Fuel feeding system cleaner.....

[Yones]

هااااى ازيكم كلكم ياشباب عاملين ايه؟
انا سمعت ان فيه سائل منظف لنظام ضخ الوقودومزيل لترسبات الكربون الناتجة عن عملية الاحتراق فى المحرك وبيقولوا انه بيحسن استهلاك البنزين بيتحط مع البنزين فى التانك سواء كان النظام كربيراتير او electronic injection
ياترى ياشباب حد جرب السائل ده ولو حد جربه ياريت اعرف معلومات عنه وبيتحط مع كمية قد ايه من البنزين وكل قد ايه بالظبط وهل هو ضار على انابيب نقل البنزين اوبيسبب اى تاكل فى نظام ضخ الوقود؟؟
وكل سنة وانتم طيبين ياشباب كلكم

[Horsepower]

أهلا بيك,

العبوة إللي فيها السائل ده سواء Injection Cleaner أو Complete Fuel System Cleaner أو أي منتج آخر بتكون كافية للعربيات الكبيرة وإللي خزان الوقود بتاعها ممكن يبقى 90 ليتر مثلا ... كل عبوة مكتوب عليها كمية السائل و يكفي لخزان بنزين قد إيه ... الموضوع ده بيختلف من شركة منتجة لأخرى يعني مش ثابت بس إنت إقرأ التعليمات إللي على العبوة ... على أي حال العبوة هتكون كافيه لأي خزان وقود و زياده بس أنصك بالآتي:

1. سائل التنظيف ده يضاف على البنزين قبل تفويلة كاملة للعربية (يعني تحطه في التنك و بعدين تحط عليه البنزين علشان يخطلتو ببعض أثناء تفويل العربية).
2. بعد ما تحط السائل ده و تفول العربية متزودش بنزين تاني إللا لما التنك يفضى علشان تستفيد بتركيز سائل التنظيف قدر المستطاع.
3. طبعا يفضل أول ما تحط السائل ده و تفول العربية تمشي مشوار طويل شويه 50 كم مثلا علشان هيكون فيه بنزين في الخراطيم و الفلتر مفهوش السائل ده (البنزين القديم قبل التفويلة) فتخلص منه و يدخل مكانه البنزين إللي فيه السائل.

بعد يوم واحد إن شاء الله هتحس إن العربية بتجري و الأداء هيتحسن بنسبة ملحوظة جدا و نصيحة إنك تخللي بالك لأنك هتلاقي العربية بتسحب معاك عن قبل كدة.
نصيحة كمان هات النوع إللي مكتوب عليه Complete Fuel system cleaner و ده سعره حوالي 45 جنيه حسب بلد المنشأ ... و ياريت تجيب الألماني وبعديه الأمريكي.
و بالتوفيق إن شاء الله.
متنساش تقولينا على النتيجة.

[Yones]

متشكر جدا يا
horsepower

بجد معلومات مفيدة قوى بس اقدر اعرف بيتباع السائل ده فى اى محطة بنزين ولا محلات الاكسسوارات وقطع الغيار؟؟
وبالنسبة للسائل ده لازم يتحط على تفويلة كاملة اكيد؟ ولا ممكن احطه على نص تفويلة مثلا؟؟
وبالنسبة للكمية الموجود فى العبوة احطها كلها قبل مااحط البنزين ولا كمية منها؟
معلش اسالتى كتير شوية تقلت عليك بس بجد عايز اخد فكرة شاملة عن الموضوع لانه شاددنى جدا

[Horsepower]

لا أبدا إنت تأمر,
سائل التنظيف ده هتلاقيه في معظم محطات البنزين (الإمارات - شيل - موبيل ... إلخ)
بالنسبة إنك تحطه على تفويلة واللا نص ... أنا أفضل تفويلة كاملة علشان تبقى عارف كميه البنزين بالظبط إللي تملأ التنك عندك ... يعني مش هتعرف تحكم نصف تفويلة بالظبط لأن مؤشر الخزان مبيبقاش دقيق في القراءات إللي أقل من التفويلة الكاملة يعني لما المؤشر يكون على النصف ممكن يكون الخزان فيه من 20 ليتر ل 30 ليتر لو الخزان 50 ليتر مثلا ... طبعا من 20 ل 30 ليتر نسبة الخطأ 35% ... مش هتعرف تحكمها ... إنما لما التنك يكون 50 ليتر و تفوله هيبقى 50 ليتر من غير متبص على المؤشر أصلا و مفيش تقريبا نسبة خطأ.
بالنسبة للكميه زي ما قلتلك دي بتختلف من شركة لشركة وهم بيكونو كاتبين على العبوة من بره إنها تكفي لحد كام ليتر بنزين ... شخصيا أول مرة إستعملت السائل ده حطيت الكميه كلها على تفويلة كاملة مع إن الكميه كانت تتحط على 80 ليتر و تنك عربيتي كان 45 ليتر بس عملت كدة علشان أزود التركيز نظرا لسوء جودة البنزين المصري عن إللي برة مصر و كمان كنت مطمن إنهم كاتبين على العبوة إن زيادة التركيز لا تضر بنظام الحقن للوقود في السيارة.

[Yones]

ربنا يخليك يا horse power بجد
بس الانواع اللى بتستخدم للتنظيف بتبقى صالحة فعلا لكل انواع المحركات سواء انجكشن او كربيراتير ولا بيبقى متحدد على العلبة؟؟

[Horsepower]

ربنا يخليك يا horse power بجد
بس الانواع اللى بتستخدم للتنظيف بتبقى صالحة فعلا لكل انواع المحركات سواء انجكشن او كربيراتير ولا بيبقى متحدد على العلبة؟؟

سوائل التنظيف دي لتنظيف نظام الحقن و الحقن المباشر أما الكاربيراتير ليه سائل تنظيف بيبقى مكتوب عليه إنه للكاربيراتير.

[SAMEH_FOUAD]

سوائل التنظيف دي لتنظيف نظام الحقن و الحقن المباشر أما الكاربيراتير ليه سائل تنظيف بيبقى مكتوب عليه إنه للكاربيراتير.

طيب ياباشا انت اية رايك دة افضل ولا نعمل على طول تنظيف بالالترا سونيك
وعايز بردة اسال على حاجة هل فعلا العربية بترجع زى الاول بعد اسبوع لما كانت الحالة علية
وهل لازم لما احطة احطة والتنك فاضى خالص ولا عادى ممكن يكون فية نصة وازود علية السائل وبعد كدة افول

[Horsepower]

طيب ياباشا انت اية رايك دة افضل ولا نعمل على طول تنظيف بالالترا سونيك
وعايز بردة اسال على حاجة هل فعلا العربية بترجع زى الاول بعد اسبوع لما كانت الحالة علية
وهل لازم لما احطة احطة والتنك فاضى خالص ولا عادى ممكن يكون فية نصة وازود علية السائل وبعد كدة افول

لا طبعا الألتراسونيك أفضل لأنها بتنضف كل وحدة حقن وقود على حدة و ترجعهم كلهم كالجديد ... الألتراسونيك دي من الآخر بس مكلفة و عايزلها يوم بحاله وبعدين دي لما تكون الرشاشات مسدودة تماما و سائل التنظيف مش هيعمل نتيجة ... ميزة سائل التنظيف إنه بينظفلك الرشاشات و إنت ماشي بالعربية حاجة كدة On the go.
موضوع العربية ترجع زي ما كانت ده حسب الحالة إللي كانت عليها ... شوف إعتبر نظام الحقن ده زي شرايين الإنسان أحيانا بتتسد إما إنسداد كلي أو جزئي لو كلي لازم تعمل ألتراسونيك و ممكن متعملش نتيجة و تبقى محتاجة تغير شرايين - قصدى رشاشات :)) - و لو إنسداد جزئي سائل التنظيف إن شاء الله يكون كافي.
طبعا ممكن تحطه في أي حالة (تنك فاضي أو مليان نصفه) بس كل ما كان التنك فاضي كل ما كانت فرصة إنه يتقلب بالبنزين أثناء تفويل التنك هيكون أفضل.

[axis]

[QUOTE=Horsepower;3872406714]لا طبعا الألتراسونيك أفضل لأنها بتنضف كل وحدة حقن وقود على حدة و ترجعهم كلهم كالجديد ... الألتراسونيك دي من الآخر

استاذ يا horse power الله ينور ويزيدك علم

طيب انا معايا هوندا سيفيك 93 si لو انا عاوز اعمل الالترا سونيك ى اعملها فين وايه طريقتها عشان اول مره اسمع عنها ؟

وعموما انا هجرب طريقه Injection Cleaner برضه بس المهم متكنش فيها ضرر

[SAMEH_FOUAD]

لا طبعا الألتراسونيك أفضل لأنها بتنضف كل وحدة حقن وقود على حدة و ترجعهم كلهم كالجديد ... الألتراسونيك دي من الآخر بس مكلفة و عايزلها يوم بحاله وبعدين دي لما تكون الرشاشات مسدودة تماما و سائل التنظيف مش هيعمل نتيجة ... ميزة سائل التنظيف إنه بينظفلك الرشاشات و إنت ماشي بالعربية حاجة كدة on the go.
موضوع العربية ترجع زي ما كانت ده حسب الحالة إللي كانت عليها ... شوف إعتبر نظام الحقن ده زي شرايين الإنسان أحيانا بتتسد إما إنسداد كلي أو جزئي لو كلي لازم تعمل ألتراسونيك و ممكن متعملش نتيجة و تبقى محتاجة تغير شرايين - قصدى رشاشات :)) - و لو إنسداد جزئي سائل التنظيف إن شاء الله يكون كافي.
طبعا ممكن تحطه في أي حالة (تنك فاضي أو مليان نصفه) بس كل ما كان التنك فاضي كل ما كانت فرصة إنه يتقلب بالبنزين أثناء تفويل التنك هيكون أفضل.

الف شكر ياباشا بس المشكلة عندى كلها لما بيكون التانك فاضى يعنى مافيهوش غير 3 لتر العربية بتتخنق وهية بارة وبحس بتقل فى السحب غير كدة الحمد لله مافيش وبتتحل المشكلة اول لما بمون على طول فكنت هاروح اعملها الترا سونيك بس فكرة تنظيف دورة الوقود بالمنظف دية عمالة فى دماغى بقالها فترة
طيب ياريت بقى تقولى احسن نوع اجيبة ومنين ومش مشكلة المكان

[Horsepower]

[QUOTE=axis;3872406788]

طيب انا معايا هوندا سيفيك 93 si لو انا عاوز اعمل الالترا سونيك ى اعملها فين وايه طريقتها عشان اول مره اسمع عنها ؟

وعموما انا هجرب طريقه Injection Cleaner برضه بس المهم متكنش فيها ضرر

ممكن سمسم يقولنا على مكان يكون مضمون لأن الشغل في الحاجات دي محتاج مركز و صنايعية بيفهمو ... بالنسبة للطريقة شوف اللينك ده FUEL INJECTION
موضوع سائل التنظيف ده إن شاء الله مفهوش أي مشاكل ولا ضرر ... متقتلقش
إنت ممكن تقلق من الألتراسونيك لأنها بتحتاج إنك تفك الرشاشات و تنظفها و بعدين ترجعها تاني ... طبعا لو اللي بيعمل الكلام ده مش صنيعي شاطر هتبقى مشكلة لا قدر الله.
شخصيا أنا معملتش الألتراسونيك قبل كدة (أيام اللانوس) و معنديش إستعداد أجازف بيها بالسيفيك برة التوكيل.

............ بس فكرة تنظيف دورة الوقود بالمنظف دية عمالة فى دماغى بقالها فترة
طيب ياريت بقى تقولى احسن نوع اجيبة ومنين ومش مشكلة المكان

والله يا سمسم باشا أنا عملت الموضوع ده مرة واحدة قبل كدة و العربية مشيت بعديها معايا 40000كم لحد ما بيعتاها و محتاجتش أكرر التنظيف ده تاني ... النوع إللي جيبته كان أمريكي من بنزينة الإمارات مصر - الدائري ... كانت عبوة لونها فضي مش فاكر إسم الشركة إيه بس المنتج كان Complete Fuel System Cleaner ... فيه نوع تاني للرشاشات بس و أرخص بحوالي عشرة جنيه ... بس أنا فاكر إنها كانت نفس الشركة إللي بتعمل ال Octane Booster إللي لون عبوتها حمراء ... ده النوع إللي جربته.

[SAMEH_FOUAD]

[QUOTE=Horsepower;3872407659]

ممكن سمسم يقولنا على مكان يكون مضمون لأن الشغل في الحاجات دي محتاج مركز و صنايعية بيفهمو ... بالنسبة للطريقة شوف اللينك ده FUEL INJECTION
موضوع سائل التنظيف ده إن شاء الله مفهوش أي مشاكل ولا ضرر ... متقتلقش
إنت ممكن تقلق من الألتراسونيك لأنها بتحتاج إنك تفك الرشاشات و تنظفها و بعدين ترجعها تاني ... طبعا لو اللي بيعمل الكلام ده مش صنيعي شاطر هتبقى مشكلة لا قدر الله.
شخصيا أنا معملتش الألتراسونيك قبل كدة (أيام اللانوس) و معنديش إستعداد أجازف بيها بالسيفيك برة التوكيل.

والله يا سمسم باشا أنا عملت الموضوع ده مرة واحدة قبل كدة و العربية مشيت بعديها معايا 40000كم لحد ما بيعتاها و محتاجتش أكرر التنظيف ده تاني ... النوع إللي جيبته كان أمريكي من بنزينة الإمارات مصر - الدائري ... كانت عبوة لونها فضي مش فاكر إسم الشركة إيه بس المنتج كان Complete Fuel System Cleaner ... فيه نوع تاني للرشاشات بس و أرخص بحوالي عشرة جنيه ... بس أنا فاكر إنها كانت نفس الشركة إللي بتعمل ال Octane Booster إللي لون عبوتها حمراء ... ده النوع إللي جربته.

تمام ياباشا متشكرين جدا لمعلوماتك الجميلة والمفيدة ياأستاذ هورس باور
وانا فعلا خايف اوديها لحد مايعرفش يشتغل فيها خصوصا انت عارف مواتير الsir مش منتشرة ومش اى حد بيشتغل فيها 0109712688
بس لو حد عايز مكان كويس فية واحد اسمة مدحت فى المعادى ودة رقم تليفونة 0109712688
وبتتكلف 100 جنية
واللى جربها قال كويس جدا ومخلى العربية حاجة تانية وشغلة نظيف وفاهم

[SAMEH_FOUAD]

انا عملت منظف الرشاشات امبارح اللى بيتحط مع البنزين وجيبت stp وحطيتة مع تفويلة والغريبة انى وديتها والعربية مجنطة وخد 47 لتر وحطيت طبعا المنظف الاول بس كنت عايز اعرف اثارة هتبان امتى ,هل هتبان على طول ولا بعد فترة

[ahmedsamir5edr]

متاااااابع