng.Geo]

السلام عليكم,
ممكن حضرتك تشرحلنا الحالة التانية (العربيتين كبسو فرامل قوية لهدف الوقوف بسرعة) ... إزاي العربية إللي فيها abs هتقف في مسافة أقل من إللي مفهاش abs؟
و شكرا لك.

شوف الفيديو ده
YouTube - ABS Vs. no ABS ....... Live for Speed XRT
في الحالة الاولي العربية فرملت وفيها abs وشوف وقفت قبل العواميد الخضرا بقد ايه وشوف في الحالة التانية دخل في العواميد وعداها من غير abs
هو خد كيرف بسيط جدا ولكن انا عايزك تبص علي الفرملة الاخيرة بعد الكيرف
علي فكرة جربت الحكاية ده ومن غير كيرفات :)